sport quota recruitment
Sports Quota Recruitment 2026: इंडो-तिबेटीय सीमा पोलीस दलात (ITBP) क्रीडा कोटामार्फत कॉन्स्टेबल (जनरल ड्युटी) पदांच्या भरतीसाठी पात्र पुरुष आणि महिला भारतीय नागरिकांकडून ऑनलाइन अर्ज मागविण्यात आले आहेत. वर्ष २०२५ च्या या भरती मोहिमेत एकूण १२६ रिक्त जागा भरल्या जाणार आहेत. ऑनलाइन अर्ज प्रक्रिया ३ ऑक्टोबर २०२६ रोजी सुरू होणार असून १ नोव्हेंबर २०२६ रोजी रात्री ११:५९ वाजता बंद होईल.
या भरती अंतर्गत ॲथलेटिक्स, ॲक्वाटिक, आर्चरी, बॅडमिंटन, बास्केटबॉल, बॉक्सिंग, इक्वेस्ट्रियन, फुटबॉल, जिम्नॅस्टिक, हँडबॉल, आइस हॉकी, हॉकी, जुडो, खो-खो, पेनकॅक सिलत, पॉवरलिफ्टिंग, सेंट्रल स्की, स्पोर्ट्स शुटिंग, टेबल टेनिस, तायक्वांदो, व्हॉलीबॉल, वेटलिफ्टिंग, कुस्ती (रेसलिंग), केनोइंग, कायकिंग, रोइंग, एमटीबी सायकलिंग आणि कराटे यांसारख्या विविध क्रीडा प्रकारांमधील पदे भरली जाणार आहेत. एकूण १२६ जागांपैकी पुरुष उमेदवारांसाठी ७२ आणि महिला उमेदवारांसाठी ५४ जागा आरक्षित आहेत.
निवड झालेल्या उमेदवारांना ७ व्या वेतन आयोगानुसार वेतन मॅट्रिक्स लेव्हल-३ नुसार २१,७०० ते ६९,१०० रुपये इतके मूळ वेतन मिळेल. या पदांसाठी वयोमर्यादा १८ ते २३ वर्षे ठेवण्यात आली आहे. मात्र, गुणवंत खेळाडूंसाठी नियमानुसार उच्च वयोमर्यादेत ५ वर्षांपर्यंत (एससी/एसटी उमेदवारांसाठी १० वर्षांपर्यंत) सवलत दिली जाईल.
IAS Officer Salary: IAS बऱ्याच जणांचे स्वप्न! पण ट्रेनिंग काळात हातात किती पगार येतो?
अनारक्षित (UR), इतर मागासवर्गीय (OBC) आणि आर्थिकदृष्ट्या दुर्बल घटक (EWS) प्रवर्गातील पुरुष उमेदवारांसाठी १०० रुपये अर्ज शुल्क आहे, जे ITBP च्या अधिकृत वेबसाइटवरून भरता येईल. महिला, माजी सैनिक आणि अनुसूचित जाती (SC) व अनुसूचित जमाती (ST) प्रवर्गातील उमेदवारांना अर्ज शुल्कातून पूर्ण सूट देण्यात आली आहे. इच्छुक उमेदवारांनी सविस्तर माहितीसाठी आणि अर्ज करण्यासाठी (https://recruitment.itbpolice.nic.in) या अधिकृत संकेतस्थळाला भेट द्यावी.
.png "Videos"){kind=small}
