Share Market Today: आज शेअर बाजारात कमाईची संधी? सकारात्मक पातळीवर होणार सुरुवात, ‘या’ शेअर्सवर ठेवा नजर

Share Market Update: भारतीय शेअर बाजार आज हिरव्या रंगात उघडण्याची शक्यता तज्ज्ञांनी वर्तवली आहे. तसेच आज गुंतवणूकदारांना खरेदी करण्यासाठी देखील काही स्टॉक्सची शिफारस करण्यात आली आहे. ज्यामध्ये एचडीएफसी बँक, येस बँक, हिंदुस्तान झिंक इत्यादींचा समावेश आहे.

• भारतीय शेअर बाजार सकारात्मक पातळीवर उघडण्याची शक्यता
• भारतीय शेअर बाजारात व्यवहार करणाऱ्या गुंतवणूकदारांना कमाईची संधी
• म्फासिस, कोफोर्ज, इन्फोसिस, टीसीएस आणि पर्सिस्टंट सिस्टम्स या आयटी क्षेत्रातील शेअर्सवर तज्ज्ञांची नजर

 

India Share Market Update: ५ ऑक्टोबर रोजी आज भारतीय शेअर बाजार सकारात्मक पातळीवर उघडण्याची शक्यता वर्तवण्यात आली आहे. गिफ्ट निफ्टीने देखील सकारात्मक सुरुवातीचे संकेत दिले आहेत. त्यामुळे आज भारतीय शेअर बाजारात व्यवहार करणाऱ्या गुंतवणूकदारांना कमाईची संधी मिळू शकते. दरम्यान, सोमवारी आशियाई बाजारांमध्ये तेजी पाहायला मिळाली, तर गेल्या आठवड्यात शुक्रवारी अमेरिकन स्टॉक फ्युचर्स तेजीसह बंद झाले.

Mumbai Expensive Deal : महिना 28.5 लाख रुपये भाडे; DMart चे राधाकिशन दमानीया यांच्या कंपनीचा मुंबईत सर्वांत महागडा व्यवहार

भारतीय शेअर बाजारात व्यवहार करणारे गुंतवणूकदार आज एचडीएफसी बँक, येस बँक, हिंदुस्तान झिंक, भारत कोकिंग कोल, आरव्हीएनएल, पंजाब नॅशनल बँक, डीएलएफ, भारतीय बँक, बजाज फायनान्स, आयडीबीआय बँक, ओला इलेक्ट्रिक मोबिलिटी, नायका, बजाज हाउसिंग फायनान्स, विधी, इन्फोसिस, डॉ. रेड्डीज लॅबोरेटरीज, कॅनरा बँक, इरेडा, आयसीआयसीआय प्रुडेंशियल लाइफ इन्शुरन्स या स्टॉक्सवर त्यांचे लक्ष केंद्रीत करू शकतात.  (फोटो सौजन्य: Pinterest) 

गुंतवणूकदार आज म्फासिस, कोफोर्ज, इन्फोसिस, टीसीएस आणि पर्सिस्टंट सिस्टम्स हे ५ आयटी क्षेत्रातील शेअर्स खरेदी करण्याचा विचार करू शकतात. चॉईस ब्रोकिंगचे कार्यकारी संचालक सुमीत बागडिया यांनी गुंतवणूकदारांना आज खरेदी करण्यासाठी ५ ब्रेकआउट स्टॉक्सची शिफारस केली आहे. बागडिया यांनी शिफारस केलेल्या शेअर्समध्ये सीमेन्स एनर्जी इंडिया (ENRIN), आधार हाउसिंग फायनान्स, स्टायरेनिक्स, टाटा कम्युनिकेशन्स आणि सुदर्शन केमिकल्स यांचा समावेश आहे.

RBI Governor Warning On Economy : भारतीय अर्थव्यवस्थेवर नव्या संकटाचे सावट? RBI Governor चा मोठा इशारा; नक्की काय घडतंय!

आनंद राठीचे गणेश डोंगरे यांनी गुंतवणूकदारांना आज खरेदी करण्यासाठी एचडीएफसी बँक, इन्फोसिस आणि बीईएल या तीन सर्वोत्तम शेअर्सची शिफारस केली आहे. प्रभुदास लिलाधरच्या तांत्रिक संशोधन विभागाच्या उपाध्यक्ष वैशाली पारेख यांनी गुंतवणूकदारांसाठी तीन शेअर्सची शिफारस केली आहे. वैशाली पारेख यांनी निवडलेल्या शेअर्समध्ये एचडीएफसी बँक, एनआरबी बेअरिंग्ज आणि ललिता ज्वेलरी मार्ट या स्टॉक्सचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)