ना घर, ना स्वतःची गाडी; देशाचे पंतप्रधान Modi यांच्या एकूण संपत्तीचा आकडा किती? जाणून घ्या नेमकी कुठे आहे गुंतवणूक

PM Modi Net Worth : देशाच्या पंतप्रधानपदापर्यंतचा प्रवास करणाऱ्या नरेंद्र मोदी यांच्या एकूण संपत्तीचा अधिकृत आकडा समोर आला आहे. पंतप्रधान कार्यालयाने जाहीर केलेल्या ताज्या माहितीनुसार, पंतप्रधान मोदींची एकूण संपत्ती सुमारे ४.०२ कोटी रुपये आहे.

• ना घर, ना स्वतःची गाडी
• Modi यांच्या एकूण संपत्तीचा आकडा किती?
• जाणून घ्या नेमकी कुठे आहे गुंतवणूक

PM Modi Net Worth : भारताचे पंतप्रधान नरेंद्र मोदी यांचा वाढदिवस १७ सप्टेंबर म्हणजेच आज वाढदिवस आहे. या निमित्ताने त्यांच्या जीवनाशी संबंधित अनेक गोष्टींवर वेळीवेळी चर्चा होत असते. लोकांना त्यांच्या संपत्तीबद्दलही नेहमीच उत्सुकता असते. तर मग आज त्यांच्याकडे असलेल्या संपत्तीबद्दल जाणून घेऊयात. ( PM Modi Net Worth ) 

Tata Group ची कमान पुन्हा N Chandrasekaran यांच्याकडे! मात्र नोएल टाटांचा विरोधात कौल, शेअर बाजारात धुमाकूळ

पंतप्रधान मोदींच्या सर्वात अलीकडील अधिकृत मालमत्ता घोषणेनुसार, ३१ मार्च २०२६ पर्यंत त्यांची एकूण मालमत्ता ₹४,०१,६०,९९९ इतकी होती. विशेष म्हणजे, या घोषणेमध्ये त्यांच्या नावावर असलेले कोणतेही घर, दुकान किंवा शेतजमिनीचा समावेश नाही. मग त्यांची गुंतवणूक आहे तरी कशात?

पंतप्रधान कार्यालयाच्या वेबसाइटवर प्रसिद्ध करण्यात आलेल्या मालमत्ता आणि दायित्व दस्तऐवजात पंतप्रधान मोदींच्या जंगम आणि स्थावर मालमत्तेचा स्वतंत्र तपशील देण्यात आला आहे. हा दस्तऐवज ३१ मार्च २०२६ पर्यंतच्या त्यांच्या मालमत्तेची स्थिती दर्शवतो.

पंतप्रधान मोदींची एकूण मालमत्ता किती?

दस्तऐवजानुसार, ३१ मार्च २०२६ रोजी पंतप्रधान नरेंद्र मोदी यांची एकूण घोषित मालमत्ता ₹४,०१,६०,९९९, म्हणजेच अंदाजे ₹४.०२ कोटी इतकी होती आता या रकमेत वाढ झालेली असू शकते. ही रक्कम त्यांच्या जंगम मालमत्तेतून काढण्यात आली आहे, कारण त्यांच्या नावावर कोणतीही स्थावर मालमत्ता नोंदवलेली नाही. त्यांच्या मालमत्तेचा सर्वात मोठा भाग बँक ठेवी आणि मुदत ठेवींचा आहे. दस्तऐवजानुसार, एसबीआयच्या गांधीनगर एनएससी शाखेतील बँक शिल्लक ₹३,५६२ आहे आणि बँकेची एफडी/एमओडी ₹३,७९,७६,१०१ आहे.

रोख किती आणि सोने किती?

31 मार्च 2026 रोजी पीएम मोदींकडे 34,429 रुपये रोख होते. याशिवाय राष्ट्रीय बचत प्रमाणपत्र म्हणजेच NSC मध्ये त्यांच्या नावावर 10,24,724 रुपयांची नोंदणी आहे. पंतप्रधानांच्या घोषित संपत्तीमध्ये सोन्याचाही समावेश आहे. कागदपत्रानुसार, त्याच्याकडे चार सोन्याच्या अंगठ्या आहेत, ज्यांचे एकूण वजन सुमारे 45 ग्रॅम आहे. त्यांची अंदाजे किंमत 4,58,864 रुपये असल्याचे सांगण्यात आले आहे.

किती घरे, दुकाने आणि शेतजमिनी आहेत?

आता सर्वात महत्त्वाचा प्रश्न: पंतप्रधान मोदींच्या मालकीची किती घरे, दुकाने किंवा शेतजमिनी आहेत?

३१ मार्च २०२६ रोजीच्या अधिकृत घोषणेनुसार:

शेती जमीन: ०
बिगरशेती जमीन: ०
व्यावसायिक इमारत/दुकान: ०
निवासी इमारत/घर किंवा फ्लॅट: ०
इतर स्थावर मालमत्तेतील हिस्सा: ०

स्थावर मालमत्तेचे एकूण बाजारमूल्य देखील ‘शून्य’ असे नमूद केले आहे. याचा अर्थ असा की, या नवीनतम अधिकृत मालमत्ता घोषणेनुसार, पंतप्रधान मोदींच्या मालकीची कोणतीही शेतजमीन, भूखंड, दुकान, घर किंवा फ्लॅट नाही.

पंतप्रधान मोदी ७६ वर्षांचे झालेत

पंतप्रधान नरेंद्र मोदी यांचा जन्म १७ सप्टेंबर १९५० रोजी गुजरातच्या वडनगर येथे झाला. १७ सप्टेंबर २०२६ रोजी ते ७६ वर्षांचे झाले. पंतप्रधानांच्या अधिकृत वेबसाइटवरही त्यांची जन्मतारीख १७ सप्टेंबर १९५० अशीच नमूद आहे. या संदर्भात, त्यांच्या ७६ व्या वाढदिवशी जाहीर झालेली मालमत्ता घोषणेची आकडेवारी खूपच रंजक आहे. ३१ मार्च २०२६ पर्यंत त्यांची एकूण मालमत्ता अंदाजे ₹४.०२ कोटी आहे, तर त्यांच्या मालकीची कोणतीही स्थावर मालमत्ता नाही.

चॉकलेटप्रेमींसाठी खुशखबर! Ferrero Rocher आता बार स्वरुपातही; दोन नवीन ‘हेझलनट’ बार लाँच