Utkarsh SFB-Mumbai Indians Partnership: उत्कर्ष फायनान्स आणि Mumbai Indians झाले बँकिंग पार्टनर; T20 2026 साठी मोठी घोषणा
Utkarsh SFB-Mumbai Indians Partnership: उत्कर्ष स्मॉल फायनान्स बँक लिमिटेड (उत्कर्ष एसएफबीएल) ची टी-२० २०२६ च्या लीगसाठी ‘मुंबई इंडियन्स’ चे अधिकृत बँकिंग भागीदार म्हणून निवड झाली असून बँकेने या महत्वपुर्ण भागीदारीची घोषणा आज केली. बँकेसाठी हा धोरणात्मक भागीदारीचा अतिशय महत्त्वपूर्ण टप्पा आहे. या भागीदारीच्या माध्यमातून बँक आपली राष्ट्रीय स्तरावरील ओळख वाढवण्याबरोबरच देशभरातील कोट्यवधी क्रिकेट चाहत्यांशी आपले नाते अधिक दृढ करत आहे.
सदर घोषणेसाठी आयोजित विशेष कार्यक्रमाला उत्कर्ष स्मॉल फायनान्स बँक लिमिटेडचे व्यवस्थापकीय संचालक आणि मुख्य कार्यकारी अधिकारी श्री. गोविंद सिंग, मुख्य वित्त अधिकारी श्री. सरजुकुमार प्रवीण सिमारिया आणि कन्झ्युमर बँकिंग प्रमुख श्री. सौरभ घोष तसेच मुंबई इंडियन्स फ्रँचायझीचे वरिष्ठ अधिकारी उपस्थित होते.
श्री गोविंद सिंग, व्यवस्थापकीय संचालक व मुख्य कार्यकारी अधिकारी, उत्कर्ष स्मॉल फायनान्स बँक लिमिटेड या ऐतिहासिक भागीदारीबद्दल बोलताना म्हणाले, “मुंबई इंडियन्ससारख्या संघासोबत भागीदारी करताना आम्हाला आनंद होत आहे कारण हा एक असा संघ आहे ज्यांनी कामगिरी, नेतृत्व आणि चाहतावर्गाशी संवाद यात सातत्याने नवे मापदंड प्रस्थापित केले आहेत. ही भागीदारी देशभरातील ग्राहकांशी अधिक मजबूत नाते निर्माण करण्याच्या आमच्या वचनबद्धतेचे प्रतीक आहे, तसेच, देशातील या अत्यंत लोकप्रिय क्रीडा व्यासपीठामुळे आमच्या ब्रँडची ओळख जनसामान्यात अधिक मजबूत होणार आहे.”
मुंबई इंडियन्सच्या प्रवक्त्याने या भागीदारीबद्दल बोलताना सांगितले की, “उत्कर्ष स्मॉल फायनान्स बँकचे मुंबई इंडियन्स परिवारात स्वागत करताना आम्हाला आनंद होत आहे. त्यांची मजबूत मूल्ये, ग्राहक-केंद्रित दृष्टिकोन आणि आर्थिक समावेशनाबाबतची बांधिलकी आमच्या विचारसरणीशी सुसंगत आहे. आम्ही प्रभावी भागीदारीची अपेक्षा करतो.”
या भागीदारीचा एक भाग म्हणून, उत्कर्ष स्मॉल फायनान्स बँकेचे चे उद्दिष्ट विविध ग्राहक वर्गांशी आपला संवाद आणि सहभाग वाढवणे, तसेच या हंगामादरम्यान राबवल्या जाणाऱ्या एकात्मिक मार्केटिंग उपक्रमांद्वारे व इतर नियोजित कार्यक्रमांद्वारे आपल्या ब्रँडची उपस्थिती अधिक ठळक करणे आहे.
३० एप्रिल २०१६ रोजी स्थापन झालेली ‘उत्कर्ष स्मॉल फायनान्स बँक लिमिटेड’ (Utkarsh SFBL) ही एक सूचीबद्ध संस्था आहे. ही बँक, विशेषतः बँकिंग सेवांपासून वंचित किंवा अपुऱ्या सेवा मिळालेल्या समुदायांवर लक्ष केंद्रित करून, बँकिंग आणि वित्तीय सेवा पुरवण्याचे कार्य करते. उत्तर प्रदेशातील वाराणसी येथे मुख्यालय असलेल्या या बँकेने, २५ नोव्हेंबर २०१६ रोजी भारतीय रिझर्व्ह बँकेकडून ‘स्मॉल फायनान्स बँकिंग’चा परवाना प्राप्त केल्यानंतर, २३ जानेवारी २०१७ रोजी आपल्या कामकाजाचा प्रारंभ केला.
ही बँक इंटरनेट आणि मोबाईल बँकिंग, ‘डिजी ऑन-बोर्डिंग’, ASBA, UPI, डिजिटल मुदत ठेवी (Fixed Deposits), विमा व गुंतवणूक उत्पादने आणि चालू खाते (Current Account) सेवा अशा विविध प्रकारच्या डिजिटल आणि प्रत्यक्ष बँकिंग सेवांची विस्तृत श्रेणी उपलब्ध करून देते. या सेवांना बँकेच्या शाखा, एटीएम आणि मायक्रो-एटीएमच्या व्यापक जाळ्याचा भक्कम आधार लाभला आहे. Utkarsh SFBL ची उपस्थिती २७ राज्ये आणि केंद्रशासित प्रदेशांमध्ये असून, बँकेची एकूण ११०८ बँकिंग केंद्रे कार्यरत आहेत. व्यक्ती, व्यवसाय आणि विविध समुदायांच्या सातत्याने बदलणाऱ्या आर्थिक गरजा पूर्ण करण्याच्या उद्देशाने तयार करण्यात आलेल्या सेवांचा एक सर्वसमावेशक संचही ही बँक उपलब्ध करून देते.
.png "Videos"){kind=small}
