Foreign Investment : शेखांच्या हाती सूत्रे जाताच ‘या’ भारतीय बँकेचं नशीब बदललं! नफ्यात 18 % दणदणीत वाढ; अहवालात मोठा खुलासा

Foreign Investment : मिडल ईस्टच्या बड्या उद्योगपतींची आणि गुंतवणूकदारांची गुंतवणूक प्राप्त झाल्यानंतर एका प्रमुख भारतीय बँकेच्या आर्थिक कामगिरीत कमालीची सुधारणा झाली आहे. बँकेने प्रसिद्ध केलेल्या वार्षिक अहवालात दिलेल्या माहितीनुसार, बँकेच्या निव्वळ नफ्यात तब्बल १८ टक्क्यांची मोठी झेप नोंदवली गेली आहे.

• शेखांच्या हाती सूत्रे, बँकेचं नशीब बदललं!
• नफ्यात 18 % दणदणीत वाढ
• अहवालात मोठा खुलासा

Foreign Investment : मिडल ईस्टच्या बड्या उद्योगपतींची आणि गुंतवणूकदारांची गुंतवणूक भारतातील बड्या बँकेचं नशीब पलटवून गेलं. त्यांची ही गुंतवणूक प्राप्त झाल्यानंतर एका प्रमुख भारतीय बँकेच्या आर्थिक कामगिरीत मोठी आणि कमालीची सुधारणा झाली आहे. बँकेने प्रसिद्ध केलेल्या वार्षिक अहवालात मोठी माहिती समोर आली. दिलेल्या माहितीनुसार, बँकेच्या निव्वळ नफ्यात तब्बल १८ टक्क्यांची मोठी झेप नोंदवली गेली आहे. नेमकी कोणती बँक आहे जिला इतका मोठा फायदा मिळाला? आणि विदेशी गुंतवणुकीनंतर ( Foreign Investment ) बँकेच्या बिझनेस मॉडेलमध्ये काय बदल झाले?

E20 Petrol: ई२० पेट्रोलमध्ये क्लोराईड आणि पाणी? सोशल मीडियावरील दाव्यांचे तेल कंपन्यांनी स्पष्ट केले सत्य; पाहा केला खुलासा

भारताच्या ८३ वर्षे जुन्या RBL बँकेने आपला वार्षिक अहवाल प्रसिद्ध केला आहे. २०२५-२६ हे आर्थिक वर्ष बँकेसाठी ऐतिहासिक ठरलं आहे. बँकेच्या ८३ व्या वार्षिक अहवालानुसार, दुबईच्या अग्रगण्य बँकिंग ग्रुपने एमिरेट्स एनबीडी ENBD ने RBL बँकेत ६०% हिस्सा विकत घेतला आहे. याचा अर्थ आता आरबीएल बँकेत दुबईच्या शेखांचे वर्चस्व निर्माण झालं आहे. त्यामुळे या बँकेत बरेच मोठे बदल झाले. याचा परिणाम त्यांच्या वार्षिक अहवालात दिसून आला.

संयुक्त अरब अमिरातीच्या UAE एमिरेट्स एनबीडीने आरबीएलमध्ये २६,०१६ कोटी रुपयांची प्राथमिक भांडवली गुंतवणूक केली आहे, जी आतापर्यंत भारतीय बँकिंग क्षेत्रातील सर्वात मोठी थेट परकीय गुंतवणूक FDI आहे.

विक्रमी नफा आणि व्यवसायात वाढ

RBL बँकेने या आर्थिक वर्षात दमदार आर्थिक कामगिरी केली आहे. निव्वळ नफा गेल्या वर्षीच्या ₹६९५ कोटींच्या तुलनेत १८.३% वाढून ₹८२२ कोटी झाला आहे. बँकेच्या एकूण व्यवसायानेही ₹२.५ लाख कोटींचा म्हणजे ₹२.५ ट्रिलियनचा टप्पा ओलांडला असून, वार्षिक 24 टक्के वाढ नोंदवली आहे. बँकेच्या संचालक मंडळाने आपल्या भागधारकांना ₹१० दर्शनी मूल्याच्या प्रति शेअर ₹१ (१०%) लाभांश देण्याची शिफारस केली आहे.

NPA मध्ये लक्षणीय घट, मालमत्तेच्या गुणवत्तेत सुधारणा

बँकेच्या मालमत्तेच्या गुणवत्तेत लक्षणीय सुधारणा झाली आहे. एकूण Gross NPA मध्ये गेल्या वर्षीच्या २.६०% वरून १.४५% पर्यंत कमी झाली आहे. निव्वळ अनुत्पादक मालमत्ता (Net NPA) देखील ०.२९% वरून ०.३९% पर्यंत कमी झाली आहे, यातून बँकेचे मजबूत जोखीम व्यवस्थापन धोरण दर्शवते.
RBL बँकेने आपल्या डिजिटल क्षमता वाढवण्यासाठी ‘मायबँक’ ॲप सुरू केले आहे आणि ‘प्रोजेक्ट ऑटोमॅजिका’च्या माध्यमातून AI-आधारित ग्राहक सेवादेखील सुरु केली आहे. बँकेचे जाळे आता २८ राज्यांमध्ये ६२८ शाखांपर्यंत विस्तारलं गेलं आहे. बँकेने सुरक्षित किरकोळ कर्जांवर लक्ष केंद्रित केले असून, त्यात ३६% ची दमदार वाढ दिसून आली आहे.

२ सप्टेंबरला होईल 83 वी AGM

RBL बँकेची ८३ वी वार्षिक सर्वसाधारण सभा बुधवार, २ सप्टेंबर २०२६ रोजी सकाळी ११:३० वाजता व्हिडिओ कॉन्फरन्सिंगद्वारे आयोजित केली जाईल. या सभेत बँकेच्या नवीन संचालक मंडळावरील नियुक्त्या आणि आर्थिक निकालांवर चर्चा केली जाईल.

Milk Price Hike: दूध दरवाढीचा सर्वसामान्यांच्या खिशाला फटका; गाई-म्हशीचं दूध ‘इतक्या’ रुपयांनी महागलं; 11 ऑगस्टपासून नवे दर लागू

(Disclaimer : येथे शेअर बाजाराची माहिती दिली आहे, गुंतवणुकीचा सल्ला नाही. नवराष्ट्र बिझनेस गुंतवणुकीचा सल्ला देत नाही. शेअर बाजारात गुंतवणूक करणे हे बाजारातील जोखमीच्या अधीन आहे, त्यामुळे गुंतवणूक करण्यापूर्वी कृपया प्रमाणित गुंतवणूक सल्लागाराचा सल्ला घ्या.)