नववर्षात टाटा समुह मेगा आयपीओ आणण्याच्या तयारीत; भरघोस कमाईसाठी पैसे तयार ठेवा!

कॅलेंडर वर्ष 2024 मध्ये आयपीओंच्या आकडेवारीने अनेक विक्रम मोडले. आता अनेक कंपन्या 2025 मध्ये आयपीओ लॉन्च करण्याच्या तयारीत आहेत. टाटा ग्रुप कंपनीचाही त्यात समावेश आहे.

नववर्षात टाटा समुह मेगा आयपीओ आणण्याच्या तयारीत; भरघोस कमाईसाठी पैसे तयार ठेवा!

Follow Us:

Follow Us:

कॅलेंडर वर्ष 2024 मध्ये आयपीओंच्या आकडेवारीने अनेक विक्रम मोडले. आता अनेक कंपन्या 2025 मध्ये आयपीओ लॉन्च करण्याच्या तयारीत आहेत. टाटा ग्रुप कंपनीचाही त्यात समावेश आहे. कारण टाटा कॅपिटलचा आयपीओ पुढील वर्षी लॉन्च होऊ शकतो, अशी माहिती मिळत आहे. मीडिया रिपोर्ट्सनुसार, टाटा टेक्नॉलॉजीजच्या बंपर लिस्टनंतर एक वर्षाहून अधिक काळ टाटा कॅपिटल आता नवीन वर्षात आयपीओ लॉन्च करण्याच्या तयारीत आहे. त्यावर काम सुरू करण्यात आले आहे.

आयपीओबाबत तपशील

एका वृत्तसंकेतस्थळाच्या अहवालानुसार, एन चंद्रशेखरन यांच्या नेतृत्वाखालील वैविध्यपूर्ण समूह टाटा समूहाने वित्त सेवा कंपनी टाटा कॅपिटलच्या आयपीओवर काम सुरू केले आहे. सूत्रांनी दिलेल्या माहितीनुसार टाटा समूहाचा हा मेगा आयपीओ 15,000 कोटी रुपयांचा असू शकतो. कंपनीने सध्या लॉ फर्म सिरिल अमरचंद मंगलदास आणि गुंतवणूक बँक कोटक महिंद्रा कॅपिटल यांना आयपीओसाठी सल्लागार म्हणून नियुक्त केले आहे. याशिवाय, अहवालात असेही म्हटले आहे की, इतर गुंतवणूक बँकांना सामील करण्यासाठी लवकरच चर्चा केली जाणार आहे.

आता 10 मिनिटांत किराणा घरपोच मिळणार; झेप्टो, ब्लिंकिट, फ्लिपकार्टला टक्कर देणार ‘ही’ कंपनी

कंपनीबाबत थोडक्यात माहिती

टाटा कॅपिटल ही नॉन-बँकिंग वित्तीय सेवा (एनबीएफसी) फर्म आणि टाटा सन्सची उपकंपनी असून, ही व्यवसाय समूहाची प्रमुख गुंतवणूक धारण कंपनी आहे. सध्या या संदर्भात टाटा सन्स, टाटा कॅपिटल, सिरिल अमरचंद मंगलदास आणि कोटक महिंद्रा कॅपिटलकडून कोणतेही अधिकृत माहिती प्राप्त झालेली नाही.

टाटा कॅपिटल फायनान्शिअल सर्विसेस जानेवारी 2024 मध्ये टाटा कॅपिटलमध्ये मध्ये विलीन झाली आहे. 30 सप्टेंबर 2022 रोजी आरबीआयने बिगर बँकिंग वित्ती संस्था एनबीएफसीसाठी स्केल आधारित नियमन अंतर्गत वरच्या स्तरातील 16 एनबीएफसीची यादी जाहीर केली आहे. फ्रेमवर्कने एनबीएफसीचे वर्गीकरण बेस लेयर (NBFC-BL), मिडल लेयर (NBFC-ML), अप्पर लेयर (NBFC-UL) आणि टॉप लेयर (NBFC-TL) मध्ये केले गेले आहे. त्यात म्हटले आहे की, वरच्या स्तरामध्ये त्या NBFC चा समावेश असेल ज्यांना विशेषत: मापदंड आणि स्कोअरिंग पद्धतीच्या आधारावर रिझर्व्ह बँकेने रेटिंग दिले आहे

आरबीआयच्या ‘अपर लेयर लिस्ट’ मधील आणखी एक फर्म बजाज हाउसिंग फायनान्सने 16 सप्टेंबर रोजी बाजारात जबरदस्त पदार्पण केले आहे. आणि ट्रेडिंग सत्राच्या शेवटी 135 टक्के प्रीमियमसह वरच्या सर्किटवर पोहोचले होते.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)

Web Title: Tata group is preparing to launch a mega ipo tata capital in the new year keep money ready for huge earnings

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com