recruitment
MRRDA Pune Recruitment 2026: महाराष्ट्र शासन, प्रधानमंत्री ग्रामसडक योजना आणि महाराष्ट्र ग्रामीण रस्ते विकास संस्था (MRRDA), पुणे यांच्या वतीने करार पद्धतीने विवक्षित कामांसाठी पात्र सेवानिवृत्त उप अभियंता आणि कार्यकारी अभियंता पदांसाठी अर्ज मागविण्यात येत आहेत. तरी इच्छुक आणि पात्र सेवानिवृत्त अभियंत्यांनी या भरतीचा लाभ घ्यावा.
भरतीचा तपशील पाहता, कार्यकारी अभियंता या १ जागेसाठी ही भरती असून, कार्यालयाकडे प्राप्त विविध योजनांचे प्रकल्प अहवाल, निविदा मुदतवाढ इत्यादी प्रस्तावांची छाननी व कार्यालय प्रमुखांनी सोपवलेली अनुषंगिक कामे हे या पदाचे स्वरूप असेल. मा. मुख्य अभियंता, मुख्यमंत्री ग्रामसडक योजना, महाराष्ट्र ग्रामीण रस्ते विकास संस्था, पुणे कार्यालय येथे ही नियुक्ती असणार आहे.
या पदासाठी काही महत्त्वाच्या अटी व पात्रता निश्चित करण्यात आल्या आहेत. यामध्ये विवक्षित कामासाठी लागणारी कमाल वयोमर्यादा ६५ वर्ष इतकी आहे. उमेदवाराकडे मंत्रालयीन कामकाज तसेच रस्ते व पूल बांधकामाचा किमान ३ वर्षांचा अनुभव असावा. तसेच प्रधानमंत्री ग्रामसडक योजनेअंतर्गत कार्यकारी अभियंता या पदावर किमान ३ वर्षांचा अनुभव असलेल्या व्यक्तीस प्राधान्य दिले जाईल.
याशिवाय, अभियांत्रिकी शाखेतील पदव्युत्तर (Post Graduation) पदवी असल्यास आणि Indian Road Congress (IRC) / Institution of Engineers (India) (IEI) यांची सदस्यता किंवा Chartered Engineer (MIE) असल्यास प्राधान्य देण्यात येईल. इच्छुकांनी अर्जासोबत जिल्हा शल्य चिकित्सक यांचे शारीरिक व मानसिक आरोग्याच्या दृष्टीने सक्षम असल्याबाबतचे प्रमाणपत्र जोडणे बंधनकारक आहे.
AI study app: कोडिंग न येताही विद्यार्थिनीने बनवले AI स्टडी ॲप, अवघ्या ३ दिवसांत कमावले लाखो रुपये
इच्छुक व पात्र सेवानिवृत्त अभियंत्यांनी आपले अर्ज दिनांक १४/०९/२०२६ रोजी सायंकाळी ५.०० वाजेपर्यंत बंद पाकिटात “कार्यकारी अभियंता, प्रधानमंत्री ग्रामसडक योजना, महाराष्ट्र ग्रामीण रस्ते विकास संस्था, अण्णासाहेब मगर बिल्डिंग, पहिला मजला, गुलटेकडी, मार्केटयार्ड, पुणे – ४११०३७” या पत्त्यावर सादर करावेत.
.png "Videos"){kind=small}
