शुक्रवार, 30 ऑक्टोबर 2026
फोटो सौजन्य- सोशल मीडिया
CSIR UGC NET June 2026 Result : सीएसआयआर यूजीसी नेट जून २०२६ च्या परीक्षेतील सहभागी झालेल्या उमेदवारांची प्रतीक्षा संपली आहे. नॅशनल टेस्टिंग एजन्सीने जॉइंट सीएसआयआर यूजीसी नेट जून २०२६ चा निकाल आणि रँक जाहीर केली आहे. परीक्षा दिलेले उमेदवार आता त्यांची गुणपत्रिका आणि रँक अधिकृत वेबसाइट csirnet.nta.nic.in वर जाऊन पाहू शकतात. निकालासोबतच उमेदवारांच्या वैयक्तिक कामगिरीची माहिती देखील जारी करण्यात आली आहे. यापूर्वी २९ ऑगस्ट रोजी परीक्षेचे गुण आणि अंतिम उत्तरतालिका जारी करण्यात आली होती, तर १० सप्टेंबरच्या उशिरा रात्री निकाल जाहीर करण्यात आला आहे.
जॉइंट सीएसआयआर यूजीसी नेट जून २०२६ परीक्षेचे आयोजन १७ आणि १८ जुलै २०२६ रोजी सीबीटी पद्धतीने करण्यात आले होते. ही परीक्षा पाच विषयांसाठी आयोजित करण्यात आली होती. यामध्ये लाइफ सायन्सेस, केमिकल सायन्सेस, फिजिकल सायन्सेस, अर्थ-एटमॉस्फेरिक-ओशन अँड प्लॅनेटरी सायन्सेस आणि मॅथेमॅटिकल सायन्सेस यांचा समावेश होता. या परीक्षेसाठी एकूण १,८७,७३९ उमेदवारांनी नोंदणी केली होती, तर त्यापैकी १,५०,०५७ उमेदवार परीक्षेत सहभागी झाले होते. या परीक्षेत पुरुषांच्या तुलनेत महिलांचा सहभाग जास्त होता.
आकडेवारीनुसार, १,११,२७४ महिलांनी नोंदणी केली होती, त्यापैकी ९०,३८० महिला परीक्षेत सहभागी झाल्या. तर ७६,४६३ पुरुषांनी नोंदणी केली आणि ५९,६७५ जणांनी परीक्षा दिली. याशिवाय थर्ड जेंडर प्रवर्गातील २ उमेदवारांनी नोंदणी केली होती आणि दोघेही परीक्षेत सहभागी झाले होते. सीएसआयआर यूजीसी नेट जून २०२६ परीक्षेचे आयोजन देशातील २२४ शहरांमध्ये करण्यात आले होते.
1. निकाल पाहण्यासाठी उमेदवार सर्वात प्रथम csirnet.nta.nic.in या अधिकृत वेबसाइटवर जा.
2. त्यानंतर होम पेजवर CSIR UGC NET जून २०२६ निकाल-स्कोरकार्डशी संबंधित लिंकवर क्लिक करा.
3. आता मागितलेली लॉगिन माहिती प्रविष्ट करून सबमिट करा.
BRICS Education: भविष्यातील रोजगाराचे गणित कसे बदलणार? जाणून घ्या ब्रिक्सचा नवा एजेंडा!
4. त्यानंतर स्क्रीनवर तुमचा निकाल आणि रँक दिसेल.
5. आता निकाल डाउनलोड करा आणि भविष्यातील वापरासाठी त्याची प्रिंट काढून ठेवा.
निकाल डाउनलोड केल्यानंतर उमेदवार त्यांच्या स्कोरकार्डमध्ये नाव, आई-वडिलांचे नाव, नोंदणी क्रमांक, परीक्षेचे नाव, मिळालेले गुण, एकूण गुण, रँक आणि निकालाची स्थिती यांसारखी माहिती पाहू शकतात. उमेदवारांना सल्ला देण्यात आला आहे की त्यांनी स्कोरकार्डची डिजिटल प्रत आणि प्रिन्ट आऊट सुरक्षित ठेवावी, कारण पुढील फेलोशिप प्रवेश किंवा शैक्षणिक प्रक्रियेत याची आवश्यकता भासू शकते.
CSIR UGC नेट जून २०२६ शी संबंधित कोणत्याही स्पष्टीकरणासाठी उमेदवार 011-40759000 किंवा 011-69227700 वर संपर्क साधू शकतात. याशिवाय csirnet@nta.ac.in या ईमेलद्वारे देखील माहिती मिळवता येऊ शकते. उमेदवारांना पुढील कोणत्याही माहितीसाठी NTA च्या अधिकृत वेबसाइटवर अपडेट पाहण्याचे आवाहनही करण्यात आले आहे.
