स्विगीच्या ‘शी द चेंज’ 2026 कार्यक्रमात मुंबईतील महिला शेफ्स आणि हॉटेल व्यावसायिक महिलांचा सन्मान

भारताच्या अन्न आणि आदरातिथ्य क्षेत्रात नवीन ओळख निर्माण करणाऱ्या देशभरातील 28 शेफ आणि हॉटेल व्यावसायिक महिलांचा स्विगीकडून सन्मान करण्यात आला. 

मुंबई : स्विगी (NSE: SWIGGY/BSE: 544285), भारताचे अग्रगण्य ऑन-डिमांड सुविधा देणारे प्लॅटफॉर्म, यांनी नुकतेच नवी दिल्ली येथे ‘शी द चेंज’ 2026 चे आयोजन केले होते. ‘फ्रॉम व्हिजन टू व्हेंचर’ या ब्रीदवाक्यासह असलेला हा मुख्य उपक्रम, भारताच्या खाद्य आणि व्यवसाय क्षेत्रात नवीन ओळख निर्माण करणाऱ्या महिलांचा गौरव करतो. यावेळी मुख्य अतिथी गजेंद्र सिंह शेखावत, यांनी श्रीहर्षा मजेटी, सह-संस्थापक, MD आणि ग्रुप CEO, स्विगी, यांच्यासोबत F&B उद्योगातील 28 महिलांना दोन श्रेणींमध्ये—एंटरप्रेन्योर ऑफ द इयर आणि शेफ ऑफ द इयर — सन्मानित केले. या पुरस्कारांनी त्यांच्या खाद्य क्षेत्रातील नाविन्य आणि व्यवसायातील यशाची दखल घेतली.

सन्मानित करण्यात आलेल्यांमध्ये मुंबईतील महिला शेफ्स आणि हॉटेल व्यावसायिक महिलांचा समावेश होता. त्यामध्ये प्रामुख्याने: सलोनी कुकरेजा (इन्दू आईस्क्रीम), अम्रिता कौर (होलिस्टिक गॉरमेट शेफ), अदिती दुगर (मॅस्क्यू), अमीता महाजन (डिलिशिया बाय बंटी महाजन), आहाना गौर (द वेस्टिन मुंबई गार्डन सिटी येथील सॉस शेफ), तोरल संघवी आणि सारा जेकब नायर (नायर ऑन फायर), भूमी पेडणेकर आणि समीक्षा पेडणेकर (ब्लॅकबे), रुच्यता भाटिया (पोएट्री बाय लव्ह अँड चीजकेक). हा सामूहिक गौरव मुंबईचे खाद्य क्षेत्रातील नाविन्य आणि महिलांच्या नेतृत्वाखालील खाद्य व्यवसायांचे भारतातील सर्वात प्रभावशाली केंद्र म्हणून असलेले स्थान अधोरेखित करतो. सन्मानित करण्यात आलेल्यांमध्ये, अनेक उद्योजिका त्यांच्या प्रेरणादायी प्रवासासाठी आणि मुंबईच्या विकसित होत असलेल्या फूड इकोसिस्टममधील योगदानासाठी कार्यक्रमाच्या आकर्षण ठरल्या.

इराण-इस्रायल युद्ध सुरुच… तरीही भारतीय शेअर बाजार सलग तिसऱ्या दिवशी तेजीत, काय आहे यामागचं कारण?

अदिती दुगर, मॅस्क्यू च्या संस्थापक, यांनी भारतातील सर्वात गाजलेल्या फाईन डायनिंग रेस्टॉरंट्सपैकी एक उभे केले आहे. मुंबईत टेस्टिंग मेन्यू संकल्पना सुरू करण्यासाठी ओळखल्या जाणाऱ्या मॅस्क्यूला सातत्याने जागतिक मान्यता मिळाली आहे, ज्यामध्ये अनेक वेळा भारताचे नंबर 1 रेस्टॉरंट म्हणून निवडले जाणे आणि जगातील सर्वोत्तम 50 रेस्टॉरंट्सच्या विस्तारित यादीत नामकरण होणे यांचा समावेश आहे. अदिती दुगर यांच्या नेतृत्वाखाली, मॅस्क्यू हे नाव नाविन्यपूर्ण आणि घटक-केंद्रित भारतीय पाककला यांसाठी प्रसिद्ध ठरले आहे आणि यामुळे मुंबईला जागतिक खाद्य नकाशावर ठामपणे स्थान मिळवून देण्यास मदत झाली आहे.

