बँक ऑफ बडोदाची महाराष्ट्रात मोठी भरती; २१८ पदांसाठी स्थानिक बँक अधिकाऱ्यांची नियमित नियुक्ती

Bank of Baroda Recruitment 2026: बँक ऑफ बडोदाने महाराष्ट्रात २१८ स्थानिक बँक अधिकारी पदांसाठी भरती जाहीर केली असून, राज्यातील स्थानिक रोजगाराच्या संधी वाढविण्याचा या मोहिमेचा उद्देश आहे.

• बँक ऑफ बडोदाची महाराष्ट्रात मोठी भरती
• २१८ पदांसाठी बंपर भरती
• स्थानिक बँक अधिकाऱ्यांना मोठी संधी

पुणे: भारतातील आघाडीच्या सार्वजनिक क्षेत्रातील बँकांपैकी एक असलेल्या बँक ऑफ बडोदाने महाराष्ट्रात २१८ स्थानिक बँक अधिकारी (ग्रेड जेएमजी/एस-I) पदांवर नियमित नियुक्तीसाठी मोठी भरती मोहीम जाहीर केली आहे. स्थानिक रोजगाराच्या संधी वाढविण्यासह राज्यातील बँकेचे कामकाज अधिक सक्षम करणे हा या भरती मोहिमेचा उद्देश आहे.बँकेच्या देशव्यापी भरती मोहिमेअंतर्गत २० राज्ये आणि केंद्रशासित प्रदेशांमध्ये एकूण २,४८२ स्थानिक बँक अधिकाऱ्यांची भरती करण्यात येणार आहे. तरुण बँकिंग व्यावसायिकांना अर्थपूर्ण करिअरच्या संधी उपलब्ध करून देणे, स्थानिक प्रतिभावंतांचा समूह अधिक सक्षम करणे आणि स्थानिक ग्राहकांना प्रभावी सेवा देण्याची बँकेची क्षमता वाढविणे, या उद्देशाने ही भरती प्रक्रिया राबविण्यात येत आहे.

best engineering branch : १२ वी नंतर इंजिनिअरिंगची कोणती शाखा सर्वोत्तम? करिअर निवडताना ‘या’ महत्त्वाच्या गोष्टी ठेवा लक्षात

या भरतीचे महत्त्वाचे वैशिष्ट्य म्हणजे निवड झालेल्या अधिकाऱ्यांची नियुक्ती त्यांनी ज्या राज्यासाठी अर्ज केला आहे, त्याच राज्यात केली जाणार आहे. सेवेच्या सुरुवातीच्या १२ वर्षांच्या कालावधीपर्यंत किंवा एसएमजीएस-IV ग्रेडमध्ये पदोन्नती होईपर्यंत, यापैकी जे आधी होईल तोपर्यंत संबंधित अधिकाऱ्यांना त्याच राज्यात सेवा बजावावी लागणार आहे.याबाबत बँक ऑफ बडोदाचे कार्यकारी संचालक लाल सिंह म्हणाले, “ही भरती मोहीम केवळ आमच्या कार्यशक्तीमधील गुंतवणूक नसून, आम्ही ज्या समुदायांना आणि अर्थव्यवस्थांना सेवा देतो त्यांच्यातीलही गुंतवणूक आहे. स्थानिक परिस्थितीची चांगली जाण आणि भाषेचे उत्तम ज्ञान असलेल्या तरुण बँकिंग व्यावसायिकांना सहभागी करून घेतल्यामुळे विविध बाजारपेठांमधील ग्राहकांच्या बदलत्या गरजांना प्रतिसाद देण्याची आमची क्षमता अधिक मजबूत होत आहे.”

RIMC Entrance Exam 2026: नॅशनल इंडियन मिलिट्री कॉलेज प्रवेश परीक्षेसाठी अर्ज सुरू, जाणून घ्या प्रवेशानंतरच्या करिअरच्या संधी