Medical Admission : MBBS, BDS च्या दुसऱ्या फेरीत ९,२६५ प्रवेश निश्चित; १,९३१ जागा अद्याप रिक्त

Maharashtra Medical Admission 2026 CAP Round 2 Result : महाराष्ट्र राज्य सामाईक प्रवेश परीक्षा कक्षातर्फे शैक्षणिक वर्ष २०२६-२७ च्या प्रवेशासाठी वैद्यकीय शिक्षणाच्या अंतर्गत असलेल्या एमबीबीएस व बीडीएस पदवी अभ्यासक्रमाच्या राज्याच्या कोट्यांतर्गत केंद्रीभूत प्रवेश झाले आहेत.

• एमबीबीएस अन् बीडीएसच्या दुसऱ्या फेरीत ९ हजार २६५ विद्यार्थ्यांचे झाले प्रवेश
• एमबीबीएसचे ८८.९३ टक्के तर बीडीएसचे ६२.४७ टक्के प्रवेश झाले
• अजूनही १ हजार ९३१ जागा रिक्त
• तिसऱ्या फेरीचे वेळापत्रक जाहीर

सोनाजी गाढवे / नवराष्ट्र पुणे

Maharashtra Medical Admission 2026 CAP Round 2 Result : महाराष्ट्र राज्य सामाईक प्रवेश परीक्षा कक्षातर्फे शैक्षणिक वर्ष २०२६-२७ च्या प्रवेशासाठी वैद्यकीय शिक्षणाच्या अंतर्गत असलेल्या एमबीबीएस व बीडीएस पदवी अभ्यासक्रमाच्या राज्याच्या कोट्यांतर्गत केंद्रीभूत प्रवेश प्रक्रियेच्या दुसऱ्या फेरीत दोन्ही अभ्यासक्रमाच्या ११ हजार १९६ जागा उपलब्ध होत्या. त्यापैकी ९ हजार २६५ म्हणजे ८२.७५ टक्के विद्यार्थ्यांनी प्रवेश घेतले आहेत. तर १ हजार ९३१ जागा रिक्त आहेत, या जागा तिसऱ्या फेरीसाठी उपलब्ध आहेत.

राज्यात एमबीबीएस या अभ्यासक्रमाच्या प्रवेशाच्या दुसऱ्या फेरीत ८ हजार ५७९ जागांपैकी ७ हजार ६३० म्हणजे ८८.९३ टक्के विद्यार्थ्यांचे प्रवेश झाले आहेत. यामध्ये राज्यात ४२ शासकीय वैद्यकीय महाविद्यालयात एमबीबीएसच्या ४९८० जागा आहेत. या पैकी ४८२५ म्हणजे ९६.८८ टक्के विद्यार्थ्यांचे प्रवेश झाले आहेत व १५५ जागा रिक्त आहेत. तर २३ खासगी वैद्यकीय महाविद्यालयात एमबीबीएसच्या ३१४९ जागा आहेत.

या पैकी २ हजार ६२५ विद्यार्थ्यांचे प्रवेश झाले आहेत व ५२४ जागा रिक्त आहेत. तसेच २ खासगी वैद्यकीय विद्यापीठात एमबीबीएसच्या ४५० जागा आहेत. या पैकी १८० विद्यार्थ्यांचे प्रवेश झाले आहेत व २७० जागा रिक्त आहेत. असे राज्यात ६७ वैद्यकीय महाविद्यालयात व विद्यापीठात एकूण एमबीबीएसच्या ८ हजार ५७९ जागा आहेत. यापैकी ७ हजार ६३० विद्यार्थ्यांचे प्रवेश झाले आहेत व ९४९ जागा रिक्त आहेत.

UDISE Plus Student Registration: शाळांसाठी मोठी अपडेट! यु-डायस प्लसमध्ये विद्यार्थ्यांच्या नोंदणीला ‘या’ तारखेपर्यंत मुदतवाढ

बीडीएसच्या अभ्यासक्रमाला ६२.४७ टक्के विद्यार्थ्यांचे प्रवेश निश्चित

बीडीएस या अभ्यासक्रमाच्या प्रवेशाच्या दुसऱ्या फेरीत २ हजार ६१७ जागांपैकी १ हजार ६३५ म्हणजे ६२.४७ टक्के विद्यार्थ्यांचे प्रवेश झाले आहेत. यामध्ये राज्यात ५ शासकीय वैद्यकीय महाविद्यालयात बीडीएस च्या ३१७ जागा आहेत.

Training Correction: शिक्षकांसाठी महत्त्वाची बातमी! वरिष्ठ व निवड वेतनश्रेणी प्रशिक्षणातील चुका दुरुस्तीची ‘या’ तारखेपर्यंत संधी

यापैकी २५४ विद्यार्थ्यांचे प्रवेश झाले आहेत व ६३ जागा रिक्त आहेत. तर २३ खासगी वैद्यकीय महाविद्यालयात बीडीएसच्या २२०० जागा आहेत. यापैकी १३४६ विद्यार्थ्यांचे प्रवेश झाले आहेत व ८५४ जागा रिक्त आहेत. व एका खासगी वैद्यकीय विद्यापीठात बीडीएसच्या १०० जागा आहेत. यापैकी ३५ विद्यार्थ्यांचे प्रवेश झाले आहेत व ६५ जागा रिक्त आहेत. सध्या राज्यात २९ वैद्यकीय महाविद्यालयात व विद्यापीठात एकूण बीडीएसच्या २६१७ जागा आहेत. यापैकी १६३५ विद्यार्थ्यांचे प्रवेश झाले आहेत व ९८२ जागा रिक्त आहेत.

प्रवेश प्रक्रिया