बी.एचएमसीटी/BCA/BBA/ BBM/BMS सीईटीसाठी 71063 विद्यार्थी प्रवेश परीक्षा देणार, दुरुस्तीसाठी ऑनलाईन सुविधा

तब्बल 71,063 विद्यार्थी BHMCET BCA BBA BBM BMS साठी प्रवेश परीक्षा देणार आहेत. दरम्यान अर्जाच्या दुरुस्तासाठी १ एप्रिल, २०२६ पर्यंत ऑनलाईन सुविधा उपलब्ध करून देण्यात आली आहे

• अर्जातील दुरुस्तीसाठी १ एप्रिल २०२६ पर्यंत ऑनलाईन सुविधा उपलब्ध

• सीईटीसाठी तब्बल 71063 प्रवेश परीक्षा देण्यास सज्ज 

• बी.एचएमसीटी / बीसीए/ बीबीए / बीबीएम / बीएमएस अभ्यासक्रमाची प्रवेश परीक्षा 

मुंबई/नीता परबः  राज्य सामाईक प्रवेश परीक्षा कक्षातर्फे २०२६ मध्ये घेतल्या जाणाऱ्या शैक्षणिक वर्ष २०२६-२७ साठी  बी.एचएमसीटी / बीसीए/ बीबीए / बीबीएम / बीएमएस या अभ्यासक्रमाची सीईटी प्रवेश नोंदणी  २५ मार्च  २०२६ रोजी संपली. या अभ्यासक्रमासाठी ७१,०६३  विद्यार्थी २०२६ ची सीईटी प्रवेश परीक्षा देणार आहेत. या अभ्यासक्रमाच्या विद्यार्थ्यांच्या नोंदणी अर्जामध्ये जर काही दुरुस्त्या असतील तर त्यासाठी  १ एप्रिल २०२६ पर्यंत ऑनलाईन सुविधा उपलब्ध करून दिली आहे. 

• बी.एचएमसीटी / बीसीए/ बीबीए / बीबीएम / बीएमएस  अर्जातील दुरुस्तीसाठी ऑनलाईन सुविधा उपलब्ध
• बी.एचएमसीटी / बीसीए/ बीबीए / बीबीएम / बीएमएस  या सामाईक प्रवेश परीक्षेकरिता ज्या विद्यार्थ्यांनी नोंदणी प्रक्रिया परीक्षा शुल्क अदा करून पूर्ण केलेली आहे
• त्यापैकी काही विद्यार्थांकडून अर्ज भरताना अनवधानाने काही  चुका झाल्या असतील तर त्या दुरुस्तीसाठीची ऑनलाईन सुविधा उपलब्ध करून देण्यात आली आहे

यावर्षी बी.एचएमसीटी / बीसीए/ बीबीए / बीबीएम / बीएमएस  या अभ्यासक्रमास ७१,०६३  विद्यार्थ्यांनी नोंदणी केली आहे. २०२५ च्या बी.एचएमसीटी सीईटी या प्रवेश परीक्षेमध्ये १४३६ व बीसीए/ बीबीए/ बीएमएस/ बीबीएम/ एमबीए (इंटिग्रेटेड) / एमसीए (इंटिग्रेटेड)  सीईटी या प्रवेश परीक्षेमध्ये १,१२,९२६  विद्यार्थ्यांनी नोंदणी केली होती. या अभ्यासक्रमाची प्रवेश परीक्षा २८ ते ३० एप्रिल २०२६ रोजी होणार आहे. या अभ्यासक्रमांसाठीची  सीईटी परीक्षा महाराष्ट्र राज्यातील विविध परीक्षा केंद्रांवर संगणकाधारित पद्धतीने ऑनलाईन घेतल्या जाणार आहेत.

नर्सिंग आणि DPN/PHN सीईटी प्रवेश नोंदणीस अंतिम मुदतवाढ, तत्काळ नोंदणीसाठी आवाहन

नक्की कोणत्या शाखेसाठी असतात या परीक्षा 

एमएएच सीईटी २०२६ (बीएचएमसीटी/बीसीए/बीबीए/बीएमएस/बीबीएम) ही महाराष्ट्रातील या व्यावसायिक पदवी अभ्यासक्रमांसाठी एक सामायिक प्रवेश परीक्षा आहे. ही परीक्षा २८ ते ३० एप्रिल २०२६ दरम्यान होण्याची शक्यता असून, नोंदणी १६ फेब्रुवारी २०२६ पर्यंत खुली राहील. ही परीक्षा ऑनलाइन पद्धतीने ९० मिनिटांसाठी घेतली जाईल, ज्यामध्ये १०० प्रश्न असतील.

एमएएच सीईटी २०२६

परीक्षेचे नाव: एमएएच-बीएचएमसीटी/बीसीए/बीबीए/बीएमएस/बीबीएम सीईटी २०२६.

परीक्षेची तारीख (अपेक्षित): २८ एप्रिल ते ३० एप्रिल २०२६.

परीक्षेचा प्रकार: ऑनलाइन (संगणक आधारित चाचणी).

प्रश्नांची संख्या: १०० बहुपर्यायी प्रश्न (एमसीक्यू).

वेळ: ९० मिनिटे

नकारात्मक गुणदान: नकारात्मक गुणदान नाही.

Career News: विद्यार्थ्यांनो शुभेच्छा! उद्यापासून सुरू होणार B.Ed ची CET प्रवेश परीक्षा

परीक्षेचा नमुना आणि अभ्यासक्रम:

परीक्षेत प्रामुख्याने खालील विषयांचा समावेश असेल:

• तर्कशास्त्र – शाब्दिक आणि अंकगणित: ४० गुण
• इंग्रजी भाषा: ३० गुण
• सामान्य ज्ञान आणि चालू घडामोडी: १५ गुण
• संगणकाची मूलतत्त्वे: १५ गुण