Share Market Today: गिफ्ट निफ्टीचे नकारात्मक संकेत; व्यवहार करताना राहा सावध, ‘या’ शेअर्सवर ठेवा लक्ष

Share Market Update: भारतीय शेअर बाजारातील गुंतवणूकदारांसाठी आजचा दिवस महत्त्वाचा ठरण्याची शक्यता आहे. गिफ्ट निफ्टीच्या नकारात्मक संकेतांमुळे बाजाराची सुरुवात दबावाखाली होण्याचा अंदाज असून, तज्ज्ञांनी काही निवडक शेअर्समध्ये खरेदी-विक्रीची संधी असल्याचे सांगितले आहे.

• गिफ्ट निफ्टीच्या नकारात्मक संकेतांमुळे आज सेन्सेक्स आणि निफ्टी कमकुवत सुरुवात करू शकतात.
• तज्ज्ञांनी आजच्या व्यवहारासाठी BEL, भारत डायनॅमिक्स, श्रीराम फायनान्ससह अनेक शेअर्सची शिफारस केली आहे.
• SBI, टायटन, ओला इलेक्ट्रिक, ट्रेंट आणि ब्रिटानियासह अनेक दिग्गज शेअर्सवर आज बाजाराचे लक्ष असेल.

India Share Market Update: भारतीय शेअर बाजारातील गुंतवणूकदारांसाठी अतिशय महत्त्वाची अपडेट आहे. शेअर बाजारातील तज्ज्ञांनी वर्तवलेल्या अंदाजानुसार, आज ७ ऑगस्ट रोजी भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, कमकुवत पातळीवर उघडण्याची शक्यता वर्तवण्यात आली आहे. गिफ्ट निफ्टीच्या ट्रेंडनेही भारतीय बेंचमार्क निर्देशांकासाठी नकारात्मक सुरुवातीचे संकेत दिले. गिफ्ट निफ्टी, निफ्टी फ्युचर्सच्या मागील बंद भावापेक्षा ८८ अंकांनी घसरून सुमारे २४,६५१.५ अंकांवर व्यवहार करत होता.

Todays Gold-Silver Price: सोन्याने पुन्हा घेतली मोठी झेप, चांदीच्या दरातील चढऊतार सुरुच! जाणून घ्या सविस्तर

गुरुवारी भारतीय शेभारतीय शिपिंग कॉर्पोरेशनअर बाजार सकारात्मक स्थितीत बंद झाला, बेंचमार्क निफ्टी ५० २४,६३० च्या वर बंद झाला. सेन्सेक्स ३७३.७६ अंकांनी, म्हणजेच ०.४८ टक्क्यांनी वाढून ७८,९५४.७६ अंकांवर बंद झाला, तर निफ्टी ५० ११.३५ अंकांनी, म्हणजेच ०.०५ टक्क्यांनी वाढून २४,६३६ अंकांवर स्थिरावला.  (फोटो सौजन्य – AI Created) 

प्रभुदास लिलाधरच्या तांत्रिक संशोधन विभागाच्या उपाध्यक्ष वैशाली पारेख यांनी आजच्या व्यवहारात गुंतवणूकदारांना खरेदी आणि विक्री करण्यासाठी तीन स्टॉक्सची शिफारस केली आहे. वैशाली पारेख यांनी निवडलेल्या शेअर्समध्ये श्रीराम फायनान्स, बीईएल आणि भारत डायनॅमिक्स यांचा समावेश आहे. आजच्या व्यवहारात भारतीय शेअर बाजारातील गुंतवणूकदार एसबीआय, टायटन कंपनी, ओला इलेक्ट्रिक, हिंदाल्को इंडस्ट्रीज, ऑइल इंडिया, भारतीय आयुर्विमा महामंडळ, ट्रेंट, अपोलो टायर्स, ब्रिटानिया इंडस्ट्रीज, टीव्हीएस मोटर कंपनी, भारतीय शिपिंग कॉर्पोरेशन, डाबर, अल्केम लॅब, या शेअर्सवर लक्ष केंद्रीत करू शकतात.

चॉईस ब्रोकिंगचे कार्यकारी संचालक सुमीत बागडिया यांनी दिलेल्या सल्ल्यानुसार आज गुंतवणूकदार कल्याण ज्वेलर्स इंडिया, भारत डायनॅमिक्स, युनियन बँक ऑफ इंडिया, गार्डन रीच शिपबिल्डर्स अँड इंजिनिअर्स आणि बायोकोन हे 5 ब्रेकआऊट शेअर्स खरेदी करण्याचा विचार करू शकतात.

Share Market News: शेअर बाजारातून चांगला परतावा हवा? डॉ. विकास व्ही गुप्ता म्हणतात की…

चॉईस ब्रोकिंगचे सुमीत बागडिया, गणेश डोंगरे आणि आनंद राठी येथील वरिष्ठ व्यवस्थापक यांनी आज व्यवहार करताना भारतीय शेअर बाजारातील गुंतवणूकदारांना आठ स्टॉक्सची खरेदी-विक्री करण्याची शिफारस केली आहे. तज्ज्ञांनी शिफारस केलेल्या शेअर्समध्ये साई लाईफ सायन्सेस लि., एक्साईड इंडस्ट्रीज लि., बीईएमएल लि., विप्रो लि., भारत इलेक्ट्रॉनिक्स लि. (बीईएल), सिटी युनियन बँक लि., त्रिवेणी टर्बाइन लि. आणि हिमाद्री स्पेशालिटी केमिकल लि. यांचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)