बुधवार, 23 सप्टेंबर 2026
फोटो सौजन्य- सोशल मीडिया
वरिष्ठ अन् निवड वेतनश्रेणी प्रशिक्षणासाठी पात्र शिक्षकांना एप्रिल व मे २०२६ तसेच ९ ते २० सप्टेंबर २०२६ या कालावधीत नावनोंदणीची सुविधा उपलब्ध करून देण्यात आली होती. नावनोंदणी करताना काही पात्र प्रशिक्षणार्थ्यांकडून प्रशिक्षणाचा प्रकार किंवा प्रशिक्षण गट निवडताना चुका झाल्याचे निदर्शनास आले. त्यामुळे राज्य शैक्षणिक संशोधन व प्रशिक्षण परिषद, महाराष्ट्र, पुणे यांच्याकडून दुरुस्तीची सुविधा उपलब्ध करून देण्यात आली आहे.
संबंधित शिक्षकांनी परिषदेच्या संकेतस्थळावरील ‘प्रशिक्षणे’ मेनूमधील ‘वरिष्ठ व निवड श्रेणी प्रशिक्षण’ टॅबमधील लिंकद्वारे आवश्यक दुरुस्ती करावी. मात्र, ज्यांची नावनोंदणी अचूक झाली आहे, त्यांनी कोणताही बदल करू नये. ही दुरुस्तीची अंतिम संधी असून, त्यानंतर पुन्हा संधी दिली जाणार नसल्याचे स्पष्ट करण्यात आले आहे.
ही सूचना आपल्या कार्यक्षेत्रातील शिक्षकांपर्यंत पोहोचवावी, अशा सूचना संबंधित शिक्षण विभागाच्या अधिकाऱ्यांना देण्यात आल्या आहेत.
MPSC गट ‘ब’ नियुक्तीला अचानक ब्रेक! SIT चौकशीचा निष्पाप उमेदवारांना फटका?
