SJVN भरतीला सुरुवात! वर्कमॅन ट्रेनी पदांसाठी करता येईल अर्ज, आजच करा Apply

SJVN लिमिटेडने 2025 साली वर्कमन ट्रेनीसाठी 87 पदांसाठी भरती जाहिरात प्रसिद्ध केली असून, फक्त हिमाचल प्रदेशाचे स्थायी रहिवासी अर्ज करू शकतात.

SJVN लिमिटेड, जी भारत सरकारच्या ऊर्जामंत्रालयाच्या अधीन येणारी ‘नवरत्न’ सार्वजनिक क्षेत्रातील उद्योजक संस्था आहे, वर्कमन ट्रेनी पदांसाठी जाहिरात प्रसिद्ध केली आहे. या भरतीसाठी विविध शाखांमध्ये एकूण 87 रिक्त पदे उपलब्ध आहेत. ऑनलाइन अर्ज प्रक्रिया 22 सप्टेंबर 2025 रोजी सकाळी 11:00 वाजता सुरू होईल आणि अंतिम तारीख 13 ऑक्टोबर 2025, सायंकाळी 6:00 वाजेपर्यंत ठेवण्यात आली आहे. निवड झालेल्या उमेदवारांना एक वर्षाचे प्रशिक्षण दिले जाईल आणि त्यानंतर ₹21,500/- सुरूवातीच्या पगारासह भत्ते मिळतील.

पहिल्याच प्रयत्नात UPSC उत्तीर्ण! नागपूरचा पोट्ट्या ठरतोय जगासाठी आदर्श

अर्ज शुल्क खुल्या प्रवर्ग, ओबीसी (NCL) आणि EWS उमेदवारांसाठी ₹200/- आहे, तर SC/ST, दिव्यांग (PwBD) व माजी सैनिकांसाठी शुल्क माफ आहे. उमेदवारांची वयोमर्यादा 30 वर्षे असून, SC/ST साठी 5 वर्षे, OBC (NCL) साठी 3 वर्षे, दिव्यांग उमेदवारांसाठी UR/EWS 10 वर्षे, OBC 13 वर्षे, SC/ST 15 वर्षे सूट दिली जाईल. माजी सैनिक, J&K स्थायी रहिवासी, प्रकल्प प्रभावित कुटुंबे व करारावर काम करणाऱ्या कर्मचाऱ्यांसाठी नियमांनुसार वय वाढवता येईल (कमाल 45 वर्षे).

रिक्त पदांमध्ये Assistant (Accounts) 10, Assistant 15, Driver 15, Electrician 20, Fitter 5, Turner 2, Welder 5, Storekeeper 10 आणि Surveyor 5 पदांचा समावेश आहे. प्रत्येक पदासाठी शैक्षणिक पात्रता भिन्न आहे. उदाहरणार्थ, Assistant (Accounts) पदासाठी B.Com पदवी व 40 wpm टायपिंग आवश्यक आहे, तर Electrician, Fitter, Turner, Welder व Storekeeper पदांसाठी संबंधित ITI प्रमाणपत्र आवश्यक आहे. Assistant पदासाठी पदवीसह संगणक अनुप्रयोगात 1 वर्षाचा डिप्लोमा/सर्टिफिकेट आवश्यक असून टायपिंग 30 wpm इंग्रजी व 25 wpm हिंदीमध्ये करणे आवश्यक आहे. Driver पदासाठी 8वी परीक्षा उत्तीर्ण व वैध LMV ड्रायव्हिंग लायसन्स आवश्यक आहे.

निवड प्रक्रिया पदानुसार भिन्न आहे. Electrician, Fitter, Turner, Welder, Storekeeper व Surveyor पदांसाठी फक्त कंप्युटर बेस्ड टेस्ट (CBT) घेतली जाईल, तर Assistant (Accounts), Assistant व Driver पदांसाठी CBT बरोबर ट्रेड टेस्टही होईल. CBT परीक्षा दोन तासांची असून एकूण 100 बहुपर्यायी प्रश्न विचारले जातील. यात 80 प्रश्न संबंधित विषयावर आणि 20 प्रश्न तर्कशक्ती, गणित, इंग्रजी व सामान्य ज्ञानावर आधारित असतील. परीक्षा इंग्रजी व हिंदी भाषेत होईल, प्रत्येक बरोबर उत्तरासाठी 1 गुण मिळेल व चुकीच्या उत्तरावर दंड आकारला जाणार नाही.

DDA भरती 2025 : ‘या’ तारखेपर्यंत करा अर्ज, विविध पदांसाठी अर्ज प्रक्रिया सुरु

अर्ज करण्यासाठी उमेदवारांनी अधिकृत वेबसाइट www.sjvn.nic.in वर जाऊन ‘Career’ विभागातून Workman Trainee Recruitment 2025 निवडावे, वैध ईमेल आयडी व मोबाइल नंबरने नोंदणी करावी, अर्ज फॉर्म काळजीपूर्वक भरावा व आवश्यक कागदपत्रे अपलोड करावी. शुल्क (जर लागू असेल) ऑनलाइन भरावे व अर्ज सबमिट करून त्याची प्रिंटआउट भविष्यासाठी काढून ठेवावी. ही भरती प्रक्रिया पारदर्शक असून पात्र उमेदवारांनी संधीचा लाभ घ्यावा.