TeamLease Employment Report : नोकरी शोधणाऱ्यांसाठी मोठी खूशखबर! पुढील 6 महिन्यांत नोकरभरतीत 5.4% वाढ; कोणतं क्षेत्र पुढे?

TeamLease Employment Report : भारतातील आघाडीची स्टाफिंग संस्था 'टीमलीज सर्व्हिसेस'ने आर्थिक वर्ष २०२६-२७ च्या दुसऱ्या सहामाहीसाठी आपला 'एम्प्लॉयमेंट आउटलुक रिपोर्ट' जाहीर केला आहे. या अहवालानुसार, पुढील सहा महिन्यांत देशातील नेट एम्प्लॉयमेंट चेंज ५.४% राहण्याचा अंदाज असून ६०% कंपन्या आपल्या मनुष्यबळाचा विस्तार करणार आहेत.

• नोकरी शोधणाऱ्यांसाठी मोठी खूशखबर!
• पुढील 6 महिन्यांत नोकरभरतीत 5.4% वाढ
• कोणतं क्षेत्र सर्वात पुढे?

TeamLease Employment Report : भारतातील आघाडीची स्टाफिंग संस्था ‘टीमलीज सर्व्हिसेस’ ने आर्थिक वर्ष २०२६-२७ च्या दुसऱ्या सहामाहीसाठी (ऑक्टोबर २०२६ – मार्च २०२७) आपला ‘एम्प्लॉयमेंट आउटलुक रिपोर्ट’ प्रसिद्ध केला आहे. या अहवालानुसार, या कालावधीत नेट एम्प्लॉयमेंट चेंज ५.४% राहण्याचा अंदाज आहे, जो पहिल्या सहामाहीतील ४.७% पेक्षा जास्त असून गेल्या चार सहामाही अवधीतील सर्वोच्च स्तर दर्शवतो. ( TeamLease Employment Report ) 

EPS Pensioners : पेन्शनधारकांनो लक्ष द्या! बँकेच्या रांगेत उभं राहून ‘जीवन प्रमाण पत्र’ जमा करायची गरज नाही; फोनवरून थेट होईल काम

ही सुधारणा नियोक्त्यांचा वाढता आत्मविश्वास दर्शवते—ज्यात ६०% संस्था आपल्या मनुष्यबळाचा विस्तार करण्याचे नियोजन करत आहेत, २४% संस्था कोणत्याही बदलाची अपेक्षा करत नाहीत, तर १६% संस्था कपातीचा अंदाज व्यक्त करत आहेत. मनुष्यबळाच्या आकारावर परिणाम करणाऱ्या मुख्य घटकांमध्ये आर्थिक परिस्थिती (६७%), व्यावसायिक वाढ किंवा पुनर्रचना (४३%) आणि तांत्रिक प्रगती (४०%) यांचा समावेश आहे.

नोकरभरतीत मोठी वाढ कोणत्या क्षेत्रात ?

नोकरभरतीत मोठी वाढ घडवून आणणाऱ्या क्षेत्रांमध्ये १२.६% नेट एम्प्लॉयमेंट चेंजसह ई-कॉमर्स आणि टेक स्टार्ट-अप्स सर्वात पुढे आहेत. त्याखालोखाल ट्रॅव्हल अँड हॉस्पिटॅलिटी (१२.३%) आणि रिटेल (१०.३%) यांचा क्रमांक लागतो. याशिवाय ऑटोमोटिव्ह (१०.१%), ईव्ही अँड ईव्ही इन्फ्रास्ट्रक्चर (९.७%) आणि बँकिंग (९.२%) क्षेत्रांनीही भरतीचे प्रबळ संकेत दिले आहेत. संस्थेच्या आकारमानानुसार, ६६% मोठ्या कंपन्या मनुष्यबळ वाढवण्याचा विचार करत आहेत, तर मध्यम उद्योगांमध्ये हे प्रमाण ५९% आणि स्टार्ट-अप्स व लहान व्यवसायांमध्ये ५३% आहे. शहरांच्या स्तरावर, ६८% सह बेंगळुरू नोकरभरतीमध्ये आघाडीवर आहे, त्याखालोखाल हैदराबाद (६१%) आणि पुणे (६०%) यांचा क्रमांक लागतो; जिथे पुण्याने या सहामाहीत सर्वाधिक वाढ नोंदवली आहे.

व्यवसायाच्या वाढीवर थेट परिणाम करणाऱ्या विभागांमध्ये

नोकरभरतीची मागणी प्रामुख्याने व्यवसायाच्या वाढीवर थेट परिणाम करणाऱ्या विभागांमध्ये केंद्रित आहे, ज्यामध्ये सेल्स अँड मार्केटिंग (६४%), आयटी (५०%) आणि फायनान्स (४८%) प्रमुख आहेत. यासोबतच डिजिटल साक्षरता (५९%), कस्टमर एक्सपिरियन्स मॅनेजमेंट (५१%), संवाद कौशल्य (४८%) आणि अडॅप्टेबिलिटी (४४%) यांसारख्या कौशल्यांची मागणी वेगाने वाढत आहे. तथापि, मनुष्यबळ विस्तारात कुशल गुणवत्तेची (टॅलेंट) उपलब्धता हे एक मोठे आव्हान कायम आहे; जिथे विस्तार करू इच्छिणाऱ्या ७२% नियोक्त्यांना भरती करताना मध्यम ते गंभीर अडचणी येण्याची शक्यता आहे. विशेषतः आयटी (३९%), सेल्स अँड मार्केटिंग (३८%) आणि इंजिनिअरिंग (३२%) या विभागांना सर्वाधिक आव्हानांचा सामना करावा लागत आहे, जिथे एखादे पद भरण्यासाठी सरासरी ३५ ते ४५ दिवस लागत आहेत.

Amazon Layoffs : Amazon चा दणका! 5000 कर्मचाऱ्यांना नोकरीवरून काढण्याची धमकी; गोदामे बंद करण्याचा इशारा, नेमकं घडतंय काय?