इन्दू आईस्क्रीमच्या संस्थापिका सलोनी कुकरेजा यांनी जुन्या आठवणींना उजाळा देणाऱ्या भारतीय चवींपासून प्रेरित प्रीमियम आईस्क्रीम आणि सोरबेट्सची एक नवीन आणि ताजी श्रेणी तयार करण्याचे ठरवले. शुद्ध घटकांवर आणि ब्रँडच्या प्रभावी मांडणीवर आधारित असलेल्या इन्दू आईस्क्रीमने जिलेटो ब्रँड्सचे वर्चस्व असलेल्या बाजारपेठेत स्वतःचे एक वेगळे स्थान निर्माण केले आहे. याबद्दल अधिक माहिती देताना, सलोनी यांनी सांगितले “आम्ही प्रामुख्याने डिलिव्हरीवर अवलंबून असल्याने, आमच्या वाढीसाठी स्विगी अत्यंत महत्त्वाचे ठरले आहे. यामुळे आम्हाला मोठ्या ग्राहकांपर्यंत पोहोचण्यास मदत झाली आणि आम्हाला पुन्हा पुन्हा येणाऱ्या ऑर्डर्सचा भक्कम आधार बघून खूप आनंद होतो. यावरून हे लक्षात येते की स्विगीचे प्लॅटफॉर्म ब्रँड्सना त्यांच्या ग्राहकांशी अर्थपूर्ण आणि टिकणारे नाते निर्माण करण्यास सक्षम करते.”

तोरल संघवी आणि शेफ सारा जेकब नायर, यांनी 2019 मध्ये नायर ऑन फायर ची स्थापना केली. नायर ऑन फायर हे मुंबईतील 3 डिलिव्हरी आउटलेट्सद्वारे खास तयार केलेल्या मेन्यूच्या माध्यमातून केरळच्या घरगुती चवीचे उत्कृष्ट दर्शन घडवते. आपल्या प्रवासाविषयी सांगताना त्या म्हणाल्या, “नायर ऑन फायर ने आपल्या ऑनलाइन डिलिव्हरी प्रवासाची सुरुवात स्विगी सोबत केली आणि यामुळे आम्हाला केवळ ओळखच मिळाली नाही, तर आमच्या प्रीमियम स्थानाशी तडजोड न करता आमचे पदार्थ सादर करण्यासाठी एक शक्तिशाली माध्यम मिळाले. सर्वात महत्त्वाचे म्हणजे, शहरांतर्गत भौगोलिक विस्तार आणि बाजारपेठेत खोलवर पोहोचण्यासाठी मदत करून, महिलांच्या नेतृत्वाखालील व्यवसाय म्हणून आमच्या वाढीत स्विगी ने अत्यंत महत्त्वाची भूमिका बजावली आहे. आमच्या ब्रँडची तत्त्वे जपून शाश्वतपणे विस्तार करण्यास यामुळे आम्हाला मोठी मदत झाली आहे.” अम्रिता कौर, ज्या एक आयुर्वेदिक शेफ आणि वेलनेस ॲडव्होकेट आहेत, त्यांनी वैद्यकीय शिक्षण आणि रेडिओ पत्रकारितेपासून अन्न क्षेत्रात करिअर करण्यापर्यंतचा एक वेगळा प्रवास केला आहे. आज, त्या एक आयुर्वेदा न्यूट्रिशन कन्सल्टंट, शेफ आणि इन्फ्लुएन्सर म्हणून ओळखल्या जातात, ज्या त्यांच्या सर्वांगीण पाककला, विचारपूर्वक खाणे आणि आरोग्यावर आधारित खाद्य अनुभवांच्या प्रसारासाठी प्रसिद्ध आहेत.

‘शी द चेंज’ हा भारताच्या खाद्य उद्योगातील मार्गदर्शक, परिवर्तक आणि दूरदृष्टी असलेल्या लोकांचा एक खास मेळावा होता, ज्यातून F&B क्षेत्रातील महिला उद्योजिकांना सक्षम करण्याप्रती स्विगीची बांधिलकी पुन्हा एकदा दिसून आली. स्विगीच्या प्लॅटफॉर्मवर सध्या 70,000 महिलांच्या मालकीची रेस्टॉरंट्स आहेत आणि अंतर्गत अंदाजानुसार, या महिला उद्योजिका जवळपास 4,20,000 रोजगार निर्माण करत आहेत, जिथे प्रत्येक रेस्टॉरंटमध्ये सरासरी सहा प्रत्यक्ष कर्मचारी काम करतात.

विमान प्रवास स्वस्त होणार! सरकारकडून ६० टक्के जागा मोफत ठेवण्याचे आदेश, मनमानी दर लावणाऱ्या विमान कंपन्यांना सरकारचा दणका