Central Govt Employees Diwali Bonus: केंद्रीय कर्मचाऱ्यांसाठी खुशखबर, सरकारने जाहीर केला 30 दिवसांचा बोनस, खात्यात येणार इतके पैसे

Central Govt Employees Diwali Bonus: केंद्र सरकारने आर्थिक वर्ष 2025-26 साठी पात्र कर्मचाऱ्यांना 30 दिवसांचा अ‍ॅड-हॉक बोनस मंजूर केल्याची माहिती वृत्तात देण्यात आली आहे. वित्त मंत्रालयाच्या व्यय विभागाने 15 ऑक्टोबर 2026 रोजी यासंदर्भात पत्र जारी केले.

• आर्थिक वर्ष 2025-26 साठी 30 दिवसांचा अ‍ॅड-हॉक बोनस मंजूर.
• बोनससंदर्भातील पत्र 15 ऑक्टोबर 2026 रोजी जारी.
• बोनसची गणना दरमहा 7,000 रुपये या आधारावर होणार.

Central Govt Employees Diwali Bonus: केंद्र सरकारमध्ये काम करणाऱ्या कर्मचाऱ्यांसाठी एक आनंदाची बातमी आहे. पंतप्रधान नरेंद्र मोदी सरकारने आर्थिक वर्ष 2025-26 साठी बोनस देण्याचा निर्णय घेतला. यावेळी सरकारने 30 दिवसांचा नॉन-प्रॉडक्टिव्हिटी लिंक्ड म्हणजेच अ‍ॅड-हॉक बोनस मंजूर केला असून याचा थेट फायदा लाखो कर्मचाऱ्यांना होणार आहे. Central Govt Employees Diwali Bonus:

वित्त मंत्रालयाच्या खर्च विभागाने म्हणजेच व्यय विभागाने 15 ऑक्टोबर 2026 रोजी याबाबतचे अधिकृत पत्र काढले आहे. या पत्रात सांगितले आहे की, या बोनसला राष्ट्रपतींची मंजुरी मिळाली. त्यामुळे आता लवकरच कर्मचाऱ्यांच्या खात्यात बोनसचे पैसे जमा होणार आहेत.

बोनसची गणना कशी होणार?

सगळ्यांना एक प्रश्न पडला असेल की किती बोनस मिळणार. तर सरकारने यासाठी एक नियम ठेवला आहे. बोनसची गणना 7000 रुपये महिना या हिशोबाने केली जाणार आहे. याचा अर्थ तुमचा पगार कितीही जास्त असला तरी बोनससाठी 7000 रुपयेच धरले जातील.या हिशोबाने जर पाहिले तर 30 दिवसांसाठी जास्तीत जास्त 6,908 रुपये बोनस मिळेल. जर तुमचा सरासरी पगार 7000 रुपयांपेक्षा कमी असेल, तर तुम्हाला त्याप्रमाणात कमी बोनस मिळेल.

उदाहरण द्यायचे झाले तर, फॉर्म्युला असा आहे – सरासरी पगार गुणिले 30 भागिले 30.4. जर 7000 धरले तर 7000 x 30 / 30.4 = 6907.89 म्हणजेच 6908 रुपये.

Diwali Bonus 2025-26: दिवाळीआधी कर्मचाऱ्यांची बल्ले-बल्ले! थेट …

कोणाला मिळणार हा बोनस?

सरकारने कर्मचाऱ्यांचे ग्रुप A, B, C, D असे गट केले आहेत. त्यात सगळ्यांनाच हा बोनस मिळणार नाही.ग्रुप C मधील कर्मचाऱ्यांना याचा पूर्ण फायदा मिळणार आहे. ग्रुप C मध्ये कोण येतो? तर क्लर्क, हेड क्लर्क, टायपिस्ट, असिस्टंट आणि मल्टी-टास्किंग स्टाफ म्हणजेच MTS कर्मचारी. यांना 100 टक्के बोनस मिळेल.ग्रुप B मधील कर्मचाऱ्यांमध्ये फक्त नॉन-गॅझेटेड कर्मचाऱ्यांना हा बोनस मिळेल. जे सिनियर असिस्टंट आहेत किंवा सुपरवायझर आहेत, त्यांना लाभ होईल.

कर्मचाऱ्यांना लॉटरी… दिवाळीपूर्वी मिळणार तब्बल 60 दिवसांचा घसघशीत …

पण ग्रुप A आणि ग्रुप B मधील जे मोठे गॅझेटेड अधिकारी आहेत, त्यांना हा बोनस मिळणार नाही. त्यांना या योजनेतून वगळण्यात आले आहे.त्यामुळे सर्वसामान्य कर्मचारी वर्गात सध्या आनंदाचे वातावरण आहे. दिवाळीच्या तोंडावर आलेल्या या निर्णयामुळे कर्मचाऱ्यांना मोठा दिलासा मिळाला आहे.