Tata Stocks Fall : Chandrasekaran यांच्या राजीनाम्याने शेअर बाजारात खळबळ? टाटाच्या कंपन्यांचे शेअर कोसळले, तब्बल 68000 कोटी स्वाहा

Tata Stocks Fall : एन. चंद्रशेखरन यांनी टाटा संसच्या अध्यक्षपदाचा राजीनामा दिल्याच्या बातमीने भारतीय शेअर बाजारात मोठी खळबळ उडाली आहे. या निर्णयाचा थेट परिणाम टाटा समूहातील कंपन्यांच्या शेअर्सवर झाला असून एकाच दिवसात टाटा समूहाचे बाजार भांडवल तब्बल 68000 कोटी रुपयांनी घटले आहे.

• चंद्रशेखरन यांच्या राजीनाम्याने शेअर बाजारात खळबळ?
• टाटाच्या कंपन्यांचे शेअर कोसळले
• तब्बल 68000 कोटी स्वाहा

Tata Stocks Fall : देशातील उद्योग क्षेत्रातील महत्त्वाची कंपनी टाटा सन्सचे ( Tata Stocks Fall ) चेअरमन राजीनामा देणार अशा चर्चां सुरु होत्या. एन. चंद्रशेखरन यांनी त्यांच्या सध्याच्या कार्यकाळानंतर पुन्हा चेअरमन पदासाठी आपले नाव पुढे न करण्याचा निर्णय घेतला आहे. पण त्यांनी तात्काळ पद सोडणार नाहीत आणि फेब्रुवारी २०२७ पर्यंत आपला सध्याचा कार्यकाळ पूर्ण करतील असं स्पष्ट केलं. त्यात त्यांच्या उत्तराधिकाऱ्याबाबतचे चित्र सध्या अस्पष्ट आहे. या सगळ्या घडामोडीचा परिणाम थेट शेअर बाजारावर दिसून आला. शेअर बाजारात टाटा कंपन्यांनी कशी कामगिरी केली, नेमका किती दणका बसला सगळं सविस्तर जाणून घेऊयात.

Airtel Recharge : एयरटेल ग्राहकांना मोठा धक्का! प्लॅन्सच्या किमतीत थेट वाढ; 299 चा प्लॅन आता ‘इतका’ महागला

चंद्रशेखरन यांनी १९८७ मध्ये टाटा ग्रुपसोबत आपल्या प्रवासाला सुरुवात केली. ते २००९ मध्ये TCSचे सीईओ झाले आणि २०१७ मध्ये त्यांनी टाटा सन्सच्या चेअरमनपदाची धुरा स्विकारली. त्यांच्या नेतृत्वाखाली, टाटा ग्रुपने विमान वाहतूक, इलेक्ट्रिक वाहने, सेमीकंडक्टर, बॅटरी आणि डिजिटल व्यवसायांसह अनेक नवीन क्षेत्रांमध्ये मोठी गुंतवणूक केली. चांगल्या लेव्हलवर कंपनी नेण्याचा त्यांनी प्रयत्न केला.

टाटा कंपन्यांना ६८,००० कोटी रुपयांचा फटका

चंद्रशेखरन यांच्या निर्णयाचा परिणाम आज शेअर बाजारावरही मोठ्या प्रमाणात दिसून आला. टाटा समूहाच्या लिस्टींग कंपन्यांच्या शेअर्समध्ये मोठी घसरण झाली आणि समूहाच्या कंपन्यांचे एकत्रित मार्केट कॅपिटल अंदाजे ६८,००० कोटी रुपयांनी घटले. सर्वाधिक फटका बसलेल्या कंपन्यांमध्ये TCS चा समावेश होता, तिच्या शेअरमध्ये अंदाजे ४.८% इतकी घसरण झाली. टायटन, टाटा स्टील, टाटा कंझ्युमर प्रॉडक्ट्स, टाटा पॉवर आणि इंडियन हॉटेल्ससह इतर अनेक कंपन्यांच्या शेअर्सवरही दबाव आला. पण काही टाटा कंपन्यांच्या शेअर्समध्ये वाढही दिसून आली.

टाटा समूहातील अंतर्गत मतभेद

चंद्रशेखरन यांच्या पुनर्नियुक्तीवरून टाटा सन्स आणि टाटा ट्रस्ट्स यांच्यात मतभेद असल्याच्या बातम्या काही काळापासून बऱ्याच पसरत आहेत. बाजारातील सूत्रांनुसार, टाटा ट्रस्ट्सचे अध्यक्ष नोएल टाटा यांनी टाटा सन्सच्या संभाव्य भविष्यातील सूचीकरणासह काही अटींवर चर्चा केली. संचालक मंडळातील प्रतिनिधित्व आणि समूहाच्या भविष्यातील धोरणाबाबतही मतभेद असल्याचे वृत्त आहे. पण या मुद्द्यांवर टाटा समूहाकडून कोणतीही सविस्तर अधिकृत पुष्टी मिळालेली नाही.
टाटा सन्स ही टाटा समूहाची प्रमुख होल्डिंग कंपनी असून, यामध्ये टीसीएस, टाटा मोटर्स आणि एअर इंडियासह ३० हून अधिक कंपन्यांचा समावेश आहे. टाटा सन्समध्ये टाटा ट्रस्ट्सची अंदाजे ६६% हिस्सेदारी आहे.

टाटा समूहापुढे मोठी आव्हानं!

चंद्रशेखरन यांचा हा निर्णय अशा वेळी आला आहे, जेव्हा एअर इंडिया, टीसीएस आणि जॅग्वार लँड रोव्हरसह समूहातील अनेक कंपन्या विविध व्यावसायिक आव्हानांना तोंड देत आहेत. आता बाजाराचे लक्ष १८ ऑगस्टच्या वार्षिक सर्वसाधारण सभेवर आणि नवीन अध्यक्षांच्या नियुक्तीवर असेल. तज्ज्ञांच्या मते, सध्याची घसरण ही व्यवसायातील अचानक आलेल्या कमकुवतपणामुळे नसून, नेतृत्वाच्या अनिश्चिततेवर बाजाराने दिलेली प्रतिक्रिया म्हणून पाहिली जात आहे.

Magicbricks Housing Sentiment : भाड्याच्या घराला रामराम! तरुण भारतीयांमध्ये घर खरेदी करण्याचं क्रेझ; 3-4 BHK घरांना मोठी पसंती