फोटो सौजन्य - Social Media
नीता परब : राज्य सामाईक प्रवेश परीक्षा कक्ष तर्फे आयोजित एमबीए/एमएमएस सीईटी २०२६ परीक्षेला राज्यभरात उत्स्फूर्त प्रतिसाद मिळाला असून दुसऱ्या दिवशी ८७.६०% विद्यार्थ्यांची उपस्थिती नोंदवली गेली. मंगळवारी सकाळ व दुपार अशा दोन सत्रांमध्ये परीक्षा पार पडली. एकूण ५४,०३२ विद्यार्थ्यांपैकी ४७,३३३ विद्यार्थी उपस्थित होते आणि परीक्षेत कोणताही अनुचित प्रकार घडला नाही.
सकाळच्या सत्रात २७,०२७ पैकी २३,९४६ विद्यार्थी (८८.६०%) उपस्थित होते, तर ३,०८१ विद्यार्थी अनुपस्थित राहिले. दुपारच्या सत्रात २७,००५ पैकी २३,३८७ विद्यार्थी (८६.६०%) उपस्थित होते, तर ३,६१८ विद्यार्थी गैरहजर होते. ही परीक्षा महाराष्ट्र मधील सर्व ३६ जिल्ह्यांमधील १८२ केंद्रांवर पार पडली. प्रत्येक परीक्षा केंद्रावर नियमांचे काटेकोर पालन करण्यात आले आणि परीक्षेच्या सुरक्षेसाठी आवश्यक ती सर्व व्यवस्था करण्यात आली होती.
यंदा एमबीए/एमएमएस सीईटीसाठी एकूण १,३२,८३८ विद्यार्थ्यांनी नोंदणी केली असून परीक्षा बॅचनुसार पुढील दिवसांमध्येही सुरू राहणार आहे. यामुळे राज्यातील विद्यार्थी व्यवस्थापन अभ्यासक्रमात प्रवेश घेण्याच्या संधीसाठी सज्ज झाले आहेत, तसेच परीक्षेच्या पारदर्शकतेसह गुणवत्ता सुनिश्चित करण्याचा प्रयत्न करण्यात आला आहे.
.png "Videos"){kind=small}
