Free UPI Transaction End: आता UPI द्वारे पैसे पाठवणं महागणार? सरकार आणि बँकांचा नवा नियम, तुमच्यावर काय परिणाम होणार?

Free UPI Transaction End: नवीन नियमांमुळे आणि प्रस्तावित शुल्कांमुळे डिजिटल पेमेंट करणाऱ्या कोट्यवधी युजर्सच्या खिशावर नेमका किती परिणाम होणार, याविषयी जोरदार चर्चा सुरू आहे. PhonePe, Google Pay, Paytm यांसारख्या ॲप्सवरून होणाऱ्या कोणत्या व्यवहारांवर शुल्क लागू शकते.

• UPI द्वारे पैसे पाठवणं महागणार?
• सरकार आणि बँकांच्या नवा नियम
• तुमच्यावर काय परिणाम होणार?

Free UPI Transaction End: जे लोक दररोज UPI द्वारे पेमेंट करतात त्यांच्यासाठी ही बातमी फार महत्त्वाची आहे. कारण जेव्हा ऑनलाईन पेमेंट आलं तेव्हापासून पैशांनी व्यवहार करण्याची सवय मोडली. आपण पूर्णपणे UPI वरुन व्यवहार करायला लागलो. त्यामुळे ही बातमी आपल्यासाठी फार महत्त्वाची आहे. नुकतंच लोकसभेने एक विधेयक मंजूर केलं आहे. ज्यामुळे येणाऱ्या UPI व्यवहारांवर शुल्क आकारण्याचा ( Free UPI Transaction End ) मार्ग मोकळा झाला आहे. नेमका काय आहे कायदा आणि यामुळे नेमके काय बदल झाले आहेत?

आशीर्वादने आणला भारताचा अस्सल प्रोटीन पर्याय; वाळूत भाजलेल्या चणा सत्तूचा हेल्दी इनोव्हेशन,10 रुपयांत मिळणार 10 ग्रॅम प्रोटीन

कायदा संमत झाला याचा अर्थ असा नाही की आजपासून UPI ​​मधून कपात सुरू होईल. सध्या, UPI पूर्वीप्रमाणेच विनामूल्य आहे. नवीन कायद्यामुळे सरकारला आवश्यक असल्यास काही डिजिटल पेमेंटवर शुल्क आकारण्याचा अधिकार दिला जाणार आहे.

UPI साठी शुल्क आकारलं जाणार का?

नाही, सध्या UPI लोकांसाठी पूर्णपणे विनामूल्य आहे. सरकारने कोणतेही नवीन शुल्क लागू केलेले नाही. कायद्यात फक्त एवढाच बदल करण्यात आला आहे की, कोणत्या डिजिटल पेमेंटवर MDR म्हणजेच मर्चंट डिस्काउंट रेट आकारला जावा आणि कोणत्यावर नाही, हे सरकार यापुढे ठरवू शकणार आहे.

आता हा MDR म्हणजे मर्चंट डिस्काउंट रेट म्हणजे काय?

MDR मर्चंट डिस्काउंट रेट हे एक शुल्क आहे जे बँक किंवा पेमेंट सेवा देणारे प्रदाता डिजिटल पेमेंटवर प्रक्रिया करण्यासाठी हे शुल्क आकारतात. पूर्वी, UPI आणि RuPay डेबिट कार्डसाठी शून्य MDR प्रणाली होती, म्हणजेच व्यापाऱ्यांकडून हे शुल्क आकारले जात नव्हते. पण आता, नवीन कायद्यानुसार, सरकार गरजेनुसार या प्रणालीमध्ये बदल करू शकणार आहे.

सर्वसामान्यांच्या खिशावर काय परिणाम होणार?

सध्या, तुमच्या खिशावर कोणताही परिणाम होणार नाही, कारण सरकारने अद्याप कोणतेही शुल्क लागू केलेले नाही. पण भविष्यात जर UPI व्यवहारांवर MDR लागू करण्यात आलं, तर त्याचा परिणाम व्यापारी, पेमेंट कंपन्या आणि काही प्रकरणांमध्ये ग्राहकांवरही होऊ शकतो. पण हे पूर्णपणे सरकारच्या निर्णयावर अवलंबून असणार आहे.

आकाशात पारशी खाद्यसंस्कृतीची अनोखी चव साजरी करत कॅफे अकासा पुन्हा घेऊन आले आहे ‘नवरोज स्पेशल मील’