Maharashtra School Diwali Holidays 2026: शाळांच्या दिवाळी सुट्ट्या जाहीर! ‘या’ तारखेपर्यंत शाळा राहणार बंद

Maharashtra School Diwali Holidays 2026: राज्यातील शाळांना २ ते १४ नोव्हेंबर २०२६ दरम्यान दिवाळीची दीर्घ सुट्टी जाहीर करण्यात आल्या आहेत. शिक्षण विभागाचे शैक्षणिक वर्ष २०२६-२७ चे सुधारित वेळापत्रक व सुट्ट्यांची माहिती जाणून घेण्यासाठी एकदा वाचा.

• प्राथमिक माध्यमिक आणि उच्च माध्यमिक शाळांना दिवाळीच्या सुट्ट्या जाहीर
• २ नोव्हेंबर २०२६ ते १४ नोव्हेंबर २०२६ या कालावधीत दिवाळीची दीर्घ सुट्टी असणार
• शैक्षणिक सुट्टया ७६ दिवसांपेक्षा जास्त होणार नाहीत याची काळजी शिक्षणविभागाने घेतली

Maharashtra School Diwali Holidays 2026: आता दसरा संपला असून दिवाळीची दीर्ध सुट्टी जाहीर झाली आहे. राज्यातील सर्व मान्यताप्राप्त प्राथमिक, माध्यमिक व उच्च माध्यमिक शाळांच्या दिवाळीच्या सुट्ट्यांचे अधिकृत वेळापत्रक शिक्षण विभागाकडून जाहीर करण्यात आले आहे. शैक्षणिक वर्ष २०२६-२७ साठी माध्यमिक शिक्षण विभागाने प्रसिद्ध केलेल्या परिपत्रकानुसार, राज्यातील शाळांना २ नोव्हेंबर २०२६ ते १४ नोव्हेंबर २०२६ या कालावधीत दिवाळीची दीर्घ सुट्टी जाहीर करण्यात आली आहे.

MBA Specializations: पदवीनंतर कोणते एमबीए स्पेशलायझेशन करिअरसाठी बेस्ट? जाणून घ्या एका क्लिकवर..

सत्राचे नियोजन आणि कालावधी:

माध्यमिक शाळा संहितेनुसार चालू शैक्षणिक वर्षातील प्रथम सत्र १५ जून २०२६ ते ३१ अक्टूबर २०२६ पर्यंत असणार आहे. दिवाळीची सुट्टी संपल्यानंतर १६ नोव्हेंबर २०२६ रोजी शाळांचे दुसरे सत्र सुरू होईल, जे १ मे २०२७ पर्यंत चालणार आहे. त्यानंतर ३ मे २०२७ ते १४ जून २०२७ या कालावधीत उन्हाळी सुट्टी जाहीर करण्यात आली आहे.

Sleeping State of India: भारतातील ‘या’ राज्याला का म्हणतात ‘स्लीपिंग स्टेट’? जाणून घ्या

नियमावली आणि निर्देश:

शिक्षण विभागाने स्पष्ट केले आहे की, संपूर्ण शैक्षणिक वर्षातील सर्व प्रकारच्या एकूण सुट्ट्या ७६ दिवसांपेक्षा जास्त होणार नाहीत, याची दक्षता प्रत्येक शाळेने घेणे बंधनकारक आहे. या नियोजनामुळे विद्यार्थी व शिक्षकांना दिवाळीचा सण आनंदात साजरा करता येणार असून, त्यानंतर लगेचच शैक्षणिक कामकाजाचे दुसरे सत्र उत्साहात सुरू होईल.