Railway Recruitment 2026: प्रकल्पग्रस्तांसाठी मोठी संधी! कोकण रेल्वेमध्ये ‘या’ पदांसाठी बंपर भरती

Konkan Railway Recruitment 2026: कोकण रेल्वे कॉर्पोरेशन लिमिटेड (KRCL) ने विविध तांत्रिक आणि गैर-तांत्रिक श्रेणीतील एकूण २०१ रिक्त पदांसाठी अधिकृत रोजगार अधिसूचना जारी करण्यात आली आहे. या भरती प्रक्रियेसाठी ऑनलाईन अर्ज भरण्याची विंडो ऑगस्ट २०२६ च्या शेवटच्या आठवड्यात सुरू होईल, तर कॉम्प्युटर बेस्ड टेस्ट सप्टेंबर २०२६ मध्ये होणार आहे.

महत्त्वाचे निकष व पदे

या अधिसूचनेमध्ये ज्युनिअर इंजिनियर, सीनियर सेक्शन इंजिनियर, स्टेशन मास्टर, असिस्टंट लोको पायलट (ALP), गुड्स ट्रेन मॅनेजर आणि ट्रॅक मेंटेनर यांसारख्या विविध पदांचा समावेश आहे. अर्ज करण्यासाठी वयोमर्यादा ग्रुप ‘सी’ पदांसाठी १८ ते ३६ वर्षे आणि ट्रॅक मेंटेनर (ग्रुप ‘ड’) पदासाठी १८ ते ४५ वर्षे ठरवण्यात आली आहे. राखीव प्रवर्गातील उमेदवारांसाठी नियमानुसार उपरी वयोमर्यादेत सवलत दिली जाईल.

लाखो विद्यार्थ्यांची प्रतीक्षा संपली! CSIR UGC NET चा स्कोअर कार्ड आणि रँक जाहीर, कसा तपासाल तुमचा निकाल?

प्राधान्य आणि आरक्षण

भरतीमध्ये कोकण रेल्वे प्रकल्पासाठी जमीन गमावलेल्या प्रकल्पग्रस्तांना (Land Loser) प्रथम प्राधान्य दिले जाईल. त्यानंतर कोकण रेल्वे मार्गावरील रोजगार कार्यालयांमध्ये नोंदणीकृत उमेदवार आणि महाराष्ट्र, गोवा व कर्नाटकातील रहिवासी असलेल्या उमेदवारांचा विचार केला जाईल. केंद्र सरकारच्या नियमांनुसार एससी, एसटी, ओबीसी, ईडब्ल्यूएस, माजी सैनिक आणि दिव्यांग (PwBD) उमेदवारांसाठी व्हर्टिकल व हॉरिझॉन्टल आरक्षण लागू आहे.

परदेशी वैद्यकीय पदवीधारकांसाठी मोठी बातमी! FMGE Exam २०२६ चे वेळापत्रक जाहीर, ‘या’ तारखेपर्यंत करा अर्ज..

अर्ज शुल्क

सर्वसाधारण उमेदवारांसाठी परीक्षा शुल्क ११५० रुपये आकारले जाईल. अनुसूचित जाती, अनुसूचित जमाती, महिला, अल्पसंख्याक, आर्थिकदृष्ट्या मागास, माजी सैनिक आणि दिव्यांग उमेदवारांना परीक्षा शुल्क लागू असले, तरी त्यांनी मुख्य परीक्षा (CBT) दिल्यानंतर त्यांचे शुल्क नियमानुसार परत केले जाईल.

Secret agent: चित्रपटांसारखी नसते गुप्तहेरांची दुनिया! गुप्तचर यंत्रणेत एन्ट्री मिळवण्यासाठी काय आहे पात्रता?

उमेदवारांनी अर्ज करण्यासाठी व इतर सविस्तर माहितीसाठी कोकण रेल्वेच्या www.konkanrailway.com या अधिकृत संकेतस्थळाला भेट द्यावी.