Sahil Vakode Suicide Case: चॅटजीपीटीमुळे घात की जातीचा पाश? आयआयटी बॉम्बेच्या विद्यार्थ्याच्या मृत्यूनंतर खळबळ!

IIT Bombay Student Sahil Vakode Suicide Case : साहिल वाकोडे याच्या आत्महत्या प्रकरणाच्या निष्पक्ष चौकशीसाठी आयआयटी प्रशासनाने १० सदस्यांची एक विशेष समिती स्थापन केली असून, एका आठवड्याच्या आत अहवाल सादर करण्याचे निर्देश दिले आहेत.

IIT Bombay Student Sahil Vakode Suicide Case : आयआयटी बॉम्बेमधील बी.टेक द्वितीय वर्षाचा विद्यार्थी साहिल वाकोडे याच्या आत्महत्या प्रकरणात एक मोठा निर्णय घेण्यात आला आहे. सूत्रांनी दिलेल्या माहितीनुसार, या प्रकरणाच्या निष्पक्ष चौकशीसाठी आयआयटी प्रशासनाने १० सदस्यांची एक विशेष समिती स्थापन केली असून, एका आठवड्याच्या आत अहवाल सादर करण्याचे निर्देश दिले आहेत. चौकशी प्रक्रिया पूर्ण होईपर्यंत प्राध्यापक सूर्यनारायण डुल्ला यांना रजेवर पाठवण्यात आले आहे, जेणेकरून तपासात निष्पक्षता राहील.

मुंबई क्राईम ब्रांचने वाढवला तपासाचा वेग; नोंदवले जबाब

मामल्याचे गांभीर्य लक्षात घेून मुंबई पोलिसांच्या क्राईम ब्रांचने आपला कायदेशीर तपास अधिक तीव्र केला आहे. पोलीस पथकाने साहिल वाकोडे याचे आई-वडील तसेच परीक्षा हॉल आणि हॉस्टेलमध्ये त्याच्यासोबत असणाऱ्या वर्गमित्रांचे जबाब नोंदवले आहेत. लवकरच आयआयटी बॉम्बेचे इतर प्राध्यापक, प्राध्यापक वर्ग आणि प्राध्यापक सूर्यनारायण डुल्ला यांचेही जबाब नोंदवले जातील, असे तपास अधिकाऱ्यांनी सांगितले.

मृत साहिलच्या वडिलांनी दिलेल्या तक्रारीच्या आधारे पोलिसांनी एफआयआर नोंदवली असून, त्यामध्ये प्राध्यापक सूर्यनारायण डुल्ला आणि इतर अधिकाऱ्यांची नावे समाविष्ट आहेत. या एफआयआरमध्ये भारतीय न्याय संहितेअंतर्गत (BNS) आत्महत्येस प्रवृत्त करणे आणि अनुसूचित जाती-जमाती अत्याचार प्रतिबंधक कायद्यांतर्गत गंभीर कलमे लावण्यात आली आहेत. प्रकरणाची संवेदनशीलतेने पडताळणी करण्यासाठी हा तपास पवई पोलिसांकडून मुंबई पोलीस क्राईम ब्रांचकडे सोपवण्यात आला असून, पोलीस आता सर्व आरोपांची सखोल चौकशी करत आहेत.

IIM मध्ये मोठा बदल! UG कोर्सेससाठी होणार एकच ‘कॉमन एंट्रन्स टेस्ट’; RTI मधून मोठा खुलासा

काय आहे संपूर्ण प्रकरण?

आयआयटी बॉम्बेमध्ये साहिल वाकोडे या विद्यार्थ्याने आत्महत्या केली. परीक्षेदरम्यान चॅटजीपीटीचा वापर करून कॉपी करताना तो पकडला गेल्याचा दावा आयआयटी प्रशासनाने केला होता. यानंतर बी.टेक द्वितीय वर्षाचा विद्यार्थी साहिल शुक्रवारी संध्याकाळी पवई कॅम्पसमधील हॉस्टेलच्या खोलीत पंख्याला लटकलेल्या अवस्थेत आढळला होता. या घटनेच्या काही तासांपूर्वीच परीक्षेदरम्यान प्राध्यापक डुल्ला यांनी साहिलला मोबाईलचा वापर करताना पकडले होते.

Best College Rankings 2027: सलग १५ वर्षांची बादशाही संपली! प्रिन्स्टनला पछाडत ‘ही’ युनिव्हर्सिटी बनली अमेरिकेतील नंबर १

दुसरीकडे, मृत विद्यार्थ्याच्या वडिलांनी पोलिसांत प्राध्यापक सदस्याविरोधात तक्रार दाखल करत जातीवर आधारित छळाचा आरोप केला आहे. या घटनेनंतर विद्यार्थ्यांनी आयआयटीच्या मुख्य प्रवेशद्वारावर जोरदार निदर्शने करत संचालकांच्या राजीनाम्याची मागणी लावून धरली. विद्यार्थ्यांसोबत झालेल्या बैठकीत केदारे यांनी विद्यार्थ्यांच्या १८ मागण्यांचे सनद स्वीकारले असून संस्था त्यावर गांभीर्याने विचार करेल, असे आश्वासन दिले आहे.