Share Market Today: शेअर बाजारात काय घडणार? गुंतवणूकदारांची चिंता वाढली, Jio Platforms IPO कडे सर्वांचे लक्ष!

Share Market Update: भारतीय शेअर बाजारात आज सपाट पातळीवर उघडू शकतो. गुंतवणूकदारांचे लक्ष आज मारुती सुझुकी इंडिया, इन्फोसिस, टाटा कॅपिटल, बजाज ऑटो, वारी एनर्जीज या शेअर्सवर असणार आहेत.

• भारतीय शेअर बाजार नकारात्मक पातळीवर उघडण्याची शक्यता
• रिलायन्स-समर्थित जिओ प्लॅटफॉर्म्सचा आयपीओ शेअर बाजारात पदार्पण करण्यासाठी सज्ज
• आयपीओ बाजारासाठी एक महत्त्वाचा दिवस

India Share Market Update: भारतीय शेअर बाजार आज २८ ऑक्टोबर रोजी देखील नकारात्मक पातळीवर उघडू शकतो, असा अंदाज तज्ज्ञांनी वर्तवला आहे. गिफ्ट निफ्टीने संथ सुरुवातीचे संकेत दिले आहेत. निफ्टी फ्युचर्सच्या मागील बंद भावापेक्षा जवळपास ६२.५० अंकांनी किंवा ०.२७% ने घसरून २२,७४९ च्या पातळीवर व्यवहार करत होता, जे भारतीय शेअर बाजाराच्या निर्देशांकांसाठी नकारात्मक सुरुवातीचे संकेत देत आहे. खरं तर आज आयपीओ बाजारासाठी एक महत्त्वाचा दिवस असणार आहे. कारण रिलायन्स-समर्थित जिओ प्लॅटफॉर्म्सचा आयपीओ शेअर बाजारात पदार्पण करणार आहे.

Todays Gold-Silver Price: सोन्याच्या दरातील वाढ सुरुच, चांदीचे भाव आजही स्थिर… 1 तोळ्यासाठी मोजावे लागणार इतके पैसे

या शेअर्सवर गुंतवणूकदारांचे लक्ष

गुंतवणूकदारांचे लक्ष आज जिओ प्लॅटफॉर्म्स, रिलायन्स इंडस्ट्रीज, हिंदुस्तान युनिलिव्हर, अदानी पोर्ट्स अँड स्पेशल इकॉनॉमिक झोन, अदानी एंटरप्रायझेस, टीव्हीएस मोटर कंपनी, ह्युंदाई मोटर इंडिया, हीरो मोटोकॉर्प, मीशो, वेदांता, लार्सन अँड टुब्रो (L&T), मारुती सुझुकी इंडिया, इन्फोसिस, टाटा कॅपिटल, बजाज ऑटो, वारी एनर्जीज, वेदांता आयर्न अँड स्टील लिमिटेड (VISL), या शेअर्सवर असणार आहे.  (फोटो सौजन्य: istock)

तज्ज्ञांनी केली हे शेअर्स खरेदी करण्याची शिफारस

आयसीआयसीआय सिक्युरिटीजचे उपाध्यक्ष आणि डेरिव्हेटिव्हज व क्वांट रिसर्च प्रमुख जय ठक्कर यांनी बाजाराचा दृष्टिकोन स्पष्ट करताना नजीकच्या काळात गुंतवणूकदारांना खरेदी करण्यासाठी काही स्टॉक्सची शिफारस केली आहे. ज्यामध्ये सेंट्रल डिपॉझिटरी सर्व्हिसेस लिमिटेड ( सीडीएसएल ) फ्युचर्स, झायडस लाइफसायन्सेस फ्युचर्स आणि सन फार्मास्युटिकल इंडस्ट्रीज फ्युचर्सचा समावेश आहे. तसेच बाजारातील इतर काही तज्ज्ञांनी गुंतवणूकदारांना बिर्ला केबल लि., युनियन बँक ऑफ इंडिया लि., क्वालिटी वॉल्स (इंडिया) लि., गंधार ऑइल रिफायनरी इंडिया लि., नॅशनल स्टॉक एक्सचेंज ऑफ इंडिया लिमिटेड (NSE), हे शेअर्स खरेदी करण्याचा सल्ला दिला आहे.

Nagpur Luxury Township: नागपुरात लक्झरी रिअल इस्टेटला नवी झळाळी! क्रिसाला डेव्हलपर्स आणि एलेव्हा बाय हिरानंदानी एकत्र

बहुप्रतिक्षित जिओ प्लॅटफॉर्म्स आयपीओ

रिलायन्सचा बहुप्रतिक्षित जिओ प्लॅटफॉर्म्स आयपीओ आज २८ ऑक्टोबर रोजी शेअर बाजारात पदार्पण करणार आहे. हा वर्षभरातील सर्वात मोठ्या पब्लिक इश्यूंपैकी एक असून सध्या याची मोठ्या प्रमाणात चर्चा सुरु आहे. जिओ प्लॅटफॉर्म्सचे शेअर्स बुधवार, २८ ऑक्टोबर रोजी सकाळी १०:०० वाजता एनएसई (NSE) आणि बीएसई (BSE) वर सूचीबद्ध होणार आहेत.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)