CAT 2026 : कॅट परीक्षा देताय! मग ६ ऑक्टोबरपर्यंत अर्जातील ‘या’ गोष्टीमध्ये करता येणार बदल

CAT 2026 Correction Window: कॅट (CAT) २०२६ साठी अर्ज करणाऱ्या उमेदवारांसाठी ५ ऑक्टोबरपासून करेक्शन विंडो सुरू होत आहे. यामध्ये उमेदवाराच्या अर्जातील 'या' तीन गोष्टीत कसा बदल करावा? जाणून घ्या.

CAT 2026 Correction Window: कॅट (CAT) २०२६ साठी अर्ज केलेल्या उमेदवारांसाठी एक महत्त्वाची अपडेट समोर आली आहे. इंडियन इन्स्टिट्यूट ऑफ मॅनेजमेंट (IIM) इंदूर ५ ऑक्टोबर २०२६ रोजी सकाळी १०:०० वाजल्यापासून CAT २०२६ च्या अर्ज सुधारणा विंडो उघडणार आहे.  या अर्जामध्ये कोणतीही चूक आढळल्यास त्या माहितीत बदल करणे गरजेचे आहे. हा बदल तीन गोष्टीमध्ये करता येणार आहे. त्या तीन गोष्टीबद्दल आज आपण जाणून घेणार आहोत.

CAT 2026 Correction Window: या तीन गोष्टींमध्ये करता येईल बदल

IIM इंदूरने CAT २०२६ ची सुधारणा सुविधा अत्यंत मर्यादित ठेवली आहे. उमेदवार फक्त त्याच फील्डमध्ये बदल करू शकतील जे संस्थेने एडिट करण्यासाठी उपलब्ध करून दिले आहेत. करेक्शन विंडो दरम्यान उमेदवार खालील तीन गोष्टींमध्ये बदल करू शकतात:

• फोटोग्राफ
• स्वाक्षरी
• परीक्षा शहर प्राधान्य

जर एखाद्या उमेदवाराला अर्जात त्याच्या फोटो किंवा सहीमध्ये काही चूक आढळली किंवा त्याला त्याच्या परीक्षा शहराच्या प्राधान्यात बदल करायचा असेल, तर तो निर्धारित वेळेत या करेक्शन विंडोचा वापर करू शकतो. सुधारणा केल्यानंतर, अपडेट केलेली माहिती योग्य असल्याची खात्री करण्यासाठी अर्ज पुन्हा काळजीपूर्वक तपासणे आवश्यक आहे.

‘या’ गोष्टीमध्ये बदल करता येणार नाही

CAT २०२६ च्या अर्जाच्या या माहितीत कोणताही बदल करता येणार नाही. यामध्ये खालील गोष्टींचा समावेश आहे:

• उमेदवाराचे नाव
• जन्मतारीख
• नोंदणीकृत ईमेल पत्ता
• मोबाईल नंबर
• प्रवर्ग (कॅटेगरी)
• शैक्षणिक माहिती

तसेच इयत्ता १० वी, १२ वी आणि पदवीशी संबंधित रेकॉर्डमध्येही करेक्शन विंडो दरम्यान बदल करता येणार नाही. जर एखाद्या उमेदवाराला अशा माहितीत चूक आढळली जी एडिट करण्याची परवानगी नाही, तर त्याने CAT च्या अधिकृत वेबसाइटवर दिलेले निर्देश आणि संपर्क तपशील पाहणे आवश्यक आहे.

Walk-in Interview 2026: BAMS आणि लाइफ सायन्सेस पदवीधारकांसाठी नोकरीची सुवर्णसंधी; वेतनही उत्तम मिळणार

अर्ज सुधारण्याची ऑनलाइन प्रक्रिया

जर तुम्हाला CAT २०२६ च्या अर्जात बदल करायचा असेल तर तुम्ही खाली दिलेल्या स्टेप्स फॉलो करू शकता.

स्टेप १: सर्व प्रथम उमेदवाराने CAT च्या अधिकृत वेबसाइट iimcat.ac.in वर जावे.

स्टेप २: त्यानंतर वेबसाइटवर दिलेल्या ‘Registered Candidate Login’ या पर्यायावर क्लिक करावे.

स्टेप ३: तुमचा नोंदणीकृत युजर आयडी आणि पासवर्ड टाकून लॉगिन करावे.

स्टेप ४: आता तुमचा आधीच सबमिट केलेला CAT २०२६ ॲप्लिकेशन फॉर्म उघडावे.

स्टेप ५: डॅशबोर्डवर दिसणाऱ्या ‘Correction’ किंवा ‘Edit’ पर्यायावर क्लिक करावे.

स्टेप ६: आता IIM इंदूरने ज्या फील्डमध्ये बदल करण्याची परवानगी दिली आहे, त्यात आवश्यक बदल करावे.

स्टेप ७: बदल केल्यानंतर सर्व माहिती पुन्हा एकदा काळजीपूर्वक तपासावी आणि अर्ज अपडेट करावा.

स्टेप ८: आता तुमच्याकडे भविष्यातील संदर्भासाठी त्याची एक प्रत सुरक्षित ठेवावी.

अर्ज भरताना उमेदवाराने चुकीचा फोटो किंवा सही अपलोड होण्यापासून वाचण्यासाठी सर्व अटी काळजीपूर्वक वाचणे गरजेचे आहे.

DRDO Recruitment 2026: संरक्षण संशोधन संस्थेत २४ जागांसाठी भरती; असा करा अर्ज

४ नोव्हेंबरपासून डाउनलोड करता येणार प्रवेशपत्र

CAT २०२६ चे प्रवेशपत्र ४ नोव्हेंबर २०२६ रोजी जारी केले जाणार आहेत. उमेदवार CAT च्या अधिकृत वेबसाइटद्वारे आपले प्रवेशपत्र डाउनलोड करू शकतील. उमेदवाराने डाउनलोड केलेल्या प्रवेशपत्रातील सर्व माहिती काळजीपूर्वक तपासून घ्यावी.

करेक्शन विंडो बंद झाल्यानंतर संधी मिळणार नाही

CAT २०२६ ची करेक्शन विंडो ५ ऑक्टोबर रोजी सकाळी १०:०० वाजेपासून ६ ऑक्टोबर रोजी संध्याकाळी ५:०० वाजेपर्यंत उपलब्ध असेल. त्यामुळे ज्या उमेदवाराच्या अर्जमध्ये वरील तीन चुका झाल्या आहेत त्यामध्ये बदल करावा.