आकाशात पारशी खाद्यसंस्कृतीची अनोखी चव साजरी करत कॅफे अकासा पुन्हा घेऊन आले आहे ‘नवरोज स्पेशल मील’

Akasa Air Cafe Akasa Navroz Celebration Meal: अकासा एअरच्या कॅफे अकासा सेवेतून पारशी नववर्षानिमित्त ‘नवरोज स्पेशल मील’ची दुसरी आवृत्ती सादर करण्यात आली आहे. प्रवाशांना या खास मेनूमधून पारशी चिकन खीमा पाय, पत्रा नू चिकन सॅलड आणि केशरयुक्त राईस पुडिंगसह पारशी खाद्यसंस्कृतीचा आस्वाद घेता येणार आहे.

Follow Us:

Follow Us:

• अकासा एअरची ऑनबोर्ड भोजन सेवा कॅफे
• पारशी नववर्षानिमित्त ‘नवरोज स्पेशल मील’ची आवृत्ती सादर
• वेबसाइट किंवा मोबाईल ॲपद्वारे नोंदणी

Crude Oil: व्हेनेझुएलापासून रशियापर्यंत भारताचा दबदबा! कच्च्या तेलावर आली मोठी बातमी

हे विशेष भोजन ऑगस्ट 2026 अखेरपर्यंत उपलब्ध असेल. प्रवासी अकासा एअरच्या वेबसाइट किंवा मोबाईल ॲपद्वारे याची आगाऊ नोंदणी (प्री-बुकिंग) देखील करू शकतात.’नवरोज’ म्हणजे ‘नवा दिवस’. हा सण नवचैतन्य, कृतज्ञता आणि एकोप्याचे प्रतीक मानला जातो. या उत्सवात खाद्यसंस्कृतीला विशेष महत्त्व असते.पारंपरिक पारशी पाककलेच्या वारशातून प्रेरणा घेत हा विशेष मेन्यू काळजीपूर्वक तयार करण्यात आला आहे. प्रवासादरम्यान प्रवाशांना नवरोज उत्सवाची भावना अनुभवता यावी आणि पारशी खाद्यसंस्कृतीच्या अस्सल चवीचा आस्वाद घेता यावा, हा या उपक्रमामागील उद्देश आहे.

वर्षभरात विविध खास प्रसंग आणि ऋतूंनुसार मर्यादित कालावधीसाठी विशेष मेन्यू सादर करून कॅफे अकासा प्रवाशांचा उड्डाणातील भोजनाचा अनुभव अधिक समृद्ध करत आहे. ग्राहकांच्या बदलत्या आवडीनिवडी लक्षात घेऊन तयार करण्यात आलेल्या या विशेष मेन्यूमुळे प्रत्येक प्रवासात काहीतरी नवीन अनुभवण्याची संधी प्रवाशांना मिळत आहे.

ऑगस्ट 2022 मध्ये सेवा सुरू केल्यापासून अकासा एअर विविध सण-उत्सवांशी निगडित प्रादेशिक खाद्यपदार्थांवर आधारित खास भोजन पर्याय प्रवाशांना उपलब्ध करून देत आहे. मकर संक्रांत, व्हॅलेंटाईन डे, होळी, ईद, इस्टर, मदर्स डे, आंतरराष्ट्रीय योग दिन, नवरोज, ओणम, गणेश चतुर्थी, दसरा, दिवाळी, बालदिन आणि ख्रिसमस अशा विविध सणांच्या निमित्ताने कॅफे अकासा विशेष फेस्टिव्ह मेन्यू सादर करून प्रवासाचा अनुभव अधिक संस्मरणीय बनवत आहे. याशिवाय, आकाशात आपल्या प्रियजनांसोबत वाढदिवस किंवा इतर खास क्षण साजरे करू इच्छिणाऱ्या प्रवाशांसाठी नियमित मेन्यूमध्ये केकची प्री-सेलेक्शन करण्याची सुविधाही विमान कंपनी उपलब्ध करून देते.

कॅफे अकासाचा नियमितपणे अद्ययावत केला जाणारा मेन्यू विविध प्रकारचे गॉरमेट भोजन, स्वादिष्ट अल्पोपहार आणि ताजेतवाने पेयांनी समृद्ध आहे. विविध आहार पद्धती आणि खाद्यपसंती लक्षात घेऊन हा मेन्यू तयार करण्यात आला असून, प्रत्येक प्रवाशाच्या आवडीनुसार पर्याय उपलब्ध आहेत. या मेन्यूमध्ये 45 हून अधिक भोजन पर्यायांचा समावेश आहे. यामध्ये फ्युजन डिशेस, प्रादेशिक चवीची झलक असलेले स्टार्टर्स तसेच आकर्षक डेझर्ट्सचा समावेश असून, भारतभरातील नामांकित शेफ यांनी हे पदार्थ खास तयार केले आहेत.

Elon Musk Net Worth: एका दिवसात मुकेश अंबानीच्या आयुष्याची कमाई एलॉन मस्कने गमावली, नक्की काय घडले

Web Title: Akasa air navroz special meal parsi new year cafe akasa menu

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com