Free LPG Cylinder : एक दोन नाही तर थेट 6 सिलेंडर मिळणार फ्री, कसं काय? जाणून घ्या काय आहे योजना?

Free LPG Cylinder : महागाईच्या काळात गरीब कुटुंबांना मोठा आर्थिक दिलासा देण्यासाठी जम्मू आणि काश्मीर सरकारने 'अंत्योदय अन्न योजना' (AAY) अंतर्गत वर्षाला ६ LPG गॅस सिलिंडर मोफत देण्याची ऐतिहासिक घोषणा केली आहे.

• एक दोन नाही तर थेट 6 सिलेंडर मिळणार फ्री
• जाणून घ्या काय आहे योजना?
• नेमका कोणाला मिळणार योजनेचा लाभ?

Free LPG Cylinder : सतत वाढणाऱ्या महागाईमुळे सर्वसामान्यांचे आणि विशेषतः गरीब कुटुंबांचे आर्थिक गणित कोलमडले आहे. अशा परिस्थितीत स्वयंपाकाच्या गॅसचा वाढता खर्च कमी करण्यासाठी एक अत्यंत दिलासादायक बातमी समोर आली आहे. एका राज्य सरकारने आपल्या राज्यातील गरीब कुटुंबांना दरवर्षी तब्बल ६ मोफत LPG गॅस सिलिंडर देण्याची मोठी घोषणा केली आहे.

3 दिवसांच्या Bank Strike मुळे सेवा विस्कळीत होणार? SBI सह इतर बँकांनी Customers साठी जारी केल्या महत्त्वाच्या सूचना!

नेमकी काय आहे ही योजना?

जम्मू आणि काश्मीर विधानसभेत अन्न, नागरी पुरवठा आणि ग्राहक व्यवहार मंत्री सतीश शर्मा यांनी या योजनेची घोषणा केली. ‘अंत्योदय अन्न योजना’ (AAY) अंतर्गत समाविष्ट असलेल्या अत्यंत गरीब कुटुंबांना वर्षाला ६ गॅस सिलिंडर मोफत दिले जाणार आहेत. जम्मू-काश्मीर सरकारने या धोरणाला अधिकृत मंजुरी दिली असून, लवकरच या संदर्भातील प्रशासकीय आदेश जारी केले जातील.

विशेष म्हणजे, जम्मू-काश्मीर आणि लेह-लडाखसारख्या दुर्गम भागात देशातील सर्वात महागडा गॅस मिळतो. लेहमध्ये घरगुती गॅस सिलिंडरची किंमत तब्बल १,१७९ रुपये तर व्यावसायिक सिलिंडर ३,३८५.५० रुपयांना मिळतो. त्यामुळे अशा काळात ही मोफत सिलिंडरची योजना तेथील गरिबांसाठी मोठा आधार ठरणार आहे.

कोणाला आणि कसा मिळणार लाभ?

• पात्रता: ही योजना सर्वांसाठी नसून केवळ अंत्योदय अन्न योजनेअंतर्गत AAY Ration Card येणाऱ्या पात्र कुटुंबांसाठीच उपलब्ध असेल.
• पैसे कसे मिळणार? लाभार्थ्यांना आधी सिलिंडर खरेदी करावा लागेल आणि त्यानंतर ६ मोफत सिलिंडरची संपूर्ण रक्कम आधार-संलग्न डीबीटी (Direct Benefit Transfer – DBT) प्रणालीद्वारे थेट लाभार्थ्यांच्या बँक खात्यात जमा केली जाईल.
• लाभार्थी संख्या: जम्मू-काश्मीरमधील सुमारे ८.७९ लाख अंत्योदय कार्डधारकांना या योजनेचा थेट फायदा मिळणार आहे.

राजकारणात तापले वातावरण:

शासनाने ६ मोफत सिलिंडरची घोषणा केल्यानंतर विधानसभेत विरोधक आणि सत्ताधाऱ्यांमध्ये खडाजंगी पाहायला मिळाली. निवडणुकीच्या जाहीरनाम्यात वर्षाला १२ मोफत सिलिंडर देण्याचे आश्वासन दिले होते, मग आता ६ च का? असा सवाल भाजप आमदारांनी उपस्थित केला. यावर, “निवडणुकीतील सर्व आश्वासने ५ वर्षांच्या कार्यकाळात टप्प्याटप्प्याने पूर्ण केली जातील,” असे स्पष्टीकरण सरकारने दिले आहे.

UPI Payment Charges : फक्त भारतातच नाही, UPI सेवा असलेल्या 11 देशांमध्येही लागणार चार्जेस; वित्त मंत्रालयाचे संकेत