Free Finance Apps: 1 एप्रिलपासून तुमचं Finance Planning करा आणखी मजबूत, ‘हे’ मोफत ॲप्स तुम्हाला करतील बचतीसाठी मदत

वैयक्तिक इच्छा यांचा समतोल साधत खर्चाचं नियोजन कसं करावं असे बरेच प्रश्न आपल्याल पडतात. त्याच वेळी भविष्यातील आर्थिक सुरक्षेसाठी बचतीचा एक स्वतंत्र निधी कसा उभा करायचा हे समजून घेण्यात आपल्याला अनेकदा अडचणी येतात.

• योग्य ठिकाणी त्याची बचत करणे अधिक महत्त्वाचे
• सगळं गणित साध्य करण्यासाठी योग्य नियोजनाची गरज
• मोफत आर्थिक ॲप्स जे तुमच्या आर्थिक नियोजनासाठी उपयुक्त

Free Finance Apps: पैसा कमावण्यापेक्षाही, योग्य वेळी आणि योग्य ठिकाणी त्याची बचत करणे अधिक महत्त्वाचे आहे. अनेकदा, गुंतवणुकीबाबत घेतलेले चुकीचे निर्णय आर्थिक नुकसानीस कारणीभूत ठरतात. आपली कमाई प्रभावीपणे कशी आणि कुठे गुंतवावी, किंवा आपल्या गरजा, वैयक्तिक इच्छा यांचा समतोल साधत खर्चाचं नियोजन कसं करावं असे बरेच प्रश्न आपल्याल पडतात. त्याच वेळी भविष्यातील आर्थिक सुरक्षेसाठी बचतीचा एक स्वतंत्र निधी कसा उभा करायचा हे समजून घेण्यात आपल्याला अनेकदा अडचणी येतात. हे सगळं गणित साध्य करण्यासाठी योग्य नियोजनाची गरज फार महत्त्वाची आहे.
असे काही मोफत आर्थिक ॲप्स आहेत जे तुम्हाला तुमच्या आर्थिक नियोजनासाठी अत्यंत उपयुक्त ठरू शकतात. तुमच्या आर्थिक नियोजनाला अधिक बळकट आणि सुलभ करण्यासाठी मदत करणाऱ्या अशा ॲप्सविषयी सविस्तर माहिती देऊ.

आता मध्यमवर्गीयांची ‘बल्ले बल्ले’, Tax चं गणित बदललं, एप्रिलमध्ये पगार न वाढताही मिळणार जास्त पैसे, कसं ते जाणून घ्या

Zerodha Coin

ही भारतातील सर्वात मोठी ‘डिस्काउंट ब्रोकर’ म्हणजेच सवलतीच्या दरात सेवा देणारी ब्रोकरेज कंपनी आहे. त्यांच्या ‘Coin’ या ॲपद्वारे, तुम्ही म्युच्युअल फंडमध्ये थेट आणि पूर्णपणे मोफत गुंतवणूक करू शकता. या प्लॅटफॉर्मद्वारे गुंतवणूक करताना तुम्हाला कोणत्याही वितरकाला म्हणजेच distributor ला कोणतीही कमिशन द्यावे लागत नाही. त्यामुळे तुम्हाला प्रत्यक्षात १ ते १.५ टक्क्यांचा अतिरिक्त वार्षिक परतावा मिळतो.

Groww

नवीन गुंतवणूकदारांसाठी हे सर्वात ‘वापरण्यास-सुलभ’ म्हणजेच user-friendly ॲप मानलं जातं. या ॲपद्वारे तुम्ही मोफत डिमॅट खाते उघडू शकता आणि कोणतेही कमिशन न देता म्युच्युअल फंडमध्ये गुंतवणूक करू शकता.

IndMoney

हे ॲप तुम्हाला तुमच्या सध्याच्या सर्व गुंतवणुकीचे प्रोव्हिडंट फंड म्हणजेच PF पासून ते म्युच्युअल फंड आणि शेअर्सपर्यंतच्या एकाच मध्यवर्ती ठिकाणी व्यवस्थापन करण्याची सुविधा देतं. तसंच, हे ॲप तुम्हाला Apple आणि Google सारख्या अमेरिकेतील प्रमुख कंपन्यांच्या शेअर्समध्ये गुंतवणूक करण्याची संधी देखील उपलब्ध करून देतं.

OneScore

हे ॲप तुम्हाला कोणत्याही स्पॅम कॉल्स किंवा जाहिरातींच्या त्रासाशिवाय तुमचे CIBIL आणि Experian क्रेडिट स्कोअर तपासण्याची सुविधा पुरवतं. तुमचा क्रेडिट स्कोअर कसा सुधारावा, याविषयी हे ॲप तुम्हाला वैयक्तिकृत म्हणजेच personalized सल्ला देखील देतं.

Paisabazaar

या प्लॅटफॉर्मद्वारे, तुम्ही तुमचा अद्ययावत म्हणजेच updated क्रेडिट स्कोअर दरमहा आणि पूर्णपणे मोफत तपासू शकता. या ॲपचे आणखी एक महत्त्वाचे वैशिष्ट्य म्हणजे यावर तुम्ही विविध बँकांनी देऊ केलेल्या कर्ज आणि क्रेडिट कार्डच्या विविध ऑफर्सची तुलना एकाच वेळी करता येते.

CRED

हे केवळ सदस्यांसाठी म्हणजेच members-onlyयांच्यासाठीच उपलब्ध असलेले एक ॲप आहे. जे विशेषतः क्रेडिट कार्डची बिले भरण्यासाठी तयार करण्यात आलं आहे. मात्र, या ॲपचे सदस्यत्व केवळ अशाच व्यक्तींना मिळतं, ज्यांचा क्रेडिट स्कोअर ७५० किंवा त्यापेक्षा जास्त आहे. ‘CRED Money’ या सुविधेद्वारे, तुम्ही तुमच्या बँक खात्यातील शिल्लक आणि व्यवहारांची माहिती एकाच ठिकाणी पाहू शकता. हे ॲप इतरही अनेक उत्कृष्ट वैशिष्ट्ये देखील उपलब्ध करून देतं.

Walnut

हे ॲप तुमच्या बँकेकडून येणाऱ्या SMS सूचनांचे विश्लेषण करून तुमच्या खर्चाचे वर्गीकरण करते (उदा. खरेदी, जेवण आणि प्रवास यांसारख्या गोष्टींसाठी ); यामुळे तुमचा पैसा नेमका कुठे खर्च होत आहे, हे समजून घेण्यास मदत मिळते. शिवाय, कोणत्याही प्रकारची माहिती स्वतः हाताने भरावी न लागता हे ॲप तुमचे बजेट व्यवस्थापित करते आणि बिलांचे पैसे भरण्यासाठी तुम्हाला रिमांडरही देतं.

Vadhvan Port Market: महाराष्ट्रात १२०० एकरवर International Market Hub उभारणार; पणनमंत्री रावल यांची माहिती