बुधवार, 30 सप्टेंबर 2026
फोटो सौजन्य- सोशल मीडिया
RRAP CARI Walk-in Interview 2026: नवी दिल्लीच्या सेंट्रल कौन्सिल फॉर रिसर्च इन आयुर्वेदिक सायन्सेस (CCRAS) अंतर्गत मुंबईतील वरळी येथील राजा रामदेव आनंदीलाल पोदार (RRAP) केंद्रीय आयुर्वेद संशोधन संस्थेत विविध संशोधन प्रकल्पांसाठी कंत्राटी तत्त्वावर पदे भरण्यात येणार आहेत. वर्ष २०२६-२७ साठी सुरू असलेल्या डब्ल्यूएचओ-सीसीआरएएस (WHO-CCRAS) सहयोगी संशोधन प्रकल्प आणि इतर अंतर्गत संशोधन प्रकल्पांसाठी ही भरती केली जात आहे.
सीनियर रिसर्च फेलो (मेडिकल-आयुर्वेद) या पदासाठी एकूण २ जागा भरल्या जाणार असून उमेदवराने मान्यताप्राप्त विद्यापीठातून बीएएमएस (BAMS) पदवी प्राप्त केली आहे. ज्या उमेदवारांकडे एमडी (आयुर्वेद) ही उच्च पात्रता आणि आयुष मंत्रालय, आयसीएमआर, सीएसआयआर किंवा डीएसटीसारख्या संस्थांच्या प्रकल्पांत संशोधनाचा अनुभव आहे, त्यांना प्राधान्य दिले जाईल.
सीनियर रिसर्च फेलो (नॉन-मेडिकल) पदासाठी १ जागा असून यासाठी अर्ज करणाऱ्या उमेदवाराकडे मान्यताप्राप्त विद्यापीठातून लाईफ सायन्सेस (जीवन विज्ञान) मधील पदवी असणे आवश्यक आहे. तसेच संबधित उमेदवार लाईफ सायन्सेसमधील मास्टर डिग्री आणि क्लिनिकल रिसर्चचा अनुभव असलेला असावा.
IIM Mumbai मध्ये नोकरीची सुवर्णसंधी! ‘या’ पदासाठी चक्क ७० हजार रुपयांपर्यंत वेतन मिळणार
या दोन्ही पदांसाठी उमेदवाराचे कमाल वय ३५ वर्षांपर्यंत असावे. (भारत सरकारच्या नियमांनुसार एससी/एसटी/ओबीसी उमेदवारांना वयात शिथिलता मिळेल).
सीनियर रिसर्च फेलो (मेडिकल) पदासाठी संस्थेच्या नियमानुसार एकत्रित मानधन दिले जाईल, तर सीनियर रिसर्च फेलो (नॉन-मेडिकल) पदासाठी दरमहा ४२,००० रुपये अधिक ३० टक्के एचआरए (HRA) दिला जाईल. या पदांसाठी ७ ऑक्टोबर २०२६ रोजी सकाळी १०:०० ते दुपारी २:०० वाजेपर्यंत प्रत्यक्ष मुलाखतीद्वारे पात्र उमेदवाराची निवड होईल.
मुलाखतीचे ठिकाण: सीसीआरएएस – राजा रामदेव आनंदीलाल पोदार (आर.आर.ए.पी) केंद्रीय आयुर्वेद संशोधन संस्था, पोदार मेडिकल कॅम्पस, डॉ. अॅनी बेझंट रोड, वरळी, मुंबई – ४०००१८.
GATE Exam दिल्यानंतर पुढे काय? M.Tech साठी ‘ही’ आहेत देशातील टॉप कॉलेज..
इच्छुक आणि पात्र उमेदवारांनी विहित नमुन्यातील अर्ज, दोन पासपोर्ट आकाराचे फोटो, सर्व मूळ प्रमाणपत्रे आणि स्व-सत्यापित छायाप्रतींसह थेट मुलाखतीसाठी निर्धारित वेळी आणि पत्त्यावर उपस्थित राहावे. अर्जाचा नमुना परिषदेच्या www.ccras.nic.in या अधिकृत संकेतस्थळावरून डाऊनलोड करता येईल.
