Rules Change: ट्रेन तिकिटांपासून LPG गॅसच्या किमतीपर्यंत…आजपासून लागू बदल, खिशावर येणार ताण

आज 1 जुलैपासून, नियमांमध्ये असे अनेक बदल लागू होणार आहेत. यामध्ये क्रेडिट कार्डवरील शुल्क, एटीएममधून पैसे काढणे ते रेल्वे भाडेवाढीपर्यंतचे अनेक नियम समाविष्ट आहेत, जे बदलण्यात आले आहेत

प्रत्येक महिना नवीन बदल घेऊन येतो. या क्रमाने, आजपासून म्हणजेच १ जुलैपासून, असे काही नियम बदलले जात आहेत ज्यांचा थेट परिणाम तुमच्यावर आणि तुमच्या बजेटवरही  होऊ शकतो. या बदलांमध्ये एटीएममधून ओव्हरड्रॉइंगवरील शुल्क, क्रेडिट कार्डवरील शुल्क, रेल्वेमधून तत्काळ तिकीट बुकिंग आणि रेल्वे भाड्यात बदल इत्यादींचा समावेश आहे. 

आजपासून लांब पल्ल्याच्या रेल्वे तिकिटे महाग होणार असली तरी, आयकर रिटर्न भरण्याची तारीखदेखील वाढविण्यात आली आहे. तुम्हाला या नियमांची वेळेवर माहिती असायला हवी. आजपासून नक्की कोणते नियम बदलत आहेत जाणून घ्या (फोटो सौजन्य – iStock)

रेल्वे प्रवास महागला

गाड्यांमधील नॉन-एसी आणि एसी दोन्ही वर्गांच्या तिकिटांच्या किमती आजपासून वाढतील. नॉन-एसी तिकिटांच्या किमतीत प्रति किलोमीटर एक पैसे आणि एसी वर्गाच्या तिकिटांच्या किमतीत दोन पैशांनी वाढ करण्यात आली आहे. ही वाढ १,००० किमीपेक्षा जास्त अंतरासाठी लागू असेल. दुसऱ्या श्रेणीतील ५०० किमीपर्यंतच्या प्रवासाच्या किमतीत कोणताही बदल होणार नाही. जर प्रवास ५०० किमीपेक्षा जास्त असेल तर प्रति किलोमीटर ०.५ पैसे अतिरिक्त द्यावे लागतील.

आधार कार्डशिवाय तात्काळ तिकीट नाही

आता, ज्या प्रवाशांचे आयआरसीटीसी खाते आधारशी जोडलेले आहे त्यांनाच तात्काळ तिकिटे मिळतील. जुलैपासून, ओटीपी आधारित प्रमाणीकरण अनिवार्य असेल, जे आधारशी जोडलेल्या मोबाइल नंबरवर येईल. रेल्वे एजंट तात्काळ बुकिंग सुरू झाल्यानंतर पहिल्या 30 मिनिटांसाठी तिकिटे बुक करू शकणार नाहीत.

IRCTC च्या तात्काळ बुकिंसाठी आता आधार गरजेचे, प्लॅटफॉर्म काऊंटरवरून कसे मिळणार? रेल्वेने बदलला नियम

पॅनसाठी आधार आवश्यक 

पॅन कार्डचा अर्ज करण्यासाठी आता आधार कार्ड अनिवार्य असेल. जर तुमच्याकडे आधार नसेल तर तुम्हाला पॅन कार्ड मिळू शकणार नाही. ज्यांच्याकडे आधीच पॅन कार्ड आहे त्यांनाही ३१ डिसेंबर २०२५ पर्यंत पॅन आधारशी लिंक करावे लागेल. जर हे केले नाही तर १ जानेवारी २०२६ पासून पॅन निष्क्रिय होईल.

GST रिटर्न प्रक्रिया

जीएसटी रिटर्न भरण्यात विलंब किंवा चुका झाल्यास कठोर कारवाई केली जाईल. जीएसटीआर-३बी फॉर्ममध्ये सुधारणा होणार नाहीत. म्हणजेच, त्यातील कर तपशील जीएसटीआर-१, १ए मधून आपोआप भरले जातील आणि करदाते स्वतः त्यात सुधारणा करू शकणार नाहीत. कर प्रणालीमध्ये पारदर्शकता आणण्याच्या उद्देशाने हा बदल राबविला जात आहे.

क्रेडिट कार्ड, ATM शुल्क

कोटक, आयसीआयसीआय, अ‍ॅक्सिस आणि एचडीएफसीसह अनेक बँकांनी बचत खात्याच्या व्याजदरात, एटीएममधून निर्धारित वेळेपेक्षा जास्त मासिक पैसे काढण्यासाठी जास्त शुल्क आणि क्रेडिट कार्ड शुल्कात बदल केले आहेत. याचा परिणाम ग्राहकांच्या खिशावर होईल.

याशिवाय अल्प बचत योजनांवरील व्याजदर ३० जून रोजी जाहीर केले जातील. जर त्यात काही बदल झाला तर ते १ जुलै ते ३० सप्टेंबर पर्यंत लागू असतील. यावेळी व्याजदरात कपात होण्याची शक्यता आहे, कारण आरबीआयने रेपो दरात एकूण एक टक्का कपात केली आहे.

ब्रोकरेजने या स्टॉकला दिले ‘BUY’ रेटिंग, पोर्टफोलिओमध्ये समाविष्ट करून मिळवा बंपर परतावा

ITR अंतिम मुदत

कर निर्धारण वर्ष २०२५-२६ साठी प्राप्तिकर विवरणपत्र भरण्याची अंतिम मुदत ३१ जुलै वरून १५ सप्टेंबर पर्यंत वाढविण्यात आली आहे. पगारदार व्यक्तींना विवरणपत्र भरण्यासाठी आणखी ४६ दिवस मिळतील. तथापि, १५ सप्टेंबरपर्यंत वाट पाहण्याऐवजी, कोणीही त्वरित प्रक्रिया सुरू करू शकतो.

तसंच भारत बिल पेमेंट सिस्टम (BBPS) सिस्टम अनिवार्य आहे. रिझर्व्ह बँकेने आदेश दिले आहेत की सर्व क्रेडिट कार्ड बिल पेमेंट आता भारत बिल पेमेंट सिस्टमद्वारे केले जातील. याचा परिणाम बिल डेस्क, फोनपे, क्रेडिट सारख्या अ‍ॅप्सवर होऊ शकतो. सध्या फक्त आठ बँकांनी BBPS वर ही सुविधा सुरू केली आहे.