Finfluencers ची आता खैर नाही… SEBI ॲक्शन मोडवर! Share Market बाबत चुकीच्या टिप्स देणाऱ्यांवर होणार कायदेशीर कारवाई

SEBI Action On Finfluencers : सोशल मीडिया आणि मेसेजिंग ॲप्सवर शेअर बाजारात भरघोस परताव्याचे आमिष दाखवून चुकीच्या टिप्स देणाऱ्या अनधिकृत 'फिनफ्लुएंसर्स'वर भांडवली बाजार नियंत्रक 'सेबी'ने आता कठोर कारवाईचा बडगा उगारला आहे.

• Finfluencers ची आता खैर नाही…
• SEBI ॲक्शन मोडवर!
• चुकीच्या टिप्स देणाऱ्यांवर होणार कायदेशीर कारवाई

SEBI Action On Finfluencers : शेअर मार्केटमध्ये तुम्हीही गुंतवणूक करता का? मग तुम्ही युट्युब, इंस्टाग्राम किंवा टेलिग्राम यांच्यावरील शेअर बाजाराच्या टिप्स वाचून पैसे गुंतवता का ? तसं असेल तर सावध व्हा! कारण आता बाजार नियामक सेबी तथाकथित फायनान्शियल इन्फ्लुएन्सर्सवर बारीक लक्ष्य ठेवून आहेत. जे परवान्याशिवाय चुकीचा सल्ला देऊन निष्पाप गुंतवणूकदारांचे नुकसान करत आहेत. नेमकं काय आहे प्रकरण? ( SEBI Action On Finfluencers )

Swiggy Financial Services : अन्न उद्योजकांसाठी सुवर्णसंधी! Swiggy Instamart कडून ₹5 कोटींपर्यंत कर्ज; NOICE ब्रँडचा मेगाप्लॅन

सेबीचे अध्यक्ष तुहीन कांता पांडे यांनी सांगितले की, नियामक दर महिन्याला सोशल मीडियावरून अशा अंदाजे ६,००० ते ७,००० दिशाभूल करणाऱ्या पोस्ट काढून टाकले आहे.

‘पंप अँड डंप’वरचा फास आवळला

सेबीच्या अध्यक्षा कांता पांडे यांनी एका कार्यक्रमात अनेक महत्त्वाच्या मुद्द्यांवर स्पष्ट भाष्य केलं. त्यांनी आपला महत्त्वाकांक्षी कार्यक्रम ‘प्रोजेक्ट जागृत’ सुरू केला, ज्याचा उद्देश गुंतवणूकदारांमध्ये जागरूकता निर्माण करून त्यांना फसवणूक टाळण्यास मदत करणे हा आहे. त्यांनी स्पष्ट केले की, अनेक प्रभावशाली व्यक्ती प्रवर्तकांच्या संगनमताने ‘पंप अँड डंप’ शेअरची किंमत जाणूनबुजून वाढवून नंतर तो विकणे यांसारखे घोटाळे करत आहेत आणि सेबी या व्यक्तींवर सतत लक्ष ठेवून आहे.

परवान्याशिवाय सल्ला देणं धोकादायक

सेबी प्रमुखांनी स्पष्टपणे सांगितले की, जेव्हा हे आर्थिक सल्लागार त्यांच्या मर्यादा ओलांडतात, तेव्हा खरी समस्या सुरू होते. जर कोणी परवाना किंवा नियामक नोंदणीशिवाय, एखादा विशिष्ट स्टॉक खरेदी करण्याबद्दल किंवा विशिष्ट गुंतवणूक धोरण अवलंबण्याबद्दल ठाम सल्ला देत असेल, तर हे अत्यंत बेजबाबदारपणाचे आहे आणि यामुळे गुंतवणूकदारांना मोठे नुकसान होऊ शकते. सेबी प्रमुखांनी सांगितले की, हे पूर्णपणे चुकीचे आहे आणि आम्ही अशा व्यक्तींविरुद्ध कठोर कारवाई करण्याचा अधिकार राखून ठेवतो.

कोणावर कारवाई केली जातेय?

पांडे यांच्या मते, फिन-इन्फ्लुएन्सर्सचे तीन मुख्य प्रकार आहेत:

जे सेबीकडे नोंदणीकृत आहेत आणि नियमांच्या चौकटीत राहून काम करतात.
जे नोंदणीकृत नाहीत, परंतु केवळ त्यांची मते किंवा ज्ञान शेअर करतात.
जे नियमांचे उल्लंघन करतात आणि परवान्याशिवाय अप्रमाणित टिप्स देतात.

या संदर्भात, सेबी या तिसऱ्या प्रकारच्या व्यक्तींवर कारवाई करत आहे. या कारवाईचा एक भाग म्हणून, केवळ त्यांची सामग्री हटवली जात नाही, तर पुराव्यांच्या आधारे त्यांनी बेकायदेशीरपणे कमावलेला नफाही जप्त केला जात आहे. अनेक प्रकरणांमध्ये, सेबी अशा व्यक्तींवर शेअर बाजारातून बंदी घालत आहे.

तरुण गुंतवणूकदारांनी काय करायचं?

नवीन आणि तरुण गुंतवणूकदारांना सल्ला देताना, सेबीचे अध्यक्ष म्हणाले की, जर तुम्हाला संकल्पना समजल्या तर गुंतवणूक करणे खूप सोपे आहे. पण, काहीही न समजता कोणत्याही शेअरमध्ये आंधळेपणाने गुंतवणूक करणे हा पूर्णपणे चुकीचा दृष्टिकोन आहे. आम्हाला सर्वांना हा संदेश द्यायचा आहे: आधी शिका, मग गुंतवणूक करा.

भारतीय अर्थव्यवस्था World Bank चा विश्वास; नवा अहवाल केला जाहीर, GDP वाढीचा अंदाज थेट 7.1 टक्क्यांवर