Medical Officer Recruitment 2026: मेडिकल ऑफिसर पदांसाठी मेगा भरती! कोणत्याही लिखित परीक्षेविना थेट अशी होईल निवड!

ITBP Medical Officer Recruitment 2026: भारत-तिब्बत सीमा पोलिसांनी (ITBP) केंद्रीय सशस्त्र पोलीस दलांसाठी २८२ मेडिकल ऑफिसर पदांवर भरती जाहीर केली आहे. पात्रता, वयोमर्यादा आणि अर्ज प्रक्रिया जाणून घेण्यासाठी वाचा सविस्तर..

ITBP Medical Officer Recruitment 2026: भारत-तिब्बत सीमा सुरक्षा दल (ITBP) ने मेडिकल ऑफिसर ग्रुप ‘ए’ च्या २८२ पदांसाठी भरतीची अधिसूचना जारी केली आहे. या भरती प्रक्रियेद्वारे देशातील प्रमुख केंद्रीय सशस्त्र पोलीस दलांमध्ये (CAPF) जसे की BSF, CRPF, ITBP, SSB आणि आसाम रायफल्समध्ये डॉक्टरांची नियुक्ती केली जाईल. सरकारी नोकरी आणि देशसेवेची इच्छा असणाऱ्या मेडिकल प्रोफेशनल्ससाठी ही एक अत्यंत सुवर्णसंधी आहे. यासाठी ऑनलाइन अर्ज करण्याची प्रक्रिया १० ऑगस्ट २०२६ पासून सुरू होत आहे.

ISRO recruitment 2026: इंजिनिअरिंग तरुणांसाठी मोठी बातमी! ९३ पदांसाठी मेगा भरती जाहीर; कधीपर्यंत करता येईल अर्ज?

ITBP मेडिकल ऑफिसर व्हॅजन्सी डिटेल्स:

या भरतीसाठी अर्ज करू इच्छिणाऱ्या उमेवारांसाठी १० ऑगस्ट २०२६ पासून अर्ज सुरू झाले असून, ते ०८ सप्टेंबर २०२६ पर्यंत सुरू राहतील. या दरम्यान तुम्ही कधीही अर्ज करू शकता. परंतु, उमेदवारांनी अंतिम मुदतीची वाट न बघता वेळेत अर्ज पूर्ण करावा, जेणेकरून शेवटच्या दिवशी वेबसाइटवर येणारा ताण किंवा तांत्रिक समस्यांपासून बचाव होऊ शकेल. हे २८२ पदे वेगवेगळ्या श्रेणीनुसार विभागण्यात आली आहेत. जसे की, सुपर स्पेशालिस्ट मेडिकल ऑफिसरची ५ पदे आहेत, तर स्पेशालिस्ट मेडिकल ऑफिसरची १६२ पदे रिकामी आहेत आणि मेडिकल ऑफिसरची ११५ पदे रिक्त आहेत.

शैक्षणिक पात्रता:

मेडिकल ऑफिसर पदासाठी उमेदवाराकडे कोणत्याही मान्यताप्राप्त विद्यापीठ किंवा संस्थेची एमबीबीएस पदवी असणे आवश्यक आहे. तसेच, उमेदवाराची अनिवार्य रोटेटिंग इंटर्नशिप पूर्ण झालेली असावी. स्पेशालिस्ट मेडिकल ऑफिसर पदाच्या उमेदवाराकडे संबंधित विषयात एमबीबीएस सोबतच पोस्ट ग्रॅज्युएट पदवी किंवा डिप्लोमा असणे गरजेचे आहे.

Brown University scholarship: १७ वर्षीय प्रणवची कमाल! अमेरिकेत मोफत शिक्षणासाठी मिळवली ३.५५ कोटींची स्कॉलरशिप

सुपर स्पेशालिस्ट मेडिकल ऑफिसर पदासाठी उमेदवाराकडे एमबीबीएस, संबंधित विषयातील पीजी पदवी आणि डीएम (DM) किंवा एम.सीएच (M.Ch) सारखी सुपर स्पेशालिटी पदवी असणे अनिवार्य आहे. तसेच सर्व उमेदवारांचे नॅशनल मेडिकल कमिशन (NMC) किंवा कोणत्याही राज्याच्या मेडिकल कौन्सिलमध्ये वैध नोंदणी (रजिस्ट्रेशन) असणे आवश्यक आहे.

वयोमर्यादा आणि निवड प्रक्रिया:

या भरतीत पदांनुसार वयोमर्यादा ठरवण्यात आली आहे. मेडिकल ऑफिसर पदासाठी कमाल वयोमर्यादा ३० वर्षे निश्चित करण्यात आली आहे. तर स्पेशालिस्ट आणि सुपर स्पेशालिस्ट मेडिकल ऑफिसर पदांसाठी कमाल वयोमर्यादा ५० वर्षे ठेवण्यात आली आहे. ITBP मेडिकल ऑफिसर भरती २०२६ चे सर्वात मोठे वैशिष्ट्य म्हणजे यात कोणतीही लिखित परीक्षा घेतली जाणार नाही. उमेदवारांच्या शैक्षणिक आणि व्यावसायिक कागदपत्रांची सर्वप्रथम छाननी केली जाईल. त्यानंतर पात्र उमेदवारांना पर्सनल इन्टरव्यूसाठी बोलावले जाईल, या टप्प्यात उमेदवारांची उंची, छाती आणि वजनाचे मोजमाप घेतले जाईल. शेवटी उमेदवारांना सैन्याच्या कडक वैद्यकीय मानदंडांची पूर्तता करावी लागेल.