फोटो सौजन्य- iStock
भारताच्या सशस्त्र सैन्यदलात सामील होत देशसेवा करावी अशी असंख्य युवकांची स्वप्ने असतात. हे स्वप्न सत्यात उतरविण्यासाठी ते प्रचंड मेहनतही घेत असतात. दरम्यान, महाराष्ट्र शासनातर्फे अशा उमेदवारांकरिता एक विशेष प्रशिक्षण दिले जाणार आहे. हे प्रशिक्षण 10 दिवसांचे असणार आहे. ज्याद्वारे उमेदवारांना सर्व्हिस सिलेक्शन बोर्ड (Service Selection Board) (SSB) या परीक्षेची पूर्व तयारी करुन घेण्यासाठी निशुल्क प्रशिक्षण देण्यात येणार आहे. जाणून घेऊया याबद्दल
भारतीय सैन्यदल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना सर्व्हिस सिलेक्शन बोर्ड या परीक्षेची पूर्व तयारी करुन घेण्यासाठी प्रशिक्षण देण्यात येणार आहे. छात्रपूर्व प्रशिक्षण केंद्र, नाशिक रोड, येथे महाराष्ट्र शासनातर्फे युवक व युवतीसाठी 30 डिसेंबर 2024 ते 8 जानेवारी 2025 या कालावधीत एस.एस.बी.(SSB) कोर्स क्र. 60 आयोजित करण्यात आले आहे. या प्रशिक्षण कालावधीत प्रशिक्षणार्थींना निशुल्क प्रशिक्षण, निवास व भोजन दिले जाते.
मुंबई शहर जिल्ह्यातील उमेदवारांसाठी
मुंबई शहर जिल्ह्यातील इच्छुक उमेदवारांनी सैन्यदलातील अधिकारी पदाच्या संधीसाठी जिल्हा सैनिक कल्याण कार्यालय मुंबई शहर येथे 24 डिसेंबर 2024 रोजी मुलाखतीस उपस्थित राहण्याचे आवाहन जिल्हा सैनिक कल्याण अधिकारी यांनी केले आहे. मुलाखतीस Department of Sainik Welfare, Pune (DSW) यांच्या वेबसाईटवर एस.एस.बी.-60 कोर्ससाठी (किंवा संबंधीत जिल्हा सैनिक कल्याण कार्यालयाने प्रिंट दिलेल्या) प्रवेशपत्र व त्यासोबत असलेली परिशिष्टांची प्रिंट घेऊन व ते पूर्ण भरुन सोबत यायचे आहे.
उमेदवारांसाठीची पात्रता
एस.एस.बी. वर्गामध्ये प्रवेश मिळण्यासाठी खाली नमूद कोणतीही एक पात्रता आवश्यक आहे व त्यासंबधीचे पात्रता प्रमाणपत्र प्रशिक्षण वर्गाला येतांना सोबत घेऊन यावे.
अधिक माहितीसाठी संपर्क
अधिक माहितीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक यांचा ईमेल आयडी training.pctcnashik@gmail.com किंवा दूरध्वनी क्र. 0253-2451032 किंवा व्हॉट्स ॲप क्र. 9156073306 यावर प्रत्यक्ष अथवा दूरध्वनीद्वारे संपर्क साधावा, असे आवाहन, जिल्हा सैनिक कल्याण अधिकारी मुंबई शहर यांनी केले आहे. त्यामुळे इच्छुक आणि पात्र उमेदवारांनी या प्रशिक्षणात सहभागी होण्यासाठी तात्काळ प्रयत्न करावा.
.png "Videos"){kind=small}
