फोटो सौजन्य - Social Media
राज्यातील पोलीस दलात पोलीस उपनिरीक्षक (पीएसआय) पद महत्त्वाचे असून त्याला मोठी प्रतिष्ठा आहे. सामान्यतः पीएसआय पद मिळवण्यासाठी उमेदवार महाराष्ट्र लोकसेवा आयोगाच्या स्पर्धा परीक्षेद्वारे सरळ सेवा घेतात. परंतु, स्पर्धा परीक्षेत यश मिळाले नाही, तर सेवेतील पोलीस शिपायांना विभागीय परीक्षेद्वारे पीएसआय पद मिळवण्याची संधी असते. आता राज्य शासनाने पुन्हा एकदा मर्यादित विभागीय परीक्षा सुरू करण्याचा निर्णय घेतला असून, सेवेतील पोलीस शिपायांना पीएसआय पदावर जाण्याची संधी उपलब्ध झाली आहे.
पुढील नियमानुसार पोलीस उपनिरीक्षक संवर्गातील पदे भरण्यात येणार आहेत:
या निर्णयामुळे अनुभवी पोलीस शिपायांचा अनुभव पीएसआय पदावर कार्यरत असताना प्रभावीपणे उपयोगात येईल. संवेदनशील पोलीस ठाण्यांमध्ये शांतता प्रस्थापित करण्यासाठी अनुभवी शिपायांचे योगदान महत्त्वाचे ठरेल.
मर्यादित विभागीय परीक्षेसाठी पात्र उमेदवार:
पोलीस शिपाई, पोलीस नाईक, पोलीस हवालदार, सहाय्यक पोलीस उपनिरीक्षक पदावर कार्यरत असलेले कर्मचारी
शैक्षणिक पात्रता:
परीक्षेसाठी अर्ज करताना उमेदवाराविरुद्ध कोणतीही विभागीय चौकशी किंवा फौजदारी कारवाई सुरु नसावी. कार्यरत कार्यालयातून प्रमाणपत्र सादर करणे आवश्यक आहे. मर्यादित विभागीय स्पर्धा परीक्षेत लेखी परीक्षा व शारीरिक चाचणी यांचा समावेश असेल. गुण महाराष्ट्र लोकसेवा आयोगाद्वारे निश्चित केले जातील. लेखी परीक्षा आणि शारीरिक चाचणीत मिळालेल्या गुणांची बेरीज करून अंतिम गुणवत्ता यादी तयार केली जाईल. या परीक्षेद्वारे सेवेतील पोलीस शिपायांना पोलीस उपनिरीक्षक होण्याची महत्त्वाची आणि सुवर्णसंधी मिळणार आहे, ज्यामुळे अनुभवी कर्मचाऱ्यांचा योग्य उपयोग होईल आणि राज्यातील कायदा व सुव्यवस्था प्रभावीपणे सांभाळता येईल.
