11th Admission: अकरावी प्रथम फेरीअंतर्गत प्रवेशाकरिता शेवटचे दोन दिवस बाकी; कॅप अंतर्गत ‘इतके’ प्रवेश निश्चित 

पुणे: राज्यात अकरावी प्रत्यक्ष प्रवेश घेतलेल्या विद्यार्थ्यांची संख्या शनिवार (दि. ५) अखेर ४ लाख ४५ हजार ९१६ इतकी आहे. यापैकी ३ लाख ७१ हजार ४८४ विद्यार्थ्यांनी कॅप अंतर्गत प्रवेश केला असून, ७४ हजार ४३२ विद्यार्थ्यांनी कोटा अंतर्गत प्रवेश घेतला आहे. प्रवेश निश्चित करण्याची अंतिम मुदत ७ जुलै, म्हणजेच शेवटचे दोन दिवस बाकी आहेत. उर्वरित विद्यार्थ्यांनी मुदतीच्या आत प्रवेश प्रक्रिया पूर्ण करावी. अशे आव्हान शिक्षण संचालक डॉ. महेश पालकर यांनी केले.

यंदा प्रथमच संपूर्ण राज्यात केंद्रीय आणि ऑनलाइन पद्धतीने अकरावी प्रवेश प्रक्रिया राबविली जात आहे. यामध्ये एकूण नऊ हजार ४३५ कनिष्ठ महाविद्यालयांच्या एकूण १९ हजार ३२४ शाखा आहेत. कॅप प्रथम फेरीअंतर्गतची निवड यादी दि. १८ जून रोजी घोषित झाली आहे. यंदा कनिष्ठ महाविद्यालयांच्या ९०२० शाखांमध्ये त्यांच्या क्षमतेपेक्षा जास्त प्रवेश अर्ज आले असून, उर्वरित १० हजार ३०४

 नियमित फेरी-२ मधील अर्जाचा भाग-२ पसंतीक्रम देण्याची सुविधा दि. १० ते १३ जुलै दरम्यान उपलब्ध करून देण्यात येणार आहे. याचबरोबर ज्या कनिष्ठ महाविद्यालयांना नोंदणी करावयाची आहे, त्यांच्यासाठी संबंधित विभागीय शिक्षण उपसंचालक स्तरावर दि. २ ते ७ जुलै दरम्यान सुविधा उपलब्ध करून देण्यात आली आहे. शाखांमध्ये प्रवेश क्षमतेपेक्षा कमी अर्ज आले आहेत.

चौकट

नवीन अर्जासाठी सोमवारपर्यंत मुदत

नवीन विद्यार्थी नोंदणी आणि अर्जचा भाग-१ भरणे, त्याचबरोबर नियमित फेरी १ मध्ये नोंदणी अपूर्ण असलेल्या विद्यार्थ्यांसाठी अर्जाचा भाग-१ भरण्याची सुविधा संकेतस्थळावर बुधवारी (दि. २) सकाळी १० ते सोमवारी (दि. ७) सायंकाळी ५ वाजेपर्यंत कालावधी देण्यात येत आहे.

विभाग. कॅप प्रवेश 

अमरावती. ४२९४६

छं. संभाजीनगर ४५६६२

कोल्हापूर. ३६८२०

लातूर. २५२३१

मुंबई. ६१२६६

नागपूर. ४७७५६

नाशिक. ४६५१८

पुणे. ६५२८५

एकूण- ३७१४८४

11th Admission: इन-हाऊस कोट्यातील नव्या नियमांमुळे ग्रामीण व गरीब विद्यार्थ्यांच्या अडचणीत वाढ; नेमके काय आहे प्रकरण?

इन-हाऊस कोट्यातील नव्या नियमांमुळे ग्रामीण व गरीब विद्यार्थ्यांच्या अडचणीत वाढ

इयत्ता ११ वी प्रवेश प्रक्रियेतील इन-हाऊस कोट्यासंदर्भातील नव्या सुधारीत नियमांमुळे ग्रामीण आणि आर्थिकदृष्ट्या दुर्बल घटकातील विद्यार्थ्यांना त्यांच्या मूळ संस्थेच्या कनिष्ठ महाविद्यालयात प्रवेश घेणे कठीण झाले आहे. यामुळे विद्यार्थ्यांच्या शैक्षणिक हक्कांवर प्रतिकूल परिणाम होत असल्याचे सांगत प्रोग्रेसिव्ह एज्युकेशन सोसायटीचे अध्यक्ष डॉ. गजानन एकबोटे यांनी हा नियम तात्काळ रद्द करून पूर्वीच्या नियमांप्रमाणे प्रवेश प्रक्रिया राबवण्याची मागणी शालेय शिक्षणमंत्री दादा भुसे,  उपसंचालक, उच्च माध्यमिक, पुणे विभाग, आणि शिक्षणाधिकारी (माध्यमिक), पुणे जिल्हा परिषद, पुणे. यांच्याकडे केली आहे.

Web Title: Last two days left for admission under the first round of 11th career education marathi news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com