विद्यार्थ्यांसाठी मोठी बातमी! IIIT Pune च्या संशोधन प्रकल्पांना केंद्र सरकारचे मोठे अनुदान प्राप्त

IIIT Pune research funding MeitY : इलेक्ट्रॉनिक्स आणि आयटी मंत्रालयाकडून (MeitY) IIIT पुणेला संशोधन निधी प्राप्त झाला आहे. विश्वेश्वरय्या पीएचडी योजनेच्या दुसऱ्या टप्प्यात संस्थेचा सहभाग निश्चित झाल्यामुळे संशोधनाला मोठी चालना मिळणार आहे.

• आयआयआयटी पुणेला मेइटीकडून संशोधन निधी
• विश्वेश्वरय्या पीएचडी योजनेच्या दुसऱ्या टप्प्यात संस्थेचा सहभाग
• इलेक्ट्रॉनिक्स, आयटी क्षेत्रातील संशोधनाला मिळणार चालना
• प्रयोगशाळांसाठी प्रशिक्षित संशोधन मनुष्यबळ उपलब्ध होणार

IIIT Pune research funding MeitY भारतीय माहिती तंत्रज्ञान संस्था, पुणे (आयआयआयटी पुणे) यांना केंद्र सरकारच्या इलेक्ट्रॉनिक्स आणि माहिती तंत्रज्ञान मंत्रालयाकडून (मेइटी) संशोधन निधी प्राप्त झाला आहे. डिजिटल इंडिया कॉर्पोरेशनमार्फत मेइटीने जारी केलेल्या अंमलबजावणी आदेशानुसार, आयआयआयटी पुणे यांचा इलेक्ट्रॉनिक्स आणि आयटीसाठीच्या विश्वेश्वरय्या पीएचडी योजनेच्या दुसऱ्या टप्प्यात सहभाग निश्चित झाला आहे.

या संशोधन योजनेचा उद्देश काय आहे?

इलेक्ट्रॉनिक सिस्टिम डिझाइन अँड मॅन्युफॅक्चरिंग (ईएसडीएम) तसेच आयटी/आयटीईएस क्षेत्रात डॉक्टरेट संशोधन क्षमता विकसित करणे हा या योजनेचा प्रमुख उद्देश आहे. योजनेअंतर्गत पात्र संशोधकांना दरमहा शिष्यवृत्ती, वार्षिक संशोधन आकस्मिक निधी, भाड्याच्या निवासासाठी परतावा तसेच आंतरराष्ट्रीय परिषदांमध्ये सहभागी होण्यासाठी प्रवास सहाय्य दिले जाते. याशिवाय राष्ट्रीय व आंतरराष्ट्रीय स्तरावरील नामांकित संशोधन संस्थांसोबत सहकार्याला प्रोत्साहन दिले जाते.

School Dropouts: एकही बालक शिक्षणापासून वंचित राहणार नाही; राज्यभर विशेष शोधमोहीम राबवण्याचे निर्देश

संशोधन क्षमता अधिक बळकट होण्यास मदत

आयआयआयटी पुणेला मिळालेल्या या निधीमुळे संस्थेची संशोधन क्षमता अधिक बळकट होण्यास मदत होणार आहे. तसेच सक्षम संशोधक आणि संशोधन प्रतिभा आकर्षित करून राष्ट्रीय तंत्रज्ञान प्राधान्याच्या क्षेत्रांमध्ये सखोल संशोधनाला चालना मिळणार आहे.

NEET PG 2026 Result जाहीर; मागील ६ वर्षांच्या तुलनेत यंदा कट ऑफ सर्वात खाली!

प्रयोगशाळांसाठी प्रशिक्षित संशोधन मनुष्यबळ उपलब्ध होणार

सेमीकंडक्टर, इलेक्ट्रॉनिक्स उत्पादन, डिजिटल सार्वजनिक पायाभूत सुविधा आणि तांत्रिक स्वयंपूर्णतेशी संबंधित संशोधनालाही या उपक्रमामुळे बळ मिळणार आहे. त्यामुळे शैक्षणिक संस्था, उद्योगातील संशोधन व विकास विभाग आणि सरकारी संशोधन प्रयोगशाळांसाठी प्रशिक्षित संशोधन मनुष्यबळ उपलब्ध होण्यास मदत होईल.

School Sanchmanyata 2026: शाळांसाठी महत्त्वाची बातमी! संचमान्यता भरण्यासाठी आता ‘या’ तारखेची अंतिम मुदत असणार

अर्ज करण्यासाठी अधिकृत संकेतस्थळ

आयआयआयटी पुणे यांनी पात्रता निकष आणि विशेषीकरणाची क्षेत्रे यांसह अर्ज प्रक्रिया आपल्या अधिकृत https://www.iiitp.ac.in/ संकेतस्थळावर जाहीर केली आहे.