SBI मध्ये भरती… पैसे कमवा लाखात! वाचा माहिती, आताच करा अर्ज

SBI ने SO भरती 2025 अंतर्गत 996 पदांसाठी ऑनलाइन अर्ज प्रक्रिया सुरू केली आहे. अर्जाची अंतिम तारीख 23 डिसेंबर 2025 असून General/OBC/EWS साठी शुल्क ₹750, तर SC/ST/PWD साठी पूर्ण सूट आहे.

• पात्र उमेदवारांसाठी ही मोठी संधी मानली
• General / OBC / EWS प्रवर्गातील उमेदवारांना एकूण ₹750 रुपये भरावे लागणार
• SC / ST / PWD प्रवर्गातून येणाऱ्या उमेदवारांना शुल्कातून पूर्ण सूट देण्यात आली

स्टेट बँक ऑफ इंडिया (SBI) ने स्पेशलिस्ट ऑफिसर भरती 2025 संदर्भात मोठी अधिसूचना जाहीर केली आहे. 2 डिसेंबर 2025 रोजी प्रसिद्ध झालेल्या या नोटिफिकेशननुसार एकूण 996 पदांसाठी उमेदवारांकडून ऑनलाइन अर्ज मागवण्यात आले आहेत. बँकिंग क्षेत्रात करिअर करण्याची इच्छा असलेल्या पात्र उमेदवारांसाठी ही मोठी संधी मानली जात आहे.

ज्येष्ठ नागरिकांसाठी 10 दिवसीय मूल्यवर्धित अभ्यासक्रम! जोशी बेडेकर महाविद्यालयाचा अनोखा उपक्रम

या भरती प्रक्रियेत विविध विभागांतील स्पेशलिस्ट ऑफिसर (SO) पदांचा समावेश असून, प्रत्येक पदासाठी आवश्यक शैक्षणिक पात्रता वेगळी आहे. उमेदवारांचे वय किमान 20 वर्षे ते कमाल 42 वर्षे दरम्यान असणे आवश्यक आहे. अर्ज करणाऱ्यांनी आपल्या पात्रतेची नीट तपासणी करूनच अर्ज करावा, असे SBIने स्पष्ट केले आहे. अर्ज प्रक्रिया पूर्णपणे ऑनलाइन असून, अर्ज करण्याची अंतिम तारीख 23 डिसेंबर 2025 आहे. त्यामुळे इच्छुक उमेदवारांनी शेवटच्या तारखेची वाट न पाहता वेळेवर नोंदणी पूर्ण करणे हितावह ठरेल.

अर्ज करताना उमेदवारांना अर्ज शुल्क भरावे लागणार आहे. General / OBC / EWS प्रवर्गातील उमेदवारांना एकूण ₹750 रुपये भरावे लागणार आहे. SC / ST / PWD प्रवर्गातून येणाऱ्या उमेदवारांना शुल्कातून पूर्ण सूट देण्यात आली आहे.

अशा प्रकारे करता येईल अर्ज:

• sbi.bank.in या अधिकृत वेबसाइटवर जा
• CAREERS विभागात “Current Openings” वर क्लिक करा
• “Recruitment of Specialist Cadre Officer…” ही लिंक निवडा
• New Registration करून नोंदणी करा
• मिळालेल्या Registration ID आणि Password च्या मदतीने लॉग-इन करा
• अर्ज फॉर्म भरून आवश्यक कागदपत्रे अपलोड करा
• (लागू असल्यास) शुल्क भरून अर्ज सबमिट करा

5 डिसेंबर रोजी शाळांना लागणार टाळं? राज्यभरात होणार शिक्षकांचे आंदोलन

SBI ची ही भरती बँकिंग क्षेत्रात विशेष कौशल्य असलेल्या उमेदवारांसाठी उत्तम संधी ठरणार आहे. अधिक माहितीसाठी उमेदवारांनी अधिकृत अधिसूचना नीट वाचण्याचे आवाहन करण्यात आले आहे.