UPI AutoPay : UPI AutoPay मध्ये मोठा बदल! ग्राहकांना मिळणार हा मोठा फायदा? जाणून घ्या सविस्तर

UPI AutoPay : ऑटोमॅटिक पेमेंट सुलभ करण्यासाठी UPI AutoPay प्रणालीत मोठा बदल केला आहे. यामुळे OTT सबस्क्रिप्शन, म्युच्युअल फंड SIP आणि बँकेचे EMI यांसारखे घटकांमध्ये देखील बदल होणार आहेत.

• UPI AutoPay मध्ये मोठा बदल!
• OTT सबस्क्रिप्शन, SIP आणि EMI पेमेंटचं काय होणार?
• ग्राहकांना मिळणार हा मोठा फायदा

UPI AutoPay : नॅशनल पेमेंट्स कॉर्पोरेशन ऑफ इंडियाने UPI AutoPay प्रणालीमध्ये महत्त्वाचे बदल केले आहेत. या नव्या सुधारणांमध्ये बराच बदल करण्यात आला आहे. ओटीट सबस्क्रिप्शन, म्युच्युअल फंड SIP आणि कर्जाचे EMI यांसारख्या नियमित अकाऊंटवरुन कट होणाऱ्या गोष्टींमध्ये बदल करण्यात आला आहे. या बदलांचा सामान्य युझर्सवर परिणाम होणार आहे. ( UPI AutoPay ) 

Real Estate Plot Investment : जमिनीत पैसे गुंतवणं सुरक्षित आहे? प्लॉट खरेदी करण्यापूर्वी ‘या’ महत्त्वाच्या गोष्टी जाणून घ्या

नियमित कट होणारे ऑटो-डेबिट व्यवहार अधिक जलद, सुरक्षित आणि सुरळीत होणार आहेत. सर्वात मोठा फायदा म्हणजे, नवीन मॅन्डेट्स तयार करण्यासाठी ग्राहकांना जुने ऑटो-पेमेंट्स वारंवार रद्द करण्याची गरज भासणार नाही. तसेच, या बदलामुळे व्यापाऱ्यांसाठी ‘पेमेंट गेटवेज’ बदलणे अधिक सोपे होईल.

UPI AutoPay मध्ये कोणते बदल होणार ?

NPCI ही UPI AutoPay ला ‘इंटरऑपरेबल’ बनवण्याची तयारीत आहे. यामुळे वापरकर्त्यांना त्यांचे विद्यमान AutoPay मॅन्डेट्स एका UPI ॲपवरून दुसऱ्या UPI ॲपवर हस्तांतरित करणे शक्य होणार आहे. त्यामुळे OTT सबस्क्रिप्शन्स, SIP, विमा हप्ते आणि कर्जाचे EMI यांसारखे नेहमीचे पेमेंट्स पुन्हा सेट-अप करण्याची गरज भासणार नाही. पेमेंट थेट करता येतील.

याचा एक मुख्य फायदा म्हणजे, विविध UPI ॲप्सवरील सर्व AutoPay व्यवस्थांचा तपशील एकाच ठिकाणी पाहणे सोपे होईल. वापरकर्ते आगामी पेमेंट्स, बँक बॅलन्स आणि चालू असलेले सबस्क्रिप्शन्सचा सहजपणे टॅक करता येऊ शकतील.

ग्राहकांना मिळणार हा मोठा फायदा

जर सध्या तुम्ही एका UPI ॲपवर ‘ऑटो-पे’ सुविधा सुरू केली आणि नंतर तुम्हाला दुसऱ्या ॲपवर जर स्विच करायचे असेल, तर अनेकदा तुम्हाला आधीची ऑटो-पेमेंट सुविधा रद्द करावी लागत होती. नवीन ॲपवर ती पुन्हा नव्याने सेट करावी लागायची पण नव्या बदलामुळे तुम्हाला करावी लागणारी ही कटकट दूर होणार आहे. UPI ऑटो-पे मधील हे बदल केवळ ग्राहकांपुरतेच मर्यादित राहणार नाहीत. तर त्याचा फायदा व्यापाऱ्यांनाही घेता येणार आहे. उदाहरणार्थ, जर एखाद्या कंपनीने आपले पेमेंट गेटवे बदलले, तर ग्राहकांचे ऑटो-पे मँडेट्स नवीन प्रणालीवर हस्तांतरित करणे सोपे होईल. यामुळे ग्राहकांना पुन्हा नोंदणी करण्याची गरज भासणार नाही.

नवीन कधीपासून प्रणालीत येणार?

सबस्क्रिप्शन, EMI, विम्याचे हप्ते आणि म्युच्युअल फंडमधील गुंतवणूक यांसारखी वारंवार करायची पेमेंट ऑटो करण्याच्या मुख्य उद्देशाने NPCI ने २०२० मध्ये UPI ऑटो-पे सुविधा सुरू केली होती. प्राप्त माहितीनुसार, NPCI मुंबईत होणाऱ्या ‘ग्लोबल फिनटेक फेस्ट’मध्ये या नवीन वैशिष्ट्याची घोषणा करू शकते.

1 September 2026 Rule Changes : 1 सप्टेंबरपासून बदलणार ‘हे’ मोठे नियम! तुमच्या खिशावर होणार थेट परिणाम; LPG, दूध, ITR सह …