Delhi FSL Recruitment 2025 : 116 कनिष्ठ वैज्ञानिक अधिकारी पदांसाठी अधिसूचना प्रसिद्ध

दिल्ली न्यायवैद्यक विज्ञान प्रयोगशाळा भरती २०२५ संदर्भात अधिकृत अधिसूचना जाहीर करण्यात आली आहे. या भरतीच्या माध्यमातून एकूण ११६ जागा भरण्यात येणार आहेत. अधिक माहितीसाठी लेख नक्की वाचा.

दिल्ली न्यायवैद्यक विज्ञान प्रयोगशाळेकडून (Delhi FSL) कनिष्ठ वैज्ञानिक अधिकारी (Junior Scientific Officer) पदांच्या भरतीसाठी अधिकृत अधिसूचना 9 एप्रिल 2025 रोजी जाहीर करण्यात आली आहे. या भरती मोहिमेद्वारे एकूण 116 पदे भरली जाणार असून, पात्र उमेदवारांकडून 9 एप्रिल 2025 ते 24 एप्रिल 2025 या कालावधीत अर्ज स्वीकारले जातील.

CSIR-NCL ने केली भरतीची सुरुवात; ‘या’ तारखेपासून करा अर्ज, JSA पदासाठी भरतीचे आयोजन

या भरतीच्या माध्यमातून दिल्ली फॉरेन्सिक सायन्स लॅबोरेटरीमध्ये कनिष्ठ वैज्ञानिक अधिकारी पदासाठी उमेदवारांची भरती केली जाणार आहे. एकूण ११६ रिक्त जागांसाठी ही भरती प्रक्रिया राबवली जात आहे. विज्ञान शाखेतील पात्र उमेदवारांसाठी ही एक चांगली संधी असून, पदवीधर किंवा पदव्युत्तर शिक्षण घेतलेले उमेदवार या भरतीसाठी अर्ज करू शकतात. विशेषतः रसायनशास्त्र, जीवशास्त्र, फॉरेन्सिक सायन्स किंवा तत्सम शाखेत शिक्षण घेतलेल्या उमेदवारांना या पदासाठी प्राधान्य दिले जाईल.

या भरतीसाठी किमान वयोमर्यादा 18 वर्षे असून, जास्तीत जास्त वयोमर्यादा 30 वर्षे निश्चित करण्यात आली आहे. वयोमर्यादेची गणना करण्यासाठी 24 एप्रिल 2025 ही तारीख निश्चित करण्यात आली आहे. आरक्षित प्रवर्गातील उमेदवारांना केंद्र सरकारच्या नियमानुसार वयोमर्यादेत सवलत दिली जाणार आहे. त्यामुळे अशा उमेदवारांनी याचा लाभ घ्यावा. दिल्ली एफएसएल कनिष्ठ वैज्ञानिक अधिकारी भरती 2025 साठी निवड प्रक्रिया तीन टप्प्यांत पार पडेल. पहिल्या टप्प्यात उमेदवारांची मुलाखत घेतली जाईल, ज्यामध्ये त्यांच्या विषयातील ज्ञान, विचारक्षमता आणि संवादकौशल्य यांची तपासणी केली जाईल. दुसऱ्या टप्प्यात कागदपत्रांची पडताळणी करण्यात येईल. उमेदवारांनी अर्ज करताना योग्य ती कागदपत्रे जोडलेली असावीत. तिसऱ्या आणि अंतिम टप्प्यात उमेदवारांची वैद्यकीय तपासणी केली जाईल, ज्यामुळे उमेदवारांची शारीरिक आणि मानसिक तंदुरुस्ती निश्चित केली जाईल.

या पदासाठी अर्ज करणाऱ्या उमेदवारांनी 9 एप्रिल 2025 ते 24 एप्रिल 2025 या कालावधीत अर्ज सादर करावा लागेल. अर्ज सादर करताना आवश्यक कागदपत्रे आणि योग्य ती माहिती भरलेली असावी. ही भरती प्रक्रिया पूर्णपणे पारदर्शक पद्धतीने राबवली जाणार असून, पात्र आणि इच्छुक उमेदवारांनी योग्य तयारीसह अर्ज करून ही संधी मिळवावी.

Assam Board SEBA HSLC 10th Result 2025: आसाम बोर्ड दहावीचा निकाल जाहीर; ‘असा’ पाहा निकाल

अशा प्रकारे करा अर्ज:

• सर्वप्रथम अधिसूचनेतून शैक्षणिक पात्रता व इतर अटी काळजीपूर्वक तपासा.
• “Apply Online” या लिंकवर क्लिक करा किंवा अधिकृत वेबसाईटला भेट द्या.
• ऑनलाईन अर्ज फॉर्म नीट भरावा.
• आवश्यक कागदपत्रे संलग्न करावीत.
• पूर्ण अर्ज पुढील पत्त्यावर पोस्टाने पाठवा:
  Principal Director, Forensic Science Laboratory, Sector-14, Rohini, Delhi-110085

अधिक माहितीसाठी अधिकृत अधिसूचना पीडीएफ वाचावी. इच्छुक उमेदवारांनी दिलेल्या अंतिम तारखेपूर्वी अर्ज करणे अत्यंत आवश्यक आहे.