(फोटो सौजन्य-सोशल मीडिया)
Gallantt Ispat च्या शेअरच्या किमतीत मोठी वाढ झाली असून, मंगळवारची घसरण थांबली आहे. कंपनीच्या शेअरच्या किमतीत १५% पेक्षा जास्त वाढ झाली आहे. या वाढीमागे कंपनीचा Q4 चा व्यवसाय अहवाल हे कारण आहे. कंपनीने चौथ्या तिमाहीत दमदार कामगिरी केली आहे.
मल्टीबॅगर स्टॉक आज BSE वर ५७५ रुपयांवर उघडला. दिवसभरात, कंपनीच्या शेअर्समध्ये १५ टक्क्यांहून अधिक वाढ होऊन त्याने ६५० रुपयांचा इंट्रा-डे उच्चांक गाठला.
मार्च तिमाहीत कंपनीचे स्टील प्रोडक्शन ०.२४ दशलक्ष टन इतकं झालं. जे मागील वर्षाच्या तुलनेत ९ टक्क्यांनी वाढलं आहे. आर्थिक वर्ष २०२६ मध्ये, कंपनीचे स्टील प्रोडक्शन ०.८८ दशलक्ष टन होते, जे मागील वर्षाच्या तुलनेत ३ टक्क्यांनी वाढले आहे.
Gallantt Ispat च्या शेअरची किंमत या वर्षात आतापर्यंत १८.५८ टक्क्यांनी वाढली आहे. या स्टॉकने एका वर्षात ६१.४१ टक्के परतावा दिला आहे. कंपनीचा ५२ आठवड्यांचा उच्चांक ₹८००.६० आणि ५२ आठवड्यांचा नीचांक ₹३६१ होता. तिचे बाजार भांडवल ₹१५,३७२ कोटी आहे.
Gallantt Ispat च्या शेअरची किंमत तीन वर्षांत ९९४ टक्क्यांनी वाढली आहे. ज्या गुंतवणूकदारांनी पाच वर्षे शेअर्स ठेवले होते, त्यांना १०९२ टक्के परतावा मिळाला आहे. ही गोष्ट फार महत्त्वाची आहे की, कंपनीच्या शेअरची किंमत १० वर्षांत १९३५ टक्क्यांनी वाढली आहे, ज्यामुळे पोझिशनल गुंतवणूकदारांना दमदार रिटर्न मिळाला आहे. कंपनी गेल्या दोन वर्षांपासून सातत्याने डिविडेंड म्हणजे लाभांश देत आहे. शेवटचा अंतिम लाभांश प्रति शेअर ११.२५ होता. २०२४ मध्ये, कंपनीने प्रति शेअर ११ चा लाभांश दिला.
(हा गुंतवणुकीचा सल्ला नाही. शेअर बाजार जोखमीच्या अधीन असतो. कोणतीही गुंतवणूक करण्यापूर्वी कृपया तज्ञांचा सल्ला घ्या.)
