महाराष्ट्र राज्य सुरक्षा महामंडळात भरती, उमेदवारांनी तात्काळ करा अर्ज

महाराष्ट्र राज्य सुरक्षा महामंडळ अंतर्गत राज्यातील विविध ठिकाणी विविध शासकीय पदांसाठी भरतीप्रक्रिया सुरु करण्यात आली आहे.  ही भरतीप्रक्रिया ऑफलाईन स्वरुपाची असून याची अर्जप्रक्रिया सुरु झाली आहे. जाणून घ्या या भरतीविषयी

सरकारी नोकरीच्या शोधात असणाऱ्यांसाठी सुवर्णसंधी,  महाराष्ट्र राज्य सुरक्षा महामंडळ अंतर्गत राज्यातील विविध ठिकाणी विविध शासकीय पदांसाठी भरतीप्रक्रिया सुरु करण्यात आली आहे.  ही भरतीप्रक्रिया ऑफलाईन स्वरुपाची असल्याने उमेदवाराने 11 ऑक्टोबरपर्यंत अर्ज पाठवायचे आहेत. जाणून घेऊया या भरतीविषयी

पदे आणि जागा

सुरक्षा पर्यवेक्षक अधिकारी – एकूण 19 जागा

शैक्षिणक पात्रता

सुरक्षा पर्यवेक्षक पदासाठी महाराष्ट्र राज्य पोलीस दलातून अथवा राज्य राखीव पोलीस बलातून पोलीस निरीक्षक सहायक पोलीस निरीक्षक या पदावर सेवानिवृत्त झालेल्या अधिकारी, शैक्षणिक पात्रता मान्यता प्राप्त विद्यापीठातून कोणत्याही शाखेतील पदवी उत्तीर्ण.

वेतन

निवड झालेल्या उमेदवारांना किमान 35000 ते कमाल 45000 रुपये एवढे दर महा वेतन दिले जाणार आहे.

अर्ज प्रक्रिया

इच्छुक आणि पात्र उमेदवारांनी जाहिरातीमध्ये दिलेल्या नमुन्यात अर्ज सादर करायचे  आहेत.

उमेदवाराने अर्ज पोस्टाने किंवा प्रत्यक्ष सादर करणे आवश्यक असेल.

अर्ज सादर करण्याची शेवटची तारीख

उमेदवारांना 11 ऑक्टोबर 2024 संध्याकाळी 06 वाजेपर्यंत अर्ज सादर करता येईल

अर्ज पाठवण्याचा पत्ता 

पोलीस महासंचालक तथा व्यवस्थापकीय संचालक, महाराष्ट्र राज्य सुरक्षा महामंडळ मुंबई, सेंटर-1 ,32 मजला, वर्ल्ड ट्रेड सेंटर, कफ परेड, मुंबई -400 005

निवड प्रक्रिया 

प्राप्त झालेल्या उमेदवाऱ्यांच्या अर्जाची पडताळणी केली जाणार आहे. त्यानंतर पात्र उमेदवारांना मुलाखतीसाठी बोलावण्यात येईल.

मुलाखतीचे स्थळ

पोलीस महासंचालक तथा व्यवस्थापकीय संचालक, महाराष्ट्र राज्य सुरक्षा महामंडळ, मुंबई, सेंटर एक, 32 मजला, वर्ल्ड ट्रेड सेंटर, कफ परेड, मुंबई 400 005

मुलाखतीसाठी सादर करायची कागदपत्रे 

वैयक्तिक माहिती, शैक्षणिक प्रमाणपत्रे,  निवृत्तीवेतन पुस्तिकेचे प्रत, सेवानिवृत्त प्रमाणपत्र, फोटो, आधार कार्ड, पॅन कार्ड,मागील पाच वर्षाचे एसीआर इत्यादी सादर करावे लागतील.

उमेदवारासाठी महत्त्वाच्या सूचना

• उमेदवारांच्या प्राप्त अर्जानुसार मुलाखतीसाठी बोलवण्यात येणाऱ्या उमेदवारांची यादी तयार करण्यात येईल. उमेदवारांना मुलाखतीची वेळ दिनांक याबाबत भ्रमणध्वनी द्वारे कळवण्यात येईल.
• उमेदवारांना मुलाखतीसाठी  स्वखर्चाने हजर राहावे लागेल.
• मुलाखत अनुभव इत्यादीवर आधारित उमेदवारांची नामिका सुचित तयार करण्यात येईल आणि महामंडळात उपलब्ध जागेनुसार या सूची मधील गुणानुक्रम विचारात घेऊन नियुक्ती दिली जाईल.
• ही दिली गेलेली नियुक्ती ही करार पध्दतीने असणार आहे.
• सदर निवड प्रक्रिया कोणत्याही वेळी, कोणत्याही कारणास्तव, कोणत्याही टप्प्यावर पूर्णता किंवा अंशतः रद्द करण्याचा फेरबदल करण्याचा अधिकार महाराष्ट्र राज्य सुरक्षा महामंडळ मुंबई यांच्याकडे राखून ठेवलेला आहे.

अधिक माहितीसाठी जाहिरात पाहा. जाहिरातीसाठी इथे क्लिक करा.