Pune University news: विद्यार्थ्यांच्या आंदोलनाला यश! पुणे विद्यापीठाने मागे घेतली मेसची दरवाढ

Savitribai Phule Pune University news : सावित्रीबाई फुले पुणे विद्यापीठाच्या व्यवस्थापन परिषदेने भोजनगृहातील १० रुपयांची दरवाढ तत्काळ रद्द केली आहे. तसेच दुष्काळग्रस्त भागातील विद्यार्थ्यांचे परीक्षा शुल्क माफ करण्याचा निर्णय घेण्यात आला आहे.

• सावित्रीबाई फुले पुणे विद्यापीठाचा विद्यार्थ्यांना मोठा दिलासा
• विद्यापीठाने मागे घेतली मेसची दरवाढ
• दुष्काळग्रस्त भागातील विद्यार्थ्यांना मोठा आर्थिक आधार
• परीक्षा शुल्क माफीसह भोजनाच्या गुणवत्तेसाठी विशेष समिती स्थापन

Savitribai Phule Pune University news : सावित्रीबाई फुले पुणे विद्यापीठाने विद्यार्थ्यांना दिलासा देणारा एक निर्णय घेतला आहे. यामध्ये विद्यार्थ्यांच्या समस्यांना केंद्रस्थानी ठेवून व्यवस्थापन परिषदेच्या बैठकीत हा महत्त्वपूर्ण निर्णय घेण्यात आला आहे. राज्यातील सध्याची दुष्काळी परिस्थिती लक्षात घेता विद्यार्थ्यांना आर्थिक दिलासा देण्यासाठी विद्यापीठाच्या भोजनगृहातील प्रस्तावित १० रुपयांची दरवाढ तत्काळ प्रभावाने रद्द करण्यात आली. तसेच विद्यापीठाच्या कार्यक्षेत्रातील दुष्काळग्रस्त तालुक्यांमधून येणाऱ्या विद्यार्थ्यांचे आगामी परीक्षेचे शुल्क राज्य शासनाच्या धोरणानुसार माफ करण्याबाबत निर्णय घेण्यात आला.

भोजनाच्या गुणवत्तेवर परिणाम होऊ नये म्हणून विशेष समिती स्थापन

भोजनगृहातील दरवाढ रद्द केली असली तरी गरजू विद्यार्थ्यांना मिळणाऱ्या भोजनाच्या गुणवत्तेवर परिणाम होऊ नये, यासाठी डॉ. ज्योत्स्ना एकबोटे यांच्या अध्यक्षतेखाली विशेष समिती स्थापन करण्यात आली आहे. संगीता जगताप या समितीच्या सदस्या असणार आहेत. भोजनाचा दर्जा, गुणवत्ता आणि विद्यार्थ्यांना मिळणाऱ्या सुविधांबाबत आवश्यक उपाययोजना करण्याची जबाबदारी समितीवर देण्यात आली आहे.

School Sanchmanyata 2026: शाळांसाठी महत्त्वाची बातमी! संचमान्यता भरण्यासाठी आता ‘या’ तारखेची अंतिम मुदत असणार

डॉ. एकबोटे यांच्या अध्यक्षतेखाली गुणवत्ता नियंत्रण निकष निश्चित

विद्यापीठात सध्या कार्यरत असलेल्या भोजनगृह समिती, गुणवत्ता नियंत्रण समितीसह विविध समित्यांचे पुनर्गठन करण्याचाही निर्णय घेण्यात आला. या समित्यांच्या कामकाजाची व्याप्ती, जबाबदाऱ्या आणि कार्यपद्धती निश्चित करण्यासाठी डॉ. एकबोटे यांच्या अध्यक्षतेखालील समितीमार्फत निकष निश्चित करण्यात येणार आहेत.

विद्यार्थ्यांसाठी मोठी बातमी! IIIT Pune च्या संशोधन प्रकल्पांना केंद्र सरकारचे मोठे अनुदान प्राप्त

आगामी परीक्षांचे शुल्क माफ होणार

दरम्यान, पुणे, अहिल्यानगर आणि नाशिक या विद्यापीठाच्या कार्यक्षेत्रातील दुष्काळ घोषित तालुक्यांमधून येणाऱ्या विद्यार्थ्यांना आगामी परीक्षेचे शुल्क माफ करण्याचा निर्णय राज्य शासनाच्या धोरणानुसार घेण्यात येणार असल्याने विद्यार्थ्यांना मोठा आर्थिक दिलासा मिळणार आहे.

School Dropouts: एकही बालक शिक्षणापासून वंचित राहणार नाही; राज्यभर विशेष शोधमोहीम राबवण्याचे निर्देश