आई-वडिलांचे छत्र हरपले, तरीही पहिल्याच प्रयत्नात IAS कसा झाला अनिमेष प्रधान?

Animesh Pradhan IAS : कमी वयात पालकांचे निधन आणि आईचा कॅन्सरशी लढा, अशा कठीण परिस्थितीत अनिमेष प्रधान यांनी यूपीएससी परीक्षेत (UPSC Exam) देशात दुसरा क्रमांक (AIR 2) मिळवला. वाचा त्यांची प्रेरणादायी यशोगाथा.

• उच्च शिक्षीत असणाऱ्या अनिमेशने परीक्षेच्या अभ्यासात ठेवले सातत्य
• अनिमेषच्या डोक्यावरचे मायेचे छत्र हरपले
• अथक परिश्रमातून अनिषने आईचे स्वप्न केले पूर्ण

Animesh Pradhan IAS : कधीकधी आयुष्य अशा वळणावर आणून उभे करते जिथे आश्रुंशिवाय काहीच सोबत नसते. जेव्हा परिस्थिती कष्ट, वेदना आणि संघर्षाशिवाय काहीच शिकवत नाही. तेव्हा स्वप्नेच सर्वकाही होतात. अनिमेषची गोष्ट सुद्धा अशीच काहीशी आहे. कमी वयातच त्यांच्या वडीलांचे छत्र हरपले. त्यानंतर आईला कॅन्सरने हेरावून नेले. पण सर्व आव्हाने आणि कठीण परिस्थितीशी झुंज देत तो आयएएस (IAS) झाला.

उच्च शिक्षीत असणाऱ्या अनिमेशने परीक्षेच्या अभ्यासात ठेवले सातत्य

अनिमेष प्रधान हे ओडिशाच्या तालचेर येथील रहिवासी त्यांनी एनआयटी राउरकेला येथून कॉम्पुटर सायन्स मध्ये बी टेक केले आहे. लहानपणापासूनच ते कष्टाळू आणि ध्येयाप्रती गंभीर होते. त्यांनी एका मुलाखतीत सांगितले की, लहान असतानाच त्यांच्या वडीलांचे निधन झाले आशा प्रकारे नियतीने त्यांची लवकरच परीक्षा घ्यायला सुरवात केली. कमी वयातच कुटुंब, अभ्यास आणि आर्थिक जबाबदाऱ्यांचे ओझे त्याच्या खांद्यावर आले. तरीही त्यांनी हिंमत न हारता अभ्यास सुरू ठेवला.

Scholarship: परदेशी विद्यापीठात शिकायचंय पण खिशाचा विचार करताय? मग ‘या’ सरकारी शिष्यवृत्तीचा नक्की लाभ घ्या.

अनिमेषच्या डोक्यावरचे मायेचे छत्र हरपले

वडिलांनंतर त्यांच्या आईने कुटुंबाला आधार दिला. मात्र तिलाही कॅन्सरने ग्रासले. यावेळी तो यूपीएससीची अभ्यास करत होता. उपरचारादरम्यान काही काळातच आईचे निधन झाले आणि त्याच्यावर आणखी एक दु: खाचा डोंगर कोसळला पण त्यावेळी ही तो अभ्यास करतच होता.

अथक परिश्रमातून अनिषने आईचे स्वप्न केले पूर्ण

अखेर त्याच्या मेहनतीला यश आले आणि २०२३ मध्ये पहिल्याच प्रयत्नात त्याने यूपीएससीच्या परीक्षेत देशात दुसरी रँक (AIR 2) मिळवली. या यशापाठीमागे एक मोठी वेदना होती कारण त्याच्या आईचे स्वप्न होते की, मुलाने अधिकारी बनावे संघर्षातून स्वप्ने पूर्ण करता येतात. याचे एक उत्तम उदाहरण अमिष प्रधान आहे.

Education in Stanford: स्टॅनफर्डमधून एमबीए करण्याचे स्वप्न पाहताय? मग खर्चाचा हा आकडा आणि मिळणारा ‘रिटर्न’ एकदा नक्की पाहा!