आरआरबी एनटीपीसी पदभरती 2025: रेल्वे खात्यात मोठी भरती संधी!

भारतीय रेल्वे भरती मंडळाने (RRB) CEN 06/2025 आणि 07/2025 अंतर्गत एकूण 8858 NTPC पदांसाठी (पदवीधर व पदवीपूर्व) भरतीची घोषणा केली आहे.

फोटो सौजन्य - Social Media

Follow Us:

Follow Us:

भारतीय रेल्वे मंत्रालयाच्या अंतर्गत असलेल्या रेल्वे भरती मंडळा (RRB) तर्फे CEN क्रमांक 06/2025 आणि 07/2025 अंतर्गत एनटीपीसी (Non-Technical Popular Categories) भरतीसाठी अधिसूचना प्रसिद्ध करण्यात आली आहे. या भरतीद्वारे पदवीधर तसेच पदवीपूर्व स्तरावरील उमेदवारांसाठी हजारो पदे उपलब्ध करून देण्यात आली आहेत. यामध्ये स्टेशन मास्टर, गुड्स ट्रेन मॅनेजर, कमर्शियल क्लर्क, अकाउंट्स क्लर्क, टायपिस्ट, ट्रॅफिक असिस्टंट अशा विविध पदांचा समावेश आहे. रेल्वे सेवेत स्थिर आणि प्रतिष्ठित करिअर शोधणाऱ्या उमेदवारांसाठी ही सुवर्णसंधी ठरणार आहे. पदवीधर पदांसाठी अर्ज प्रक्रिया 21 ऑक्टोबर 2025 पासून सुरू होईल, तर पदवीपूर्व पदांसाठी 28 ऑक्टोबर 2025 पासून अर्ज स्वीकारले जातील.

मुलाखतीच्या अगोदर करा ‘ही’ पाच कामे! लगेच मिळेल नोकरी

या भरतीद्वारे एकूण 8858 पदे भरली जाणार असून, CEN क्रमांक 06/2025 अंतर्गत 5808 पदवीधर पदे आणि CEN क्रमांक 07/2025 अंतर्गत 3050 पदवीपूर्व पदे उपलब्ध आहेत. पदवीधर पदांसाठी उमेदवारांचे वय 18 ते 33 वर्षे, तर पदवीपूर्व पदांसाठी 18 ते 30 वर्षे असणे आवश्यक आहे. सरकारच्या नियमानुसार OBC उमेदवारांना 3 वर्षे, SC/ST उमेदवारांना 5 वर्षे आणि PwBD उमेदवारांना 10 वर्षांची वयोमर्यादा सवलत मिळणार आहे.

अर्जासाठी सर्वसाधारण आणि OBC उमेदवारांना ₹500 शुल्क भरावे लागेल, तर SC, ST, PwBD, माजी सैनिक आणि महिला उमेदवारांसाठी शुल्क ₹250 इतके आहे. हे शुल्क फक्त ऑनलाईन माध्यमातून भरता येईल. उमेदवारांची निवड प्रक्रिया एकूण पाच टप्प्यांत होईल. CBT-I, CBT-II, टायपिंग कौशल्य किंवा अ‍ॅप्टिट्यूड चाचणी, दस्तऐवज पडताळणी आणि शेवटी वैद्यकीय तपासणी. प्रत्येक टप्प्यात पात्रता मिळवणे आवश्यक आहे, कारण अंतिम निवड गुणवत्तेनुसार केली जाणार आहे.

अर्ज करण्यासाठी उमेदवारांनी संबंधित आरआरबीच्या अधिकृत संकेतस्थळाला भेट देऊन “RRB NTPC Recruitment 2025, Apply Online” या लिंकवर क्लिक करावे. वैध ईमेल आणि मोबाईल क्रमांक वापरून नोंदणी केल्यानंतर आवश्यक कागदपत्रे अपलोड करून फॉर्म सबमिट करावा आणि त्याची प्रिंट प्रत भविष्यासाठी जतन करावी.

नाशिकच्या कुंभमेळ्यासाठी नवीन अभ्यासक्रम! युवकांना मिळणार प्रशिक्षण आणि रोजगार

रेल्वे क्षेत्रात स्थिर नोकरी, चांगले वेतनमान आणि शासकीय सुविधांसह दीर्घकालीन करिअर घडवू इच्छिणाऱ्या उमेदवारांसाठी ही भरती एक उत्तम संधी आहे. इच्छुकांनी अर्जाच्या तारखा चुकवू नयेत आणि अधिक माहितीसाठी आपल्या क्षेत्रीय आरआरबीच्या अधिकृत संकेतस्थळाला भेट द्यावी.

Web Title: Rrb ntpc recruitment 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com