मंगळवार, 29 सप्टेंबर 2026
फोटो सौजन्य- सोशल मीडिया
सातव्या वेतन आयोगानुसार (7th Pay Commission), आयएएस अधिकारी जेव्हा प्रशिक्षण सुरू करतात, तेव्हा त्यांना लेव्हल-१० (Pay Level 10) नुसार पगार दिला जातो. त्यानुसार, प्रशिक्षण कालावधीत आयएएस अधिकाऱ्याचा मूळ पगार प्रतिमहिना ५६,१०० रुपये असतो.
जरी मूळ पगार ५६,१०० रुपये असला, तरी प्रत्यक्ष हातात मिळणारी रक्कम यापेक्षा थोडी वेगळी असते. अकॅडमीमध्ये (LBSNAA) ट्रेनिंग घेत असताना अधिकारी वर्गाला मेस बिल, हॉस्टेलचा खर्च आणि इतर देयके द्यावी लागतात. ही सर्व कपात केल्यानंतर, प्रशिक्षणार्थींच्या हातात साधारणपणे ३५,००० ते ४०,००० रुपये स्टायपेंड किंवा इन-हँड रक्कम मिळते.
जरी अकादमीतील वास्तव्य काळात काही कपाती होत असल्या, तरी सरकारकडून त्यांना राहण्याची उत्तम व्यवस्था, सुरक्षा, आणि इतर प्रशिक्षण विषयक सुविधा फ्री किंवा सवलतीच्या दरात दिल्या जातात.
एकदा अकादमीमधील प्रशिक्षण पूर्ण करून अधिकारी जेव्हा प्रत्यक्ष फिल्ड पोस्टिंगवर किंवा डिस्ट्रिक्ट ट्रेनिंगसाठी जातात, तेव्हा त्यांना मूळ पगारासोबत महागाई भत्ता (DA), घरभाडे भत्ता (HRA) आणि प्रवास भत्ता (TA) यांसारखे अतिरिक्त लाभ मिळण्यास सुरुवात होते, ज्यामुळे एकूण पगार वाढतो.
