शुक्रवार, 13 नोव्हेंबर 2026
(फोटो सौजन्य - सोशल मीडिया)
भारती एअरटेलने देशभरातील अनेक लोकप्रिय प्लॅन्स बंद केले आहेत. यामध्ये २९९ रुपये, ५५९ रुपये, ६१९ रुपये आणि ६४९ रुपयांच्या प्लॅन्सचा समावेश आहे. हे प्लॅन्स आता कंपनीच्या अधिकृत वेबसाइटवर दिसत नाहीत.
कंपनीने आपले सर्वात लोकप्रिय एंट्री-लेव्हल अनलिमिटेड प्लॅन्स बंद करण्यास, मिड-रेंज पॅक्सची वैधता कमी करण्यास आणि दैनंदिन डेटा कनेक्शन चालू ठेवण्यासाठी लागणारा एकूण खर्च वाढवण्यास सुरुवात केली आहे. या छुप्या बदलांमुळे, भारतातील लाखो प्रीपेड वापरकर्त्यांसाठी किमान मासिक खर्च मोठ्या प्रमाणात वाढला आहे.
अधिकृत वेबसाइट आणि ॲपवरून ₹299 चा प्लॅन म्हणजे ज्यामध्ये 28 दिवसांचा समावेश होता आणि दररोज 1GB–1.5GB डेटा मिळत होता. तो प्लॅन काढून टाकल्यानंतर, आता ₹349 चा पॅक दैनंदिन डेटा आणि अनलिमिटेड कॉलिंगसाठी सर्वात स्वस्त पर्याय बनला आहे, ज्यामुळे सुरुवातीच्या किमतीत ₹50 ची वाढ करण्यात आली आहे.
| रिचार्ज | जुनी किंमत | नवीन किंमत |
|---|---|---|
| बेस 1.5GB/दिवस (28 दिवस ) | ₹299 | बंद |
| सर्वात स्वस्त अनलिमिटेड पॅक | ₹299 | ₹349 |
| 56-दिवसांचा डेली डेटा पॅक | ₹579 | ₹619 |
| 84-दिवसांचा लाँग-टर्म पॅक | ₹859 | ₹899 |
| 84-दिवसांचा मिड-टियर पॅक | ₹799 | बंद |
५६ दिवसांच्या वैधतेच्या डेली डेटा पॅकची किंमत, जी पूर्वी ₹५७९ होती, ती आता ₹६१९ झाली आहे.
८४ दिवसांच्या वैधतेच्या लॉंग-टर्म डेली डेटा बंडलची किंमत ₹८५९ वरून ₹८९९ पर्यंत वाढवण्यात आली आहे. काही विशिष्ट भागांमध्ये, या दरवाढीसोबत बोनस लाभांमध्ये किंवा एकूण डेटा मर्यादा कमी करण्यात आली आहे.
