HDFC Bank Loan Interest Rates : आता महाग होणार EMI… HDFC Bank च्या ग्राहकांना मोठा धक्का! बँकेने वाढवले कर्जाचे व्याजदर

HDFC Bank Loan Interest Rates : HDFC Bank ग्राहकांसाठी एक महत्त्वाची आणि खिशाला ताण देणारी बातमी समोर आली आहे. बनेकने आपल्या विविध मुदतीच्या कर्जावरील व्याजदरांमध्ये MCLR वाढ केली असून, यामुळे जुन्या आणि नव्या दोन्ही कर्जधारकांचा EMI महाग होणार आहे.

• आता महाग होणार EMI…
• HDFC Bank च्या ग्राहकांना मोठा धक्का!
• बँकेने वाढवले कर्जाचे व्याजदर

HDFC Bank Loan Interest Rates : HDFC Bank ने आपला MCLR (Marginal Cost of Funds-based Lending Rate) वाढवला आहे. बँकेने वेगवेगळ्या कालावधीसाठी MCLR मध्ये ५ ते १५ बेसिस पॉइंट्सची (bps) वाढ केली आहे. परिणामी, जर तुमचे HDFC Bank कडून गृह कर्ज, वैयक्तिक कर्ज किंवा इतर कोणतेही कर्ज असेल, तर त्याचा EMI आता अधिक महाग होईल. ( HDFC Bank Loan Interest Rates ) 

Central Government Subsidy : PM Kisanच्या 25 व्या हप्त्यापूर्वी शेतकऱ्यांना मोठी भेट! ‘या’साठी सरकार देणार तब्बल 62 हजार कोटी

हे नवीन दर ७ नोव्हेंबर २०२६ पासून लागू झाले आहेत. या बदलानंतर, HDFC Bank चे नवीन MCLR दर आता ७.८५% वरून ८.७०% पर्यंत वाढले आहेत, जे पूर्वी ७.७५% ते ८.५५% दरम्यान होते.

बँकेचे विविध मुदतींसाठीचे MCLR दर

MCLR म्हणजे काय?

MCLR (मार्जिनल कॉस्ट ऑफ फंड्स-बेस्ड लेंडिंग रेट) हा भारतीय रिझर्व्ह बँक RBI ने निश्चित केलेला किमान व्याजदर आहे, ज्याच्या खाली कोणतीही बँक कोणत्याही ग्राहकाला कर्ज देऊ शकत नाही. याचा अर्थ, बँकांसाठी कर्ज देण्यासाठी हा मूळ दर आहे. जर तुमचे गृह कर्ज, वाहन कर्ज किंवा वैयक्तिक कर्ज MCLR शी जोडलेले असेल, तर त्याचा तुमच्या कर्जाच्या व्याजदरावर किंवा कालावधीवर थेट परिणाम होईल.

पण, तुमचा EMI लगेचच वाढेल असे नाही. फ्लोटिंग रेट असलेल्या MCLR कर्जांसाठी एक निश्चित ‘व्याजदर रीसेट तारीख’ असते. त्यामुळे, तुमच्या कर्ज करारानुसार, तुमची पुढील रीसेट तारीख आल्यावरच तुमचा EMI वाढेल. तथापि, जर तुमचे कर्ज थेट रिझर्व्ह बँकेच्या रेपो रेटशी जोडलेले असेल, तर या MCLR वाढीचा तुमच्यावर परिणाम होणार नाही.

MCLR रेपो रेटपेक्षा वेगळा का?

MCLR पूर्णपणे बँकेच्या अंतर्गत खर्चावर अवलंबून असतो. जर लोक बँकेत मुदत ठेवींमध्ये (FDs) कमी रक्कम जमा करत असतील, तर बँक ग्राहकांना आकर्षित करण्यासाठी आणि अधिक निधी उभारण्यासाठी FD वरील व्याजदर वाढवते. आता, जेव्हा बँकेला एफडीवर अधिक व्याज द्यावे लागते, तेव्हा बँकेचा खर्च वाढतो. याची भरपाई करण्यासाठी, बँक आपला MCLR वाढवते.

रेपो रेट म्हणजे तो दर, ज्यावर आरबीआय देशातील बँकांना कर्ज देते. जर आरबीआयने रेपो रेट वाढवला, तर बँकांना पुढील काही महिन्यांत कर्जाचे व्याजदर वाढवावे लागतील. त्याचप्रमाणे, जर रेपो रेट कमी झाला, तर बँकांना व्याजदर कमी करावे लागतील.

India GDP Growth : जागतिक ऊर्जा संकटाच्या झटक्यानंतरही भारत भक्कम! अर्थव्यवस्था 7% च्या वेगाने धावणार; जागतिक अहवालाचा दावा