रविवार, 15 नोव्हेंबर 2026
सौजन्य फोेटो - सोशल मिडीया
बँकेतील पुणे उपक्षेत्रीय आणि क्षेत्रीय अधिकाऱ्यांकडून अपमानास्पद वागणूक आणि असह्य मानसिक त्रास दिला जात असल्याचा आरोप करत रविकिरण लाडे यांनी हे टोकाचे पाऊल उचलले. मूळचे लातूर जिल्ह्यातील मुरूड येथील असलेले रविकिरण नोव्हेंबर २०२४ पासून कराड येथील इंडियन बँकेच्या शाखेत मॅनेजर म्हणून कार्यरत होते. ते गेल्या ११ वर्षांपासून बँकिंग क्षेत्रात सेवा देत होते. मात्र, वरिष्ठांचा त्रास सहन न झाल्याने त्यांनी आपल्या राहत्या फ्लॅटमध्येच आयुष्य संपवले. या प्रकरणी त्यांचे बंधू अक्षय केशव लाडे यांनी पोलिसांत फिर्याद दिली आहे.
मृत रविकिरण लाडे यांना उपक्षेत्रीय अधिकारी मैथिली शरण सावला आणि क्षेत्रीय अधिकारी अर्चना सहदेव या रजा देत नव्हत्या, असा गंभीर आरोप करण्यात आला आहे. कार्यालयीन मीटिंगमध्ये इतर सहकाऱ्यांसमोर त्यांना वारंवार अपमानास्पद वागणूक दिली जात होती. बँकेचे टार्गेट पूर्ण झाले असतानाही त्यांना सातत्याने घालून पाडून बोलले जात असे आणि विनाकारण मानसिक त्रास दिला जात होता, असे सुसाईड नोटमध्ये नमूद आहे. या सततच्या त्रासामुळेच त्यांना तीव्र वेदना सहन कराव्या लागल्या. याप्रकरणी आता उपक्षेत्रीय अधिकारी मैथिली सावला आणि क्षेत्रीय अधिकारी अर्चना सहदेव यांच्यावर गुन्हा दाखल करण्यात आला आहे.
रविकिरण लाडे यांच्या अचानक जाण्याने त्यांच्या कुटुंबावर दुःखाचा डोंगर कोसळला आहे. त्यांच्या पश्चात आई, वडील, पत्नी, सात वर्षांची मुलगी, भाऊ, वहिनी आणि पुतणी असा परिवार आहे. या घटनेमुळे बँक कर्मचारी वर्तुळात आणि कराड परिसरात मोठी हळहळ व्यक्त होत असून, कर्मचाऱ्यांच्या मानसिक आरोग्याचा प्रश्न पुन्हा एकदा ऐरणीवर आला आहे.
Ans: ते सातारा जिल्ह्यातील कराड येथील इंडियन बँक शाखेत शाखा व्यवस्थापक (मॅनेजर) म्हणून नोव्हेंबर २०२४ पासून कार्यरत होते.
Ans: पुणे उपक्षेत्रीय अधिकारी मैथिली शरण सावला आणि क्षेत्रीय अधिकारी अर्चना सहदेव यांच्याकडून रजा न देणे, मीटिंगमध्ये अपमानास्पद वागणूक देणे आणि सतत मानसिक त्रास दिल्याने त्यांनी हे पाऊल उचलल्याचे सुसाईड नोटमध्ये म्हटले आहे.
Ans: मृताच्या भावाच्या तक्रारीवरून उपक्षेत्रीय अधिकारी मैथिली सावला आणि क्षेत्रीय अधिकारी अर्चना सहदेव यांच्याविरुद्ध गुन्हा दाखल करण्यात आला आहे.
