फोटो सौजन्य - Social Media
सर्विसनाऊने व्यवसाय परिवर्तनासाठी एआय-आधारित सर्विसनाऊ युनिव्हर्सिटी लाँच केली आहे. हैदराबादमध्ये झालेल्या एआय स्किल्स समिटमध्ये युनिव्हर्सिटीचे अनावरण करण्यात आले, जिथे १,२०० विद्यार्थी प्रत्यक्ष आणि २०,००० हून अधिक सहभागी वर्च्युअली एकत्र आले. युनिव्हर्सिटी भारतातील विद्यार्थ्यांमधील महत्त्वपूर्ण कौशल्य तफावत कमी करण्यासाठी डिझाइन करण्यात आली असून, २०२७ पर्यंत १ दशलक्ष विद्यार्थ्यांना एआय-सुसज्ज करण्याचा उद्देश आहे.
सध्या प्लॅटफॉर्मवर ३१८,००० सक्रिय विद्यार्थी, ११६,००० प्रमाणित व्यावसायिक आणि विविध प्रोग्राम्स आहेत, जे विद्यार्थ्यांना रोजगारासाठी तयार करतात. सर्विसनाऊने भारतात कुशल टॅलेंट निर्मितीसाठी मोठ्या प्रमाणात गुंतवणूक केली आहे. सुमीत माथूर म्हणाले, “कंपन्या झपाट्याने एआय अवलंबत आहेत, पण पुरेसे कुशल व्यावसायिक नाहीत. युनिव्हर्सिटी ही अनिश्चितता दूर करण्यासाठी डिझाइन केली आहे.”
युनिव्हर्सिटी एआय ओघ, समस्या-निवारण आणि नाविन्य यावर लक्ष केंद्रित करते, विद्यार्थ्यांना आत्मविश्वासाने सक्षम करते आणि भविष्यातील कामकाज पद्धतींचे नेतृत्‍व करण्यास सज्ज करते. एजेंटिक एआय २०३० पर्यंत भारतातील १०.३५ दशलक्ष रोजगारांना नवीन आकार देण्याची अपेक्षा आहे. उत्पादन, रिटेल, शिक्षण यांसारख्या उद्योगांमध्ये एआय, डिझाइन व डेटा अॅनालिटिक्समुळे कर्मचारी वर्गात मोठे बदल होत आहेत.
प्रभावासाठी सहयोग
लाँच करण्यात आलेल्‍या सर्विसनाऊ युनिव्‍हर्सिटीमधून कंपनीचा तिचे भारतातील ग्राहक, सहयोगी आणि शैक्षणिक परिसंस्‍थेसोबतचा दृढ सहयोग दिसून येतो. युनिव्हर्सिटी अकॅडेमिक करिक्‍यूलम इंटीग्रेशन प्रोग्राम सारखे उपक्रम, एआयसीटीई, राज्‍य उच्‍च शिक्षण परिषदा आणि सरकारी कौशल्य संस्‍था यांसारख्या नियामक संस्‍थांसोबतच्‍या सहयोगाच्‍या माध्‍यमातून सर्विसनाऊ एआय-समर्थित शिक्षण मोठ्या प्रमाणात उपलब्ध करून देत आहे आणि देशातील झपाट्याने विकसित होत असलेल्‍या रोजगार श्रेणींसोबत अभ्‍यासक्रम मार्ग संलग्‍न करत आहे.
सर्विसनाऊ युनिव्हर्सिटी कंपनीच्या जागतिक कौशल्य विकास उपक्रमांवर आधारित आहे, ज्यामुळे भारतातील तरुणांसाठी तंत्रज्ञान व संधी अधिक प्रमाणात उपलब्ध होतात. सर्विसनाऊच्या सर्वात वेगाने वाढणाऱ्या आणि सर्वात धोरणात्मक बाजारपेठांपैकी एक म्हणून भारत कंपनीच्या टॅलेंट परिवर्तन धोरणासाठी महत्त्वाचा आहे. सर्विसनाऊ युनिव्हर्सिटीच्या लाँचसह कंपनी भारतातील विद्यार्थ्यांना भविष्यासाठी सुसज्ज एआय कौशल्‍ये, गेमिफाइड प्रवास आणि भावी डिजिटल अर्थव्यवस्थेसाठी स्थिर करिअर मार्गांसह सक्षम करण्‍याप्रती आपली कटिबद्धता अधिक दृढ करत आहे. सर्विसनाऊ युनिव्हर्सिटी (ServiceNow University) आता भारतातील सर्व विद्यार्थ्यांसाठी उपलब्ध आहे, ज्यामध्ये कर्मचारी, ग्राहक, भागीदार आणि व्यक्‍तींचा समावेश आहे.
.png "Videos"){kind=small}
