मराठा समाजातील विद्यार्थ्यांच्या अडचणी दूर होणार! मुख्यमंत्री एकनाथ शिंदेंचा मोठा निर्णय

मुख्यमंत्री एकनाथ शिंदे यांनी 2024 -25 मध्ये अभियांत्रिकी, वैद्यकीय आणि इतर व्यावसायिक अभ्यासक्रमांना विविध शैक्षणिक संस्थांमध्ये प्रवेश घेतलेल्या विद्यार्थांना जात वैधता प्रमाणपत्र सादर करण्यासाठी सहा महिन्याची मूदतवाढ दिली आहे. यामुळे मराठा समाजाच्या मुलांना दिलासा मिळाला आहे.

मुख्यमंत्री एकनाथ शिंदे यांनी विद्यार्थ्यांना दिलासा देणारा मोठा निर्णय घेतला आहे. 2024 -25 मध्ये अभियांत्रिकी, वैद्यकीय आणि इतर व्यावसायिक अभ्यासक्रमांना विविध शैक्षणिक संस्थांमध्ये प्रवेश घेतलेल्या विद्यार्थांना जात वैधता प्रमाणपत्र सादर करण्यासाठी अर्ज केल्याच्या दिनांकापासून सहा महिन्याच्या कालावधीपर्यंत मुदत देण्याचा निर्णय घेतला आहे. त्यामुळे आता विशेषत: मराठा समाजाच्या विद्यार्थ्यांना प्रमाणपत्र मिळण्यात येणाऱ्या अडचणीही दूर होणार आहेत.

जात प्रमाणपत्र हे विद्यार्थ्यांसाठी अत्यंत महत्वाचे दस्ताऐवज आहे.  ज्याआधारे शासनाच्या स्कोलरशीप आणि फ्रीशीपसाठी योजनांचा लाभ विद्यार्थ्यांना घेता येतो. शासनाने कुंणबी नोद असलेल्या मराठा समाजाच्या सग्यासोयऱ्यांना कुणबी जात प्रमाणपत्र देण्याचा निर्णय घेतला आहे. त्यानुसार मराठा समाजातील विद्यार्थी अर्ज करत आहेत मात्र त्यांना जात प्रमाणपत्र मिळण्यास अडचणी येत आहेत. ज्यामुळे अशा विद्यार्थ्यांचे प्रवेश रखडले आहेत. यासाठी मुख्यमंत्री एकनाथ शिंदे यांनी केलेली घोषणा महत्वाची ठरत आहे